மானுட விடுதலை...

உங்கள் இளைமையை நினைவூட்டும் காமிக்ஸ் புத்தகங்கள்: மாற்றுவெளி ஆய்விதழை முன்வைத்து.

2012-02-09T22:58:00.000+05:30

காமிக்ஸ் எனப்படும் சித்திரக்கதைகள் எப்போதும் ஈர்ப்புடையதாகவே இருக்கிறது. இளைமையின் நினைவுகளோடு பயணிப்பதாகவும், ஒவ்வொரு மணிதனுக்கும் எதோ ஒரு தனிப்பட்ட நினைவுகளை சுமந்தாகவும் அது இருக்கிறது. பள்ளி பருவத்தில் சித்திரக் கதைகளுடாகவே பலருக்கு வாசிப்பின் வாசல் திறக்கப்பட்டிருக்கிறது. என்னுடைய இளைமைப் பருவமும் அப்படியே விளைந்தது. சித்திரக் கதைகளின் மீதான ஈர்ப்பு இப்போதும் அப்படியே தொடர்கிறது. ஆனால் அவைகளை தேடிப்படிக்கும் பழக்கம் குறைந்துவிட்டது உண்மை. 90கள் வரை இளமைப்பருவத்தை எட்டிப்பிடித்தவர்களில் அம்புலிமாமாவையும் வாண்டுமாமாவையும் சந்திக்காகத தலைமுறை குறைவாகவே இருக்கும்.

கிட்டதட்ட 300க்கும் மேற்ப்பட்ட சித்திரக் கதைபுத்தகங்களை சேர்த்துவைத்து 10 மற்றும் 20 காசுகளுக்கு வாடகைவிட்டது நினைவில் வந்தாடுகிறது. சக பள்ளி தோழர்கள் என்கையில் இருக்கும் ஸ்பைடர் மேனுக்கும், இரும்புக்கை மாயாவிக்கும், வேதாளத்திற்கும் என்னைச் சுற்றிவந்தது இப்போதும் மகிழ்ச்சியான நினைவுகளாக தங்கி இருக்கிறது.

பள்ளி இறுதியண்டுகளை நெருங்கும் சமயம் பாக்கெட் நாவல், க்ரைம் நாவல் பக்கம் கவனம் திரும்பியது. விவேக் - ரூபலா, பரத் - சுசி, நரேன் - வைஜயந்தி சாகசங்களும் அவர்களது அரட்டைகளும், ராஜேஷ்குமார், பட்டுக்கோட்டை பிரபாகர், சுபா போன்றோரின் ஈர்ப்பான மொழிநடையும், புதிய யுக்திகளுடான கதை சொல்லும் முறையும் ஒரு புதிய உலகத்தை திறந்தது. சுஜாதா ஒருபக்கம் கணேஷ் வசந்துடனும், விஞ்ஞான கதைகளுடனும் வசீகரம் செய்தார். சித்திரக் கதைகளிலிருந்து எழுத்துக்கள் நிரப்பிய நாவல்களை படிக்கும் பழக்கம் மற்றோர் பக்கம் சரித்திர நாவல்களை நோக்கிய அடுத்து பயணத்தை தொடரவைத்தது. அப்போது சோவியத் நாவல்கள் வேறு ஒரு பாதையை திறந்தது.

கல்லூரி காலத்துவக்கத்தில் நினைவுகள் அழிவதில்லை, உண்மை மனிதன் கதை என இடதுசாரி இலக்கியங்கள் பெரும் தாக்கத்தை ஏற்படுத்தின. தத்துவார்த்த புத்தகங்கள் அவைகள் சார்ந்த விவாதங்களுடன் படித்த நாட்கள் மறக்க முடியாத நாட்களாய் அமைந்தது. அம்பேத்கரும் பெரியாரும் தவிர்க்க முடியாமல் புத்தக அறையில் நுழைந்து சமூகத்தை புரிவவைத்தனர். மேலும் புதிய அரசியல் சூழலும் உலகமயமும் ததுவார்த்த கேள்விகளை விதைக்க.. அவைகளுக்கான மார்க்சிய அடிப்படை தீர்வும் அது சார்ந்த நூல்களும் தொடர்ந்து படிக்க வேண்டிய அவசியத்தை இன்றுவரை தொடர வைத்துள்ளது.

இதற்கிடையில் செய்திதாள்களில், மாத வார இதழ்களில் சித்திரக்கதைகளை படிக்கும் போது அவைகளுக்கான நாட்கள் நினைவு பரப்பை அசைத்துச்செல்லும். சமிபத்தில் மாற்றுவெளி ஆய்விதழ் தனது 9 வது இதழை தமிழ் சித்திரக்கதை சிறப்பிதழாக வெளியிட்டுள்ளது. மிகவும் முக்கியமான இதழ் இது. இதற்கு முன்பு கால்டுவெல், இந்திய பொருளாதாரம், கல்வி, ரோஜா முத்தையா நுலகம், நாவல்கள், மாற்று பாலியல், தமிழ் சமூக வரலாறு, போருக்கு பிந்தையா ஈழம் ஆகிய பொருண்மைகளில் 8 இதழ்கள் வந்துள்ள நிலையில் இந்த இதழ் சித்திரக்கதைகள் குறித்த ஆய்வையும், அனுபவங்களையும் பகிர்ந்துக்கொள்கிறது.

தமிழ் அச்சு பண்பாடு: தமிழ் சித்திரக்கதை சார்ந்த உரையாடலை நோக்கிய தலையங்கமும், தமிழ் சித்திரக் கதைகள் ஒரு அறிமுகம் என்ற சிவக்குமாரின் கட்டுரையும், கட்டங்களுக்கு நடுவில் என்ற ட்ராஸ்கி மருதுவின் கட்டுரை, சித்திரக்கதைகளின் மொழி கட்டமைப்பு என்ற சு. பிரபாவதி கட்டுரை, கதைகதையாம் காரணமாம் அதிலே இந்திர ஜாலமாம் என்ற இரா.திருமுருகனின் கட்டுரை, சிறார் உலகில் சுட்டிவிகடன் படக்கதை என்ற வேலுசரவணன் கட்டுரை, அணில்: மிகைக் கற்பனைக் கதைகளின் முன்னோடி என்ற பி.என்.எஸ்.பாண்டியனின் கட்டுரை, தமிழ் சித்திரக் கதைகள்: விவாதத்திற்கான சில குறிப்புகள் என்ற பா.ரவிக்குமாரின் கட்டுரையும் பல்வேறு தளங்களில் சித்திரக் கதைகளின் பரிமாணங்களை நமக்கு மிகவும் விருப்பத்துடன் பறிமாற்றங்களை செய்கின்றன.

வாசக மனோபாவத்துடன் வலைதளங்களில் சித்திரக் கதைகள் குறித்து எழுதும், சித்திரக்கதைகளை மொழிபெயர்ப்பவர் என பலரின் அனுபவங்கள் இந்நூலில் தொகுக்கப்பட்டுள்ளது. அதைப்போவே பிரகாஷ் பப்ளிகேஷ்ன்ஸ் - லயன், முத்து காமிக்ஸை வெளியிட்டு வருகிற விஜயன், ஒவியர்கள் ஜெ, அரஸ், ராமு, ம.செ என்கிற மணியம் செல்வம், 25 ஆண்டுகளாக சித்திரக் கதைகளை வாசித்து வருகிற புதுவையை சார்ந்த ஆட்டோ ஓட்டுனர் கலீல் ஆகியோரின் உரையாடல்கள் உங்களுக்கு நிச்சயம் சித்திரக்கதைகளின் நுட்பங்களை அறிமுகம் செய்யும்.

சில புத்தக அறிமுகம், ஓவியர்கள் அவர்களின் சித்திரக்கதை படைப்புகள், தமிழ் சித்திரக் கதைகளின் கால வரிசையென முடிந்த அளவு நிறைவாக இவ்விதழ் திகழ்கிறது. இந்த இதழை படிக்கு போதும் அதை தொடர்ந்தும் வாசகர்களின் மனதில் ஒரு உற்சாகத்தையும் இழந்த ஒன்றை அடைந்த மகிழ்வையும் கொடுக்கும் என்பதில் மாற்றுக் கருத்து இருக்க முடியாது. சித்திரக்கதைகளின் பின்னால் இருக்கும் வலியை உணர செய்யும் இதழாகவும் இருப்பதுதான் இதழ் தயாரிப்பாளர்களின் கூடுதல் சமூக அக்கரையை பறைசாற்றுகிறது. இதழில் கொடுக்கப்பட்டுள்ள வலைதளங்கள் மற்றும் வலைப் பூக்களின் அறிமுகம் தொடர்ந்து சித்திரக்கதையின் தொடர்பை நமக்கு உறுதிப்படுத்துகிறது.

மிகவும் அக்கரையான முயற்சியை தொடர்ந்து தமிழ் சமூகத்திற்கு வழங்கிவருகிற மாற்றுவெளி ஆய்விதழை நீங்கள் படியுங்கள், உங்களுக்கு தெரிந்த நண்பர்களிடம் அறிமுகம் செய்யுங்கள். நல்ல புத்தகங்கள் எங்கே இருந்தாலும் உங்களை வந்தடையும் என்பது உண்மைதான். ஆனால் அது காலத்துடன் நடக்க வேண்டும். அதுதான் மிகவும் முக்கியம்.

தானே வந்து சூறையாடிய காற்று : புயலும் புயல் சார்ந்த கொள்ளையும்

2012-01-26T21:48:00.001+05:30

கடலுர் மாவட்ட மக்கள் கடந்த எட்டு ஆண்டுகளில் சந்தித்த இரண்டாவது பெரிய பேரழிவு இது. ஆழிப்பேரலையின் கோரத் தாண்டவம் உயிர்களை பறித்து, கடல் சார்ந்த நெய்தல் நிலத்தை மொத்தமாய் உலுக்கிச் சென்றது. இப்போது அடித்த தானே புயல் இன்னும் பல பத்தாண்டுக்கு பிறகும் ஈடு செய்ய முடியாத இழப்பை ஏற்படுத்திச் சென்றுள்ளது. ஒப்பீட்டளவில் சொல்ல வேண்டுமெனில் இது பல ஆழிப்பேரலைகளின் தாக்கத்தை ஒரே சூறைக்காற்று ஏற்படுத்திய பேரழிவு. பறவைகள் அற்ற உலகை உங்களால் கற்பனை செய்து பார்க்கமுடியாதுதானே. ஆனால் மூன்று தினங்கள் கடலூரை சுற்றி எங்கும் காக்கைகள் உள்ளிட்ட பறவைகள் இல்லாத நிசப்தம் நிலவியது. சாய்ந்த மின்கம்பங்கள், அலைபேசி கோபுரங்கள், ஆயிரமாயிரமாய் வேரோடு சாய்க்கப்பட்ட மரங்கள், ஒரு இலைகூட இல்லாமல் குச்சிகளாய் நிற்கும் மரங்கள், அலைக்கழிக்கப்பட்டு வீசியெறியப்பட்ட ஐந்து லட்சம் குடிசை வீடுகள், அறுத்தெறியப்பட்ட வலைகள், தொலைந்து போன படகுகள், 50 ஆயிரம் ஏக்கர் வேரோடு பிடுங்கப்பட்ட முந்திரி மரங்கள், பல்லாயிரம் வீழ்ந்த கணக்கில் மா, பலா, தென்னை மரங்கள், பலவகையான காய்கறிகள், பல்லாயிரம் ஏக்கர் கரும்புத் தோட்டங்கள், துடைத்தெறி யப்பட்ட நெற்வயல்கள், நிவாரணம் கிடைக்காத மக்கள் என தனது உருவத்தை தொலைத்து நிற்கிறது கடலூர் மாவட்டம்.

தமிழகத்தில் வேறு எந்த மாவட்டத்திலும் இல்லாத ஒரு சிறப்பு தென்னார்காடு மாவட்டத்திற்கு உண்டு. இங்குதான் குறிஞ்சி, முல்லை, நெய்தல், மருதம் என்ற நான்கு திணைக்குரிய நிலங்களும் உள்ளன. பாலை மட்டும் இல்லாமல் இருந்தது. அதையும் இந்த சூறைக்காற்று உண்டாக்கிவிட்டது. முல்லையும் குறிஞ்சியும் முறைமையிற் திரிந்து, நல்லியல்பு இழந்து நடும்பு துயர் உறுத்து, பாலை என்பதோர் படிமம் கொள்ளும் என்ற சிலப்பதிகார வரிகளுக்கு ஏற்ப பல இடங்கள் இப்போது பாலை நிலங்களாக காட்சியளிக்கின்றன.

சூறைக்காற்று கடந்து சென்று கிட்டத்தட்ட 25 நாட்களை கடந்து இன்னும் சீர்செய்யப்படாத மின்வசதியும், குடிநீர் இல்லாமல் பல கிராமங்களில் மக்கள் அலைவது தானே புயலின் தீவிரத்தை காட்டும். தினமும் மக்கள் கூட்டம் கூட்டமாய் மறியல் செய்து வருகின்றனர். அரசு தினமும் 80 சதவீத நிவாரண பணிகள் முடிந்துவிட்டதாக ஊடகங்கள் மூலமாக உடுக்கை அடித்து வருகிறது. உண்மை அதுவல்ல. வீடுகளுக்கு கொடுக்கும் நிவாரண தொகைகளில் ஆளும் கட்சியினர் அடிக்கும் கொள்ளையை கண்டித்தும் போராட்டங்கள் நடக்கிறது. அறிவித்துள்ள சொற்பதொகைக் கூட மக்களுக்கு சரியாக கிடைக்கவில்லை. வீடுகளை மறுசீரமைப் புச்செய்ய ஆகும் கூலிக்கு கூட போதாத தொகைக்கே இந்த நிலை. 100 சதவீதம் மின்சாரம் சீர்செய்யப்பட்டதாக மாவட்ட நிர்வாகம் அறிவித்த தினத்தில் நூற்றுக்கணக்கான கிராமங்கள் மின்சாரம் இல்லாமல் போராட்டம் நடத்தின.

அரசு முறையான கணக்கெடுப்பைக்கூட இன்னும் சரியாக செய்து முடிக்கவில்லை. மிக எளிதாக கணக்கிடக்கூடிய, கடற்கரை ஓரத்தில் வாழும் மீனவ மக்களின் பாதிப்பைக் கூட இன்னும் கணக்கிடவில்லை. கடலூர் மாவட்டத்தில் த.சோ.பேட்டை துவங்கி நல்லவாடு வரை உள்ள 49 மீனவ கிராமங்களும் கடுமையாக பாதிப்படைந்துள்ளன. இங்குள்ள சுமார் ஒரு லட்சம் மக்கள் மீன்பிடி தொழிலை நம்பியே வாழ்கின்றனர். இவர்களுக்கு சொந்தமான குடிசைகள், வீடுகள், மரங்கள், சமுதாயக் கூடங்கள், வலைகள், கட்டுமரங்கள், விசைப்படகுகள், கண்ணாடி இழை படகுகள் போன்றவை கடுமையான சேதமடைந்துள்ளன. நூற்றுக்கணக்கான கட்டுமரங்களும், கண்ணாடி இழைபடகுகளும் தொலைந்து விட்டன. ஆனால் அரசாங்கம் 82 விசைபடகுகள், 270 கண்ணாடி இழை படகுகளும், 729 கட்டுமரங்கள் மட்டுமே சேதமடைந்ததாக அறிவித்துள்ளது. இந்த கணக்கு முழுமையானது அல்ல. உண்மைக்கும் அரசின் கணக்கிற்கும் தூரம் அதிகம் உள்ளது.

இன்னும் நிலம் சார்ந்த அழிவு குறித்த கணக்கெடுப்பு முழுமையாக நடைபெறவில்லை. கிராம நிர்வாக அதிகாரிகள் பற்றாக்குறை பெரிய நெருக்கடியை ஏற்படுத்தி உள்ளது. திட்டமிட்ட மீட்பு பணிகள் நடைபெறு வதில், மக்களுக்கு எவையெவை உடனடி தேவைகள் என்பதைக்கூட அரசால் திட்டமிடமுடியவில்லை என்பதுதான் பெரும் சோகம். அனேகமாக 70 சதமான குடிசைகளில் மாணவர்களின் நோட்டு புத்தகங்கள், சான்றிதழ்கள், ரேசன் அட்டை, சமையல் எரிவாயு அட்டை, வாக்காளர் அடையாள அட்டை போன்றவை இல்லை.

ஒரே மாதிரியான பாதிப்புகளை சந்தித்த புதுச்சேரியை பேரிடர் பகுதியாக அறிவிக்கும் மத்திய அரசு, கடலூர் மாவட்டத்தை புறக்கணிக்கிறது. தமிழக அரசும் பேரிடர் மாவட்டமாக அறிவிக்க மறுக்கிறது.பேரிடர் மாவட்டமாக அறிவித்தால் வரிச்சலுகைகள், கல்விச்சலுகைகள், விவசாயக் கடன் தள்ளுபடிகள், அடிப்படை கட்டமைப்பு மேம்பாடு, மீண்டும் பேரிடர் வரும் முன் காக்கும் நடவடிக்கைகள், அதுசார்ந்த கட்டுமானங்கள் என அரசிற்கு செலவாகும் என அஞ்சுவதால் இந்த அறிவிப்பை வெளியிடாமல் இருக்கிறார்கள் போலும். மத்திய அரசு இந்திய பெருமுதலாளிகளுக்கு ஒதுக்கும் வரிச் சலுகையில் ஒரு பருக்கைதான் இதற்கு தேவை. மத்திய அரசின் பேரிடர் நிதியில் ஒரு சிறு பகுதி போதும், மாநில அரசு, கடந்த அரசு கட்டிய ஒரே காரணத்திற்காக கைவிடும் கட்டிடங்களின் மொத்த தொகையின் அளவு போதும் மாவட்டத்தை புனரமைக்க. இவையெல்லாம் நடக்க வேண்டுமெனில் இம்மாவட்டத்தை பேரிடர் மாவட்டமாக அறிவிக்க வேண்டும்.

மற்றெரு பக்கம் இப்புயல் சார்ந்த வேறுவிவாதங்களும் உள்ளன. ஆழிப்பேரலையின் தாக்கம் நிகழ்ந்த போது அம்மக்களுக்கு என்ன தேவை என தெரியாமலே பல தன்னார்வத்தொண்டு நிறுவனங்கள் கிடைத் ததையெல்லாம் கொடுத்தன. அரசும் அதை முறைப்படுத்த முயலவில்லை. அப்போது வந்த விமர்சனங்களை எதையும் அரசு கற்றுக்கொண்டதாக தெரியவில்லை. இப்போதும் அப்படியே நடந்தது. புகைப்படங்கள் எடுத்து ஆவணப்படுத்தும் ஆர்வத்தில், என்ன கிடைக்கிறதோ அதையெல்லாம் கொடுப்பது நடந்தது. பலகிராமங்களில் முதல் ஐந்து தினங்கள் மெழுகுவர்த்தி, குழந்தை களுக்கான பால்பவுடர், உணவு, குடிநீர், கழிப்பிட வசதி ஆகியவைதான் அவசியத் தேவையாக இருந்தது. இவைகளை சரிசெய்ய அரசு எந்திரத்தால் மிக எளிதாக முடிந்திருக்கும். ஆனால் புயல் அடித்த ஐந்தாம் நாள் 80 தன்னார்வ தொண்டு நிறுவனங்களை அழைத்து மாவட்ட ஆட்சியர் அலுவலகத்தில் கூட்டம் நடத்திக் கொண்டிருந்தனர். இதன் மூலம் ஏதாவது கிடைக்குமா என ஆட்சியாளர்கள் விரும்பி யிருக்கலாம்.

அதே நேரம் மக்கள் பிரதிநிதிகள், அனைத்துக்கட்சியினரை அழைத்து நிவாரணப் பணிகளை நேர்மையாக நடத்திட என்ன செய்வது என ஆலேசனை செய்திருக்கலாம். ஆனால் மாவட்ட நிர்வாகம் இவைகளில் அக்கறை செலுத்தவில்லை. இப்போது தமிழக அரசு, மாவட்ட ஆட்சித் தலைவரை மாற்றியுள்ளது. ஆட்சியாளர்களின் கொள்கையில் மாற்றம் இல்லாமல் ஆட்சியர்களை மாற்றி என்ன பயன் எனத் தெரியவில்லை. இப்போது வந்திருக்கும் மாவட்ட ஆட்சியர் நூற்றுக்கணக்கான கிராமங்களிலும், 90 சதமானம் விவசாயத்திற்கு மின்சாரமே கிடைக்காத போது கடலூர் மாவட்டத்தில் 100 சதவீதம் மின்சாரம் வழங் கப்பட்டுவிட்டது என்று அறிக்கைவிட்டவர்.

நடந்திருக்கும் சேதத்தை புரிந்து கொள்ள முடிகிறது. ஒரே நாளில் சூ மந்திர காளி! ஜெய் ஜக்கம்மா! மந்திரம் போட்டு மாற்றிவிட முடியாது என்பதை மக்கள் புரிந்து கொண்டிருக்கிறார்கள். ஆனால் சேதத்தை குறைத்துக் காட்டுவதும், நிவாரணப் பணிகள் முழுமையாக நடந்ததைப்போல கதையளப்பதும், கொடுக்கும் நிவாரணங்களில் கொள்ளையடிப்பதும், இருக்கும் அரசு எந்திரத்தை சரியாக திட்டமிட்டு பயன்படுத்தாததும்தான் மக்களை கோபப்படுத்துகிறது.

புயல் அடித்த அன்று மார்க்சிஸ்ட் கட்சியின் கடலூர் மாநாடு துவங்கவிருந்தது. பேரணியுடன் மாநாட்டை தள்ளிவைத்து வந்திருந்த பிரதிநிதிகள், தங்கள் பகுதியில் உடனடியாக நிவாரணப் பணிகளை மேற் கொள்ள அனுப்பப்பட்டனர். கட்சியின் மாநிலத் தலைவர்கள் உடனடியாக மாவட்டத்தின் அனைத்துப் பகுதிகளையும் பார்வையிட்டனர். வாலிபர் சங்கம், அறிவியல் இயக்கம், மாதர் சங்கம், விவசாயிகள் சங்கம், விவசாயத் தொழிலாளர் சங்கம், குடியிருப்போர் கூட்டமைப்பு, அரசு ஊழியர் சங்கம் போன்ற அமைப்புகளின் தலைவர்கள் வந்து பார்வையிட்டு பல்வேறு நிவாரணப் பணிகளை மேற்கொண்டனர். இவ் வமைப்புகளின் சார்பில் 30 லட்சம் ரூபாய் பொருட்கள் மக்களுக்கு வினியோகம் செய்யப்பட்டுள்ளது. இன்னும் அப்பணி தொடர்ந்து கொண்டிருக்கிறது. சுகாதார பிரச்சனைகளில் கவனம் செலுத்துவதும் நடக்கிறது.

மாவட்டம் முழுவதும் கிராமம் கிராமாக ஆய்வுத்தாள் மூலம் கட்சியின் தோழர்கள் சர்வே எடுத்துக்கொண்டிருக்கிறார்கள். வட்ட தலைநகர்களில் முதல் கட்ட போராட்டம் நடந்துள்ளது. மாவட்ட நிலைமையை முழுமையாக ஆய்வு செய்து, மாவட்டம் தழுவிய போராட்டத்திற்கு திட்டமிடப்படுகிறது. காரணம், ஒரு லட்சம் பம்பு செட்டுகள் மற்றும் காவிரிப் பாசனம், வெல்லிங்டன் ஏரி, பெருமாள் ஏரி உள்ளிட்ட வாய்ப்புகளை பயன் படுத்தியும் ஆழ்குழாய் கிணறுகள் மூலமும் வேளாண்மையில் செழித்த மாவட்டம் இன்று பாதிக்கப்பட்டுள்ளது. இப்போது நிவாரணம், நிலத்தில் சாகுபடி செய்தவருக்கா அல்லது நில உடமையாளருக்கா என்றும் பிரச்சனை எழுந்துள்ளது. மற்றென்று கடற்கரையோரத்தில் பகாசுர அனல் மின்நிலைய, எண்ணெய் சுத்திகரிப்பு கம்பெனிகள் வாங்கியுள்ள விவசாய விளைநிலங்களில் மக்கள் செய்த பயிர்கள் அழிந்துள்ளது. இங்கும் நட்டஈடு கொடுக்க முடியாது என மாவட்ட நிர்வாகம் அறிவித்துள்ளது. ஆக மக்கள் களத்தில் இறங்கி போராடினால்தான் தீர்வு என்பதை தானே புயலும் நிரூபணம் செய்துள்ளது.

சல்மான் ருஷ்டி: எழுத்தாளரை விரட்டும் தேசம்!

2012-01-24T22:41:00.001+05:30

ஜூன் 19, 1947 இந்தியாவில் பிறந்த பிரித்தானிய எழுத்தாளர் சர் அகமத் சல்மான் ருஷ்டி. இவரின் 1981இல் வெளிவந்த இரண்டாம் புதினம் "மிட்னைட்ஸ் சில்ட்ரென்" காரணமாக பெரும் புகழ் அடைந்தார். இந்த நாவல் புக்கர் பரிசு வென்றது. இவரது நாவல் இந்திய தீபகற்பம்|இந்தியச் சூழலில் எழுதப்பட்டவைகளாகும்.. இவரது இலக்கிய வகை மாய யதார்த்தவாதம் என்ற தன்மையிலானது. கிழக்கு மற்றும் மேற்கு உலகங்களிடையே உள்ள தொடர்புகள். தாக்கங்கள் மற்றும் குடிப்பெயர்வுகளை அதுசார்ந்த பிரச்சனைகளை அடிப்படையாக கொண்டு எழுதுபவர்.

1988இல் இவரின் நான்காம் நாவலான த சாத்தானிக் வெர்சஸ் வெளிவந்தது. இந்த நாவல் இஸ்லாமிட அடிப்படை வாதத்தை கேள்வி எழுப்பிய காரணத்தால் உலகில் பல முஸ்லிம் அமைப்புகள் ருஷ்டிக்கு எதிராக போராட்டம் செய்தனர். அப்போதைய ஈரானின் தலைவர் அயத்தொல்லா கொமெனி ருஷ்டியை கொலை செய்யவேண்டும் என்று பெப்ரவரி 14, 1989 அன்று ஒரு ஃபத்வா வெளியிட்டுள்ளார். இதனால் ருஷ்டிக்கு பிரித்தானிய காவல்துறை பாதுகாப்பு கொடுத்துள்ளது. ஜப்பானில் இப்புதினத்தை மொழிபெயர்ப்பு செய்தவர் 1991இல் கொல்லப்பட்டார்.

2007ஆம் ஆண்டில் பிரித்தானிய அரசி இவரது இலக்கியச் சேவைக்காக "நைட் பேச்சிலர்" என்ற சர் பட்டம் வழங்கியது. பிரான்சின் கலை மற்றும் எழுத்திற்கான கௌரவ அமைப்பில் இவருக்கு கமாண்டர் பொறுப்பு கொடுக்கப்பட்டுள்ளது. 2007இல் அட்லான்டா, ஜோர்ஜியாவின் எமரி பல்கலைக்கழகத்தில் சிறந்த எழுத்தாளர் என்ற ஐந்தாண்டு பதவியில் அமர்ந்தார். 2008இல் அமெரிக்க கலை மற்றும் எழுத்து அகாடெமியில் தேர்ந்தெடுக்கப்பட்டார். டைம்சு இதழ் 1945க்குப் பிறகான 50 மிகச்சிறந்த பிரித்தானிய எழுத்தாளர்களில் இவரை பதின்மூன்றாவது இடத்தில் மதிப்பிட்டுள்ளது.

இவரது அண்மைய புதினம் லூக்கா அண்ட் ஃபயர் ஆஃப் லைஃப் நவம்பர் 2010இல் வெளியாகியுள்ளது. தனது நினைவுக்குறிப்புகளை எழுதப்போவதாக அறிவித்துள்ளார். தற்போது ராஜஸ்தான் மாநிலம் ஜெய்ப்பூரில் நடக்கும் இலக்கிய விழாவில் எழுத்தாளர் சல்மான் ருஷ்டி வீடியோ கான்பரன்சிக் மூலமாக பேசும் நிகழ்ச்சிக்கு ஏராளமான எதிர்ப்புகள் கிளம்பியதால், அது ரத்து செய்யப்பட்டு விட்டது. ராஜஸ்தான் அரசும், முஸ்லிம் மக்களும் கடும் எதிர்ப்புத் தெரிவித்து வந்தனர். இன்று 24.01.12 காலை முதலே இலக்கிய விழா நடைபெறும் அரங்கிற்கு முன்பாக பல்வேறு அமைப்புகள் சார்பில் தொடர்ந்து எதிர்ப்புப் போராட்டங்கள் நடைபெற்றதால், சட்டம் ஒழுங்கு பிரச்சினை ஏற்படக் கூடாது என்பதால் நிகழ்ச்சி ஏற்பட்டாளர்கள் சல்மான் ருஷ்டி நிகழ்ச்சியை ரத்து செய்வதாக அறிவித்துள்ளனர்.

"ஜெய்ப்பூரில் நடக்கும் இலக்கிய விழாவில் தான் கலந்துகொள்வதைத் தடுத்துடன், வீடியோ கான்பரன்ஸிங் மூலம் பேசுவதற்கும் அனுமதிக்காமல் இருந்ததற்காக இந்தியாவில் பேச்சு சுதந்திரம் பறிபோய்விட்டது" என குற்றச்சாட்டைக் கூறியுள்ளார் சல்மான் ருஷ்டி.

"ஜெய்ப்பூர் போலீஸார் இந்த விவகாரத்தில் இரட்டை வேடம் போடுவதாகவும், தனக்கு கொலை மிரட்டல் விடுக்கப்பட்டுள்ளதாகவும், தான் கலந்து கொண்டால் தனது உயிருக்கு ஆபத்து இருப்பதை உத்தேசித்து பெரும் பிரச்னைகள் ஏற்படலாம் என்று எச்சரிக்கப்பட்டதாகவும் போலீஸார் கூறினர். அதனால் நிகழ்ச்சி ஏற்பாட்டாளர்களின் வற்புறுத்தலால் பயணத்தை ரத்து செய்துவிட்டு, வீடியோ கான்பரன்ஸிங் மூலம் பேசுவதற்கு எண்ணினேன். ஆனால், குறிப்பிட்ட ஒரு சிலருக்காக போலீஸார் அதையும் அனுமதிக்க மறுத்துவிட்டனர். இந்தியா எங்கு போய்க்கொண்டிருக்கிறது என்று தெரியவில்லை." என அவர் கூறியது ஜனநாயகம் குறித்து பேசுவோர் யோசிக்க வேண்டிய விஷயமாகும்.

எதிர் கருத்துக்களை கருத்துக்களால் எதிர்கொள்ள முடியாத இலாமிய அடிப்படை வாதிகள் இந்து அடிப்படைவாதிகளுக்கு கொஞ்சமும் சலைத்தவர்கள் அல்ல என்பது மீண்டும் நிருபனமாகியுள்ளது. எந்த மதம் சார்ந்து வந்தாலும் அடிப்படைவாதமும், பயங்கரவாதமும் எதிர்க்கக்கூடியதாக இருந்தால்தான் ஒரு நாடு தன்னை ஜனநாயக நாடு என பறைசாற்ற முடியும். இந்தியா ஜனநாயகம் பேசும் நாடு என நம்பப்பட்டாலும் கயர்லாஞ்சி துவங்கி பரமகுடிவரை தலித் மக்களுக்கு எதிரான வன்முறைகளிலும், தஸ்லிமா நஸ்ரின், சல்மான் ருஷ்டி போன்ற எழுத்தாளர்கள் சம்பவங்களிலும் அப்பட்டமாய் ஜனநாயா முகம் கிழிந்து நிற்பது அருவருப்பாய்தான் இருக்கிறது. எழுத்தாளனை விரட்டும் தேசம் யாரை வாழவைக்கும்?

நேர்மையான வழக்கறிஞர்களே! இது நியாயமா?

2012-01-14T07:29:00.000+05:30

தமிழகம் மற்றும் புதுவையில் 12 .01 .12 அன்று வழக்கறிஞர்கள் வேலை நிறுத்ததம் செய்தனர். அதுவும் மார்க்சிஸ்ட் கட்சியை கண்டித்து என்றதும் பலருக்கும் ஆச்சரியம்தான். வழக்கறிஞர்கள் உரிமைக்காக தொடர்ந்து போராடி வரும் ஒரு அரசியல் இயக்கத்தை எதிர்த்து எதற்கு இந்த போராட்டம். அப்படி என்ன அந்த கட்சி தவறு செய்தது ?

அந்த இயக்கம் செய்த தவறு இதுதான் ...

தூத்துக்குடி மாவட்டத்தில் தெய்வச்செயல்புரம் என்ற கிராமத்தில் அம்மக்களிடம் நீண்ட காலமாக 915 ஏக்கர் நிலம் அங்குள்ள 213 விவசாய குடும்பங்கள் பயன்பாட்டிலும் அனுபவத்திலும் இருந்து வந்தது.

சாதரண உழைப்பாளி மக்களின், விவசாயிகளின் நிலத்தை திருநெல்வேலியைச் சார்ந்த மேடைத் தளவாய் திருமலையப்பன் என்பவர் தூத்துக்குடி வழக்கறிஞர் பி.செல்வம் (ஃபிராடு நம்பர் 1) அவர்களின் சகோதரர்களான 1. பி.சண்முகவேல், 2.பி.சங்கரன் மற்றும் இவர்களது பினாமிகளான 3.ஜெயக்குமார், 4. சொர்ணம், 5.சின்னமுத்து, 6.ஆறுமுகம், 7.பேச்சிமுத்து ஆகியோருக்கு மேற்கண்ட விவசாயிகளின் நிலத்தில் 542 ஏக்கரை 2008-ல் மோசடியாக கிரயம் செய்து கொடுத்தார்.

இதுமட்டும் அல்லாமல் மிச்சமுள்ள 373 ஏக்கர் நிலம் பி.செல்வம் (ஃபிராடு நம்பர் 1) மூலமாக மற்றவர்களுக்கு மோசடியாக கிரையம் செய்யப்பட்டது. இந்த மோசடிக்கு எதிராக 3-8-2009 அன்று மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினரும், விவசாயிகள் சங்கத்தின் மாநிலத் தலைவருமான கே.பாலகிருஷ்ணன் தலைமையில் பாதிக்கப்பட்ட விவசாயிகளும் கலந்து கொண்ட முற்றுகைப் போராட்டம் நடந்தது. இரவு 12 மணிக்கு ஆர்.டி.ஓ. போராட்டத்தில் கலந்து கொண்ட தலைவர்களையும், விவசாயிகளையும் சந்தித்து நிலத்தை மீட்டுக் கொடுப்பதாக கொடுத்த உத்தரவாதத்தின் அடிப்படையில் போராட்டம் விலக்கிக் கொள்ளப்பட்டது.

இதற்கிடையில், மோசடிக் கிரயப்பத்திரத்தை வைத்து பி. செல்வத்தின் (ஃபிராடு நம்பர் 1) சகோதர்களும், மற்றவர்களும் தங்களுக்குள்ள செல்வாக்கைப் பயன்படுத்தி தங்கள் பெயரில் பட்டா மாற்றம் செய்து கொண்டார்கள். கிராமத்து மக்கள் ஆட்சேபித்தவுடன் தாசில்தார் மற்றும் ஆர்.டி.ஓ. விசாரணை நடத்தி அளிக்கப்பட்ட பட்டாவை ரத்து செய்தார்கள்.

தற்பொழுதும் அந்த 915 ஏக்கர் நிலத்தில் மேற்கண்ட 213 விவசாயிகள்தான் சாகுபடி செய்து வருகிறார்கள். நிலம் விவசாயிகளுக்கு சொந்தமென்றும், நடைபெற்றது மோசடிக் கிரயம் என்றும் அறிவித்த அதிகாரிகள் இது குறித்து மோசடியாக கிரயம் பெற்றவர்கள் நீதிமன்றத்தில் வழக்கு தொடுத்து பிரச்சனையை தீர்த்துக் கொள்ளட்டும் என்று அறிவித்து விட்டார்கள்.

கடந்த 2010ம் ஆண்டு ஏற்பட்ட வெள்ளப்பெருக்கால் தெய்வச்செயல்புரம் கிராமத்து மக்களுடைய பயிர் கடுமையான பாதிப்புக்குள்ளானது. தங்களுக்கு நட்டஈடு வழங்க வேண்டுமென விவசாயிகள் அரசுக்கு மனு செய்திருந்தார்கள். மேற்கண்ட பி.செல்வத்திடம் (ஃபிராடு நம்பர் 1 னிடம்) மோசடிக்கிரயம் பெற்றவர்கள் சார்பாக பயிருக்கு எவ்வித சேதமும் ஏற்படவில்லையென்று முதலமைச்சர் உள்ளிட்டு வருவாய்த்துறை அதிகாரிகளுக்கு கடிதம் அனுப்பியிருந்தார்.

ஆனால் அதிகாரிகள் வெள்ளத்தால் பாதிக் கப்பட்ட நிலங்களைப் பார்வையிட்டு நட்டஈட்டுக்கு உத்தரவிட்டனர். வெள்ளத்தால் பயிருக்கு எந்த பாதிப்புமில்லை என முதல்வருக்கு கடிதமெழுதிய பி. செல்வத்தின் (ஃபிராடு நம்பர் 1) மற்றும் அவரது சகோதரர்கள் இருவர் உள்ளிட்டவர்கள் விவசாயிகளுக்கு சேர வேண்டிய 9 லட்ச ரூபாய் நட்டஈட்டுத் தொகையை 26-2-2011ல் போலி ஆவணங்களைக் காட்டி முறைகேடாக பெற்றுச் சென்று விட்டனர்.

இந்த மோசடியை ஆட்சேபித்து உரியவர்களுக்கு நட்டஈட்டுத்தொகையை பட்டுவாடா செய்ய வேண்டு மென்று அதிகாரிகளைச் சந்தித்து மார்க்சிஸ்ட் கம்யூனிஸ்ட் கட்சி வலியுறுத்தியது. இதன்மீது விசாரணை நடத்திய ஸ்ரீவைகுண்டம் வட்டாட்சியர் திருமதி பி.வசந்தா அவர்கள் பட்டா எண் 31-ல் கண்ட புல எண்களில் சாகுபடி செய்துள்ளதாக போலி ஆவணங்களைக் காட்டி மேற்படி வங்கியிலிருந்து நிவாரணத்தொகையை கீழ்க்கண்ட 6 பேர்கள் முறைகேடாகப் பெற்றுச் சென்றுள்ளார்கள். 1. த.பி.சங்கரன் வ(ஃபிராடு நம்பர் 2), 2. பி.சண்முகவேல் (ஃபிராடு நம்பர் 3), 3. சொர்ணம், 4.சின்னமுத்து, 5.ஆறுமுகம், 6.ஜெயக்குமார் மேற்படி 6 நபர்களின் வங்கிக் கணக்கினை முடக்கம் செய்திட வேண்டும் - என உத்தரவிட்டார்.

மார்க்சிஸ்ட் கம்யூனிஸ்ட் கட்சி எடுத்த முயற்சியினால் அரசு அதிகாரிகள் சம்பந்தப்பட்ட நிலச் சொந்தக்காரர்களான விவசாயிகளுக்கு நட்டஈட்டை வழங்கினார்கள். போலி ஆவணங்கள் மீது தவறான முறையில் நட்டஈட்டுத் தொகையை பட்டுவாடா செய்த அதிகாரிகள் மீதும் நடவடிக்கை எடுக்கப்பட்டுள்ளது.

இவ்வாறு தெய்வச்செயல்புரத்தில் பி.செல்வம் (ஃபிராடு நம்பர் 1) மற்றும் அவர்களது சகோதரர்களும் மற்றும் அவர்களது கூட்டாளிகளும் சேர்ந்து செய்த மிகப்பெரிய நிலமோசடிக்கு எதிராக மார்க்சிஸ்ட் கம்யூனிஸ்ட் கட்சி 2008-ம் ஆண் டிலிருந்து தொடர்ந்து போராடி வருகிறது.

தெய்வச்செயல்புரத்தில் வெள்ளத்தால் பயிர்ச்சேதம் ஏற்படவில்லையென முதல்வருக்கு மனு செய்துவிட்டு, பயிர் பாதிப்பிற்கு அரசு நட்டஈடு வழங்கிய போது போலி ஆவணங்களைக்காட்டி நட்ட ஈட்டுத் தொகையை அபகரிப்பதற்கு துணையாக நின்ற பி.செல்வம் (ஃபிராடு நம்பர் 1) அவர்கள் தெய்வச்செயல்புரத்தின் கிராமத்து விவசாயிகளுக்கு தொடர்ச்சியாக தீங்கிழைத்து வருகிறார்.

விவசாயிகளின் மரங்களை வெட்டிச்சென்றது, கல்தூண் வேலியை உடைத்து கம்பிகளை நாசப்படுத்தியது, அடியாட்களுடன் விவசாயிகளை தாக்குவது, கம்பி வேலிகளை திருடிச் சென்றது போன்ற செயல்களுக்காக விவசாயிகள் கொடுத்த மனுவின் பேரில் வழக்கறிஞர் பி.செல்வம் (ஃபிராடு நம்பர் 1) மற்றும் அவரது கூட்டாளிகள் மீது காவல்துறையினர் வழக்கு பதிவு செய்துள்ளனர். பி.செல்வத்தின் செயல் ஒரு சமூக விரோத செயல். இவன் மீது போடப்பட்ட வழக்கை ரத்து செய்ய வேண்டு மென்றுதான் 2012 ஜனவரி 5,6 தேதிகளில் தூத்துக்குடியில் நீதி மன்ற புறக்கணிப்பு நடந்தது.

தெய்வச்செயல்புரம் கிராமத்து விவசாயிகளின் நிலத்தை அபகரித்த, நில மோசடி செய்த பி.செல்வத்தின் (ஃபிராடு நம்பர் 1) மீது போடப்பட்ட வழக்கை வாபஸ் வாங்கக்கோருவதை மறு பரிசீலனை செய்ய வேண்டு மென்று மார்க்சிஸ்ட் கம்யூனிஸ்ட் கட்சியின் தூத்துக்குடி மாவட்டத் தலைவர்கள் வழக்கறிஞர்களை சந்தித்து வேண்டுகோள் விடுத்தார்கள். அப்பொழுது பி.செல்வம் (ஃபிராடு நம்பர் 1) மற்றும் அவரது நண்பர்களால் மார்க்சிஸ்ட் கம்யூனிஸ்ட் கட்சித் தோழர்கள் தாக்கப்பட்டார்கள்.

இதில் காயம்பட்ட கட்சித் தோழர்கள் மருத்துவமனையில் சேர்க்கப்பட்டனர். பி.செல்வமும் (ஃபிராடு நம்பர் 1) அவரது நண்பர்களும் மருத்துவமனைக்குள் சென்று நகரச்செயலாளர் அர்ச்சுணன் உள்ளிட்ட தோழர்களை கடுமையாகத் தாக்கியுள்ளனர். மருத்துவ மனைக்குள் சென்று கட்சித் தலைவர்களை தாக்கிய செல்வம் மற்றும் அவரது நண்பர்கள் மீது நடவடிக்கை எடுக்க வேண்டுமென்று மார்க்சிஸ்ட் கம்யூனிஸ்ட் கட்சி வலியுறுத்தியது.

அன்று இரவு (6-1-2012) கட்சியின் மாவட்டச்செயலாளர் தோழர். கனகராஜ் வீட்டிற்குள் பெட்ரோல்குண்டு வீசப்பட்டுள்ளது. இதில், வீட்டில் தனியாக இருந்த கனகராஜின் மனைவி விஜயா காயமடைந்துள்ளார். பெட்ரோல் குண்டு வீசியவர்கள் மீதும் நடவடிக்கை எடுக்க வேண்டு மென்று மார்க்சிஸ்ட் கம்யூனிஸ்ட் கட்சி வலியுறுத்தி வருகிறது.

இவைதான் தூத்துக்குடியில் நடந்த சம்பவங்கள். கிராமத்து விவசாயிகளே, மார்க்சிஸ்ட் கம்யூனிஸ்ட் கட்சியோ வழக்கறிஞர் என்ற அடிப்படையில் பி. செல்வத்தின் (ஃபிராடு நம்பர் 1) மீது புகார் கொடுக்கவில்லை. காவல்துறையும் அந்த அடிப்படையில் வழக்கு பதிவு செய்யவில்லை. தெய்வச்செயல்புரத்தில் அவர் செய்த நிலமோசடி மற்றும் சமூக விரோதச்செயல்கள் மீதுதான் காவல்துறை நடவடிக்கை எடுத்துள்ளது.

இதில் எங்கு வழக்கறிஞர்கள் மீது குற்றச்சாட்டு வந்தது?

ஏமாற்றுபவர் வழக்கறிஞர் என்பதால் அவரை ஆதரிக்கலாமா?

இதற்க்காக ஏன் வழக்கறிஞர்கள் வேலை நிறுத்தம் செய்கின்றனர். இது சரியானதுதானா ?

வழக்கறிஞர்கள் நேர்மையானவர்கள் எனில் யார் பக்கம் நிற்பார்கள்?

உழைப்பாளி மக்கள் நிலங்களை சுருடிய ஃபிராடுக்கு நீங்களும் ஆதரவா என்ற கேள்வி உண்மையானவர்களில் மனசாட்சியை சுடாதா?

நிலம் திருடிய திருடனுக்கு நீங்கள் ஆதவாய் நிற்பீர்களா என்ற கேள்வியை ஒதுக்கிவைக்க முடியுமா ?

கேள்விகளை வைத்துவிட்டோம் பதிலை நீங்கள் சொல்லுங்கள் நேசத்திற்குரிய வழக்கறிஞர்களே ...!

(சி.பி,.ஐ.எம் மாநில செயலாளர் தோழர் ஜி.ராமகிருஷ்ணன் கடித்ததிலிருந்து எழுதப்பட்டது)

வெண்மணியின் அணையா நெருப்பு!

2011-12-25T23:37:00.000+05:30

சுந்தரம் (45)

சரோஜா(12)

மாதாம்பாள்(25)

தங்கையன் (5)

பாப்பா (35)

சந்திரா (12)

ஆசைத் தம்பி (10)

வாசுகி (3)

சின்னப்பிள்ளை(28)

கருணாநிதி(12)

வாசுகி (5)

குஞ்சம்பாள் (35)

பூமயில் (16)

கருப்பாயி (35)

ராஞ்சியம்மாள் (16)

தாமோதரன் (1)

ஜெயம் (10)

கனகம்மாள் (25)

ராஜேந்திரன் (7)

சுப்பன் (70)

குப்பம்மாள் (35)

பாக்கியம் (35)

ஜோதி (10)

ரத்தினம் (35)

குருசாமி (15)

நடராசன் (5)

வீரம்மாள் (25)

பட்டு (46)

சண்முகம் (13)

முருகன் (40)

ஆச்சியம்மாள் (30)

நடராஜன் (10)

ஜெயம் (6)

செல்வி (3)

கருப்பாயி (50)

சேது (26)

நடராசன் (6)

அஞ்சலை (45)

ஆண்டாள் (20)

சீனிவாசன் (40)

காவிரி (50)

வேதவள்ளி (10)

குணசேகரன் (1)

ராணி (4)

1968 டிசம்பர் 25 இரவு 12 மணிக்கு கீழத்தஞ்சை வெண்மணியில் விவசாயக் கூலி தொழிலாளி இராமய்யாவின் குடிசையில் நிலப்பிரபுக்களால் வைக்கப்பட்ட தீ எரித்த மனிதர்களின் பட்டியல்தான் இது.

ஒரு பண்ணைத் தொழிலாளியின் வாழ்க்கை சகிக்கமுடியாத கொடூரங்களை கொண்டதாக இருந்த காலம் அது. ஒரு பண்ணை அடிமை அடித்துக் கொல்லப்பட்டால் கொலை செய்த ஆண்டையின் மீது சட்டம் எந்த நடவடிக்கையையும் எடுக்காது. பல நூறு ஆண்டுகள் இருந்த இந்த நடைமுறை இறுக்கத்திற்கு ஒரு தளர்ச்சி ஏற்படத்துவங்கியது 1935க்கும் 1945க்கும் இடைபட்ட காலத்தில்தான்.

குத்தகை வாரம், மரக்கால் மாற்றம் எனத்துவங்கி வேலை நேர நிர்ணயம், கூலி நிர்ணயம், கூலி உயர்வு என பல்வேறு முழக்கங்களேடு விவசாயிகள், விவசாயத் தொழிலாளிகளின் போராட்டம் உசுப்பிவிடப்பட்டது. செங்கொடி இயக்கம் மூலம் பொருளாதார பிரச்சனைகளை முன்னிறுத்தி துவக்கப்பட்ட போராட்டங்கள், காலப்போக்கில் தலித்மக்கள் மீது கட்டவிழ்த்துவிடப்பட்ட தீண்டாமைக் கொடுமைகளுக்கு எதிராகவும் பண்ணை அடிமை முறைக்கு எதிராகவும் கிளம்பியது. ஒரு தலித்திடம் "உன்னை அடித்தால் திருப்பி அடி" என்ற தைரியத்தை கொடுத்த தலைவன், செங்கொடி இயக்கத்தலைவன் தோழர் பி.சீனிவாசராவ்தான். (இப்போது சிலர் அடங்க மறு அத்துமீறு என குரல் கொடுப்பதின் தார்மீகம் எங்கிருந்து வந்தது என்பதை அறிய முடிகிறதா?)

இந்த முழக்கம் ஆண்டைகளுக்கு அதிர்ச்சியை ஏற்படுத்தியது. இந்த போராட்டம் விவசாயத் தலித் தொழிலாளிகளுக்கும் நிலப்பிரபுக்களுக்குமான வர்க்கப்போராட்டமாக மாறியது. தலித்துகளை சாட்டையால் அடிக்கக்கூடாது. சாணிப்பால் குடிக்க சொல்லக்கூடாது என்று 1964ல் மன்னார் குடியில் ஒரு முத்தரப்பு ஒப்பந்தம் போடப்பட்டது. இதனால் பண்ணை முதலாளிகள் தங்களது அதிகாரமே போகிறதே என்ற ஆவேசத்தில் நெல் உற்பத்தியாளர்கள் சங்கம் என்ற போர்வையில் இருஞ்சூர் கோபாலகிருஷ்ண நாயுடு தலைமையில் மாவட்டம் முழுவதும் ஒன்று திரண்டார்கள். கூலித்தொழிலாளிகளுக்கும் தலித் தொழிலாளிகளுக்கும் எதிரான அடக்குமுறை கட்டவிழ்த்து விடப்பட்டது.

சிவப்புக்கொடியை இறக்கு, பச்சைக் கொடியை ஏற்று என்று விவசாயத் தொழிலாளிகளையும் குத்தகை விவசாயிகளையும் மிரட்டினர். மீறியவர்களின் மீதெல்லாம் தாக்குதல் தொடுக்கப்பட்டது. இக்காலத்தில்தான் 1968ல் அரைப்படி நெல் அறுவடைக்கூலியை உயர்த்தித்தர வேண்டும் என வலியுறுத்தி மாவட்டம் முழுவதும் வேலை நிறுத்தம் நடைபெற்றது.

நெல் உற்பத்தியாளர்கள் இப்போராட்டத்தை உடைப்பதற்காக எதையும் செய்யத் தயாரானார்கள். இந்த ஆத்திரத்தின் உச்சகட்டம்தான் வெண்மணி தீ வைப்பு சம்பவம். இன்று நிலப்பிரபுக்களின் நெல் உற்பத்தியாளர் சங்கம் இருந்த இடம் தெரியாமல் போய்விட்டது. பண்ணை அடிமை முறை முற்றாக முடிவுக்கு கொண்டுவரப்பட்டது. சாணிப்பால், சாட்டையடி பழைய கதையாக மாறியது. கீழத்தஞ்சைக்கென ஒரு கூலிச்சட்டம் அமலுக்கு வந்தது. குத்தகைதாரர் பாதுகாப்புச்சட்டம் நிரந்தரமானது. இவைகளுக்கெல்லாம் வெண்மணியின் வீரபுதல்வர்கள் செய்த தியாகம் மகத்தானது. வீரவணக்கம் தியாகிகளே! தீயின் நாக்குகள் உங்களின் மேல் சுட்டதை விட இன்னும் அதிகமாய் எங்களுள் அனலாய் எரிந்துக்கொண்டிருக்கிறது தோழர்களே! அந்த நெருப்பை அனையவிடமாட்டோம்! வெண்மணி தியாகிகளே உங்கள் நினைவுகளை சுமந்து வர்க்கப்போரை நடத்தி முடிக்க களத்தில் நிற்கிறோம். நிற்ப்போம்.

சனிப்பெயர்ச்சி ராசி பலன்கள் (அல்லது) Why This கொலவெறி பார்ட் - 2

2011-12-20T22:17:00.000+05:30

கடந்த பல தினங்களாக அனைத்து ஊடகங்களும் சனிப்பெயர்ச்சியை பற்றி பக்கம் பக்கமாக அடித்து துவைத்துக்கொண்டு இருக்கிறார்கள். திருநள்ளாருக்கு சிறப்பு பேருந்துகளை அம்மையார் அரசு முடுக்கி விட்டுள்ளது. கன்னி ராசியிலிருந்து துலாம் ராசிக்கு சனி மாறுவதால் ஏற்படும் நன்மைதீமைகள் பற்றி தொலைக்காட்சிகளில் பல அக்கப்போர்களின் தொல்லை தாங்க முடியவில்லை. நமது பங்குக்கு நாமும் ஏதாவது செய்ய வேண்டாமா?

சனியின் நன்மை தீமைகள் குறித்து குத்துமதிப்பாக ஜோதிட வள்ளுனர்கள் எழுதியதை கேள்விகேட்டாள் என்னவாகும்? அவர்களுக்கு நம்மீது கொலவெறி உண்டாகுமா இல்லையா? இவிங்க அக்கிரும்பு ஜோதிடத்தை கேள்வி கேட்டது மட்டுமே நாம்.

துலாம் ராசிக்காரர்களே!

இதுகாறும், குடும்பத்திற்காகவும், தன்னை அண்டியிருக்கும் பெற்றோர், சகோதர சகோதரிகளுக்காகவும், மாமன், சொந்த அத்தை அத்தை, எதிர்த்த வீட்டு ஆண்டி, பக்கத்து வீட்டு பாட்டி. தாத்தா, அம்மம்மா, பெரியம்மா, இவர்களுக்காகவும் ஏதோ ஒரு வகையில் விரயம் செய்து, கடன் காட்சி என்று அவஸ்தையுற்றிருந்தால், இவற்றுக்கு ஒரு விமோசன காலம் பிறந்துவிட்டது.

*நீங்கள் வெளிநாடு போகப்போறீங்களாண்ணா?

சனி பகவான் ஜென்ம சனியாகச் சஞ்சரிக்கும்போது உங்களுடைய உடம்பைத்தான் அதிகமாக பாதிப்படையச் செய்வார். (அதனால?)

1. உங்கள் உடம்பின் நிறம் மங்கும்

* கருப்பா இருக்கறவா கண்டுகாதீங்கோ.

2. ஆரோக்கியம் வெகுவாக பாதிக்கப்படும்

* ஏற்கனவே சீக்காளியா இருந்தா அபீட்டு!

3. உடம்பில் ஒரு சோம்பேறித்தனம் குடிகொள்வதால் வேலை நடக்காது.

* எப்பவுமே நாம இப்பிடிதானுங்க!

4. எந்த வேலையையும் எடுத்தோம் முடித்தோம் என்று முடிக்கமாட்டீர்கள்

* அப்புறம் வேற வேலை வேண்டாமா?

5. உங்களை ஒப்பனை செய்துகொள்வதைக்கூட வெறுப்பாக உணர்வீர்கள்

*என்னா மேக்கப் பன்னாலும் ம்ஹ¨ம் நம்ப மூஞ்சி தேறாது!

6. ஜென்ம சனி என்பது திரேக பாதிப்புகளை ஏற்படுத்தத் தயங்காது. முறையான வைத்தியம் செய்துகொள்வதின் மூலம், ஆரோக்கியத்தைப் பெற முடியும்

* வைத்தியம் பார்த்தா சரியா பூடும்னு எங்களுக்கு தெரியாதாடா டுபுக்கு?

7. இக்காலக்கட்டம் அறுவை சிகிச்சைக்கான அவசியத்தைக்கூட ஏற்படுத்தலாம் ஏற்படுத்தாமலும் போகலாம்.

*கரக்கிட்டா சொல்லிட்டா அப்புறம் என்ன ஜோசியம்?

8. ஆனாலும் நிவாரணம் கிடைக்கும். சனீஸ்வரருக்குரிய ஆயுஷ் ஹோமம், ஷேத்ராடனம் முதலியவை பெரிய பாதிப்புகள் ஏற்படாவண்ணம் உங்களைக் காப்பாற்றும். சனியால் நோய் வாட்டமும், மனவேதனையும் ஏற்படும், என்றாலும் உரிய பரிகாரங்களை மேற்கொண்டால், நன்மை கிடைக்கலாம்.

*அதுசரி மத்த ராசிகாரவங்களுக்கு இதெல்லாம் நடகாதாடா அப்பாடக்கருங்களா?

9. பொதுவாக சூழ்நிலைகள் உங்களுக்கு அநேகமாக சாதகமாக இருக்காது. *எலேய் இத சொல்றத்துக்கு எதுக்குடா நீங்க

10. பணவரவு சீராக இருக்கும்

*அப்பா... டேய்... நீ சொன்னதுல இதுதான் கொஞ்சம் உருப்படியானதுடா?

இனி சனி பகவானின் பார்வை பலன்களைப் பற்றி பார்க்கலாம்.

(மக்களே இனிவருவது பலன்களாம்! படிங்கோ)

சனி பகவான் தனது பார்வைகளான அ3,7,10-ம் இடத்து பார்வைகளின் மூலம் உங்களது தைரிய-பராக்கிரம-ஜெய ஸ்தானம், களத்திரஸ்தானம்; ஜீவன காரியஸ்தானம் ஆகிய இடங்களைப் பார்வையிடுகிறார். இதனால் மனைவி/கணவனின் ஆரோக்கியம் அடிக்கடி பாதிக்கப்படும். கணவன்-மனைவிக்கிடையே கருத்துவேற்றுமை தலை தூக்கும். அடிக்கடி வாக்குவாதங்கள் சண்டை சச்சரவுகள் என்று இருந்துகொண்டே இருக்கும். கணவன்- மனைவிக்கிடையே ஒரு மகிழ்ச்சியான சூழலைப் பார்க்க முடியாது.

*இந்த பலன்கள் போதுமா இன்னும் கொஞ்சம் வேண்டுமா?

சனி பகவான் தன்னுடைய பத்தாம் பார்வையினால் உங்களுடைய ஜீவன -காரிய ஸ்தானத்தைப் பார்ப்பதன்மூலம் வேலை தேடுபவர்களுக்கு எளிதில் வேலை கிட்டாது. ஏதாவதொரு காரணத்தால் தள்ளிக்கொண்டே போகும். ஏற்கெனவே வேலையில் இருப்பவர்களுக்கு ஏதாவதொரு காரணத்தால், மேலதிகாரிகளிடமிருந்து மெமோ வரும். வேலை நீக்கம் செய்யப்படுதல், விருப்பமில்லாத பணியிட மாற்றம் தற்காலிக -பணிநீக்கம் முதலியவை ஏற்படும். புதிதாக தொழில் ஏதாவது தொடங்கலாம் என்றாலும் அதற்கான சமய சந்தர்ப்பங்கள் சரியாக அமையாமல், முகாந்திர வேலைகளிலேயே நஷ்டத்தை ஏற்படுத்திவிடும்.

ஆக ஒன்னும் உருப்படாது என முடிக்கலாம்?

அது சரி ஜோசிய சிகாமணிகளே! இந்த பால் விலையேற்றம், பஸ் கட்டண உயர்வு, 15 ஆயிரம் மக்கள் நலப் பணியாளர்கள் டிஸ்மிஸ், அண்ணா நூலக இடமாற்றம், பரமகுடி துப்பாக்கிச்சூடு, முல்லைபெரியாறு, கூடங்குளம் போன்ற பாதிப்புகள் எந்த ராசிகாரர்களை பாதிக்காது என சொல்லுவீர்களா? சனியாவது வந்துதான் பிடிக்கும்.. நாம போயி பிடிச்ச சனிக்கு என்ன பரிகாரம்??

படித்ததில் பிடித்த பதிவுகள் - 1

2011-12-18T13:10:00.000+05:30

1. சமீபத்தில் சாம்பல் தேசம்... என்ற வலைப்பூவை பார்க்க நேர்ந்தது.

என்னைப் பற்றி... பெருசா ஒண்ணும் இல்ல... கற்றது கை மண்ணளவு. தோலில் சுரணை சற்று அதிகம் இருப்பதால் மற்றவர்களின் விரோதத்தை சம்பாதித்துக் கொள்வது வழக்கமாகிவிட்டது. என்ற சுவராசியமான அறிமுகத்துடன் காட்சியளித்த வலைப்பூவில் தற்போதுள்ள நாற்பத்துநான்காவது இரட்சகனும்..... பாகம் 2 ல் ஒரு பகுதி இது

”வியட்நாம் மீது போர் தொடுத்து நாபாம் குண்டுகளை வீசி வியட்நாம் மக்களைப் படுகொலை செய்த அமெரிக்க தீவிரவாதிகளில் முக்கியமான பாத்திரம் வகித்த ஹென்ரி கிஷ்ஷிங்கருக்கு 1973 நோபல் அமைதிப்பரிசு வழங்கப்பட்டது. பாலஸ்தீன மக்களைக் கொன்றுகுவித்த இஸ்ரேலின் மெனாக்கம் பெகினுக்கு இதே பா¢சு வழங்கப்பட்டது. லட்சக்கணக்கான ஆஃப்கன் மக்களைக் கொலைசெய்யக் காரணமாக இருந்த அமெரிக்க ஜனாதிபதி ஜிம்மி கார்ட்டருக்கு 2002ஆம் ஆண்டு இதே பரிசு வழங்கப்பட்டது.

தொடர்ந்து கிறிஸ்டோபர் கொலம்பஸ், ஜெனரல் டயர், ஹிட்லர், ஹிரோஷிமா-நாகசாகியில் அணுகுண்டு வீசிய ஹாரி ட்ருமன், ரோட்னிகிங்கை அடித்து நொறுக்கிய போலீஸ்காரர்கள், நாதுராம் கோட்சே, நரேந்திரமோடி போன்றவர்களுக்கு அடுத்தடுத்து நோபல் அமைதிப்பரிசு வழங்க வேண்டும் என்று அமெரிக்க ஆதரவாளர்களும், ஊடகங்களும் மனுப்போடலாம்.”

நீக்ங்களும் படியுங்களேன்.....

2. அதேபோல ச.தமிழ்ச்செல்வன் அவர்கள் பேராச்சி கண்ணன் எடுத்த நேர்காணலை ( 2011 அக் 30-த சண்டே இந்தியன் இதழில்) தமிழ்வீதியில் பதிந்துள்ளார். அதில் இன்றைய தமிழக யதார்த்ததை ஒரு பதிலில் அடக்கியுள்ளார். நீங்களும் படியுங்கள்.

கடந்த 6 ஆண்டுகளாக தமிழகத்தை குறுக்கும் நெடுக்குமாய் பயணம் செய்து இருக்கிறீர்கள். தமிழகம் எப்படி இருப்பதாகக் கருதுகிறீர்கள்?

தமிழகத்தில் இளைஞர்கள், இளம் பெண்கள் யாரும் சொந்த ஊர்களில் இல்லை. ஏனெனில் பிழைப்பிற்கு இங்கே வழியில்லை. பிழைப்புத் தேடி இடம் பெயர்ந்து அலைகின்றனர். நான் பார்த்த பெரிய துயரம் இது. அடுத்த துயரம் அழிக்கமுடியாத சாதிய உணர்வு. அது மக்களிடையே இறுகிப் போய் உள்ளது. சிறுபான்மையினராக இருக்கும் மக்களான அருந்ததியினர், அரவாணிகள் எல்லோரும் தங்கள் குரலை வலுவாக உயர்த்தி வெளிவந்துள்ளனர். மாற்றுத்திறனாளி கள் இன்று ஒருங்கிணைந்துள்ளனர். ஒடுக்கப்பட்ட அனைவரும் இன்று வெளிவந்துள்ளனர். அடுத்து அணி திரட்டப்பட்ட தொழிலாளர்கள் வர்க்கம் குறைந்துவிட்டது. தொழிலாளர்கள் அனைவரும் ஒப்பந்த முறையில் வேலைக்குச் செல்லும் நிலை ஏற்பட்டுள்ளது. மனிதாபிமானமற்ற, இரக்கமற்ற, அறிவில்லாத நாற்கர சாலைகள் வந்துள்ளன. இதனால் கிராமங்கள் துண்டாகிக் கிடக்கின்றன. இதில் சாதாரண மக்களுக்கு எந்தப் பயனும் இல்லை. அடுத்து தமிழகத்தில் குடிப்பழக்கம் அதிகமாகியுள்ளது. தொழிலாளிகள், படைப்பாளிகள், இளைஞர்கள் என அனைவரும் போதைக்கு அடிமையாகியுள்ளனர். ஏனெனில் பிரச்னைகள் அதிகமாகி விட்டன. பிரச்னைகளைச் சமாளிக்க தெரியாமல் அல்லாடுகின்றனர். பொருளாதாரப் பிரச்னைகளை பண்பாட்டுத் தளத்தில் வைத்துத் தீர்க்க முயற்சி செய்கின்றனர். இதனால் அதிலிருந்து தப்பிக்க போதைக்கு அடிமையாவதும், கோவிலுக்குச் செல்வதும், சினிமாவிற்குச் சென்று மகிழ்ச்சியாக இருப்பதும் அதிகரித்துள்ளது.

3.

மேலும்.. மாற்று தளத்தில் ப சிதம்பரம் குறித்த ஒரு பதிவு மிகவும் அர்த்தங்கள் நிறைந்த கேள்வியை எழுப்பி நிற்கிறது.... இந்த தளத்தையும் பாருங்கள்...

அட்ரஸ் இல்லாத கட்சியொன்றை வைத்து, அதில் ஒரு எம்.பியாகி, பிறகு நாட்டுக்கே நிதிமந்திரி ஆன கதையெல்லாம் எவ்வளவு நேர்மையானது? சென்ற பாராளுமன்றத் தேர்தலில் தனது தோல்வியை வெற்றியென அறிவிக்க வைத்ததில் எவ்வளவு தருமம் ஓளிந்திருந்தது? முதலாளிகளைப் பார்த்ததும் பல்லிளித்து, பலகோடி எழை மக்களின் வாழ்க்கையைக் கெடுத்து சீரழித்த உங்கள் கொள்கை எவ்வளவு அறம் சார்ந்தது? நாக்கு எப்படியெல்லாம் புரண்டு பேசும் என்பதற்கு புது அகராதியே வகுத்த தங்கள் அரசியல் எவ்வளவு அப்பழுக்கற்றது? அமெரிக்காவுக்கு சேவகம் செய்வதற்காக பிறவியெடுத்த உங்கள் வாழ்க்கை எவ்வளவு ஒழுக்கமானது?

முல்லைப்பெரியாறு: தமிழக உரிமையை பாதுகாப்போம் - இரு மாநில மக்கள் ஒற்றுமையை பாதுகாப்போம்

2011-12-16T09:22:00.000+05:30

முல்லைப்பெரியாறு பிரச்சனையில் தமிழகத்தின் தண்ணீர் உரிமையை விட்டுத் தராமல், இரண்டு மாநில மக்களுடைய பாதுகாப்பையும் ஒற்றுமையைப்பாது காக்கும் நோக்கத்தில் பிரச்சனையை அணுக வேண்டும்

முல்லைப்பெரியாறு அணை பிரச்சனை 1979ம் ஆண்டு முதல் நீடித்து வருகிறது. குறிப்பாக இந்த அணை பாதுகாப்பற்றது என்று 1979ல் கேரள அரசு பிரச்சனையை எழுப்பியது. அப்போது, மத்திய நீரிவள ஆணையத்தின் ஆலேசனையின் அடிப்படையில் ஒரு நிபுணர் குழு அமைக்கப்பட்டது. அந்த குழு அனைத்து வகையான ஆய்வுகளையும் மேற்கொண்டது. இந்த அணை பாதுகாப்பானது என்று உச்சநீதிமன்றத்தில் தனது அறிக்கையை தாக்கல் செய்தது.

நிபுணர் குழுவின் அறிக்கை மீது கேரள அரசு 34கும் மேற்பட்ட பிரச்சனைகளை எழுப்பி, அதற்கெல்லாம் விளக்கம் கேட்டது. அந்த விளக்கங்களுக்கு எல்லாம் அந்த நிபுணர் குழுவில் உள்ள அதிகாரிகள் மிக தெளிவான விளக்கங்களை தந்த பிறகுதான் அதை ஏற்றுக் கொண்டு உச்சநீதிமன்றம் 27.2.2006ல் வரலாற்று தீர்ப்பை வழங்கியது. அந்த தீர்ப்பை அப்போதே கேரள அரசு ஏற்று அமலாக்கியிருக்க வேண்டும். அந்த தீர்ப்பை ஏற்காதது மட்டுமல்ல, அந்த தீர்ப்பின் மீது ஒரு மறுசீர் ஆய்வு மனுவை உச்சநீதிமன்றத்தில் தாக்கல் செய்தது கேரளா அரசு. அதனை விசாரித்த உச்சநீதி மன்றம் மனுவை தள்ளுபடி செய்தது. அதன் பிறகு அந்த தீர்ப்பை ஏற்பதற்கு மாறாகதான் கேரள நீர்பாசன பாதுகாப்பு சட்டத்திருத்தத்தை கேரள சட்டப்பேரவையில் நிறைவேற்றியது. அரசியல் சாசனத்திற்கு விரோதமாகவும், உச்சநீதிமன்றத்தின் தீர்ப்பை செல்லாதவையாக்கும் வகையில், அந்த சட்டத்திருத்தத்தை நிறைவேற்றி னார்கள்.

அன்றைய தினம் அந்த சட்டத்திருத்தம் ஏற்புடையதல்ல. அரசியல் சாசனத்திற்கு விரோதமானது. உச்சநீதிமன்ற தீர்ப்பை செல்லாதவையாக்கும் வகையில் உள்ளதால் ஏற்புடையதல்ல என்று மத்திய அரசு அப்போதோ தெளிவு படுத்தியிருக்க வேண்டும். அப்படி செய்திருந்தால் தமிழக அரசு மீண்டும் உச்சநீதி மன்றத்திற்கு செல்ல வேண் டிய அவசியம் ஏற்பட்டிருக்காது.

ஆனால் மத்திய அரசுக்கு எப்போதுமே இரு மாநிலங்கள் சம்பந்தப்பட்ட இந்த நதி நீர் தாவா பிரச்சனைகளில் ஆக்கப்பூர்வமான முறையில் தலையிட்டு தீர்வு காணுவதில் அக்கறைகாட்டுவதில்லை. இதனால்தான் அன்றைக்கு நம்முடைய உரிமையை வலுப்படுத்துகிற வகையில் நாம் உச்சநீதிமன்றத்தில் மனுத் தொடுத்து, அந்த வழக்கு இப்போது நிலுவையில் இருக்கிறது. அந்த வழக்கின் விசாரணையில்தான் உச்சநீதி மன்றத்தால் முன்னாள் நீதிபதி ஏ.எஸ்.ஆனந்த் தலைமையில் அதிகாரம் பெற்ற குழுவை அமைத்தது. இப்போது அந்தக் குழுவின் முன்பு விசாரணையில் உள்ளது. இந்த சூழ்நிலையில், கேரள அரசு இப்போது அணையின் நீர்மட்டத்தை 120 அடியாக குறைக்க வேண்டும். புதிய அணையைக் கட்ட வேண்டும் என்ற அடிப்படை யில் சட்டமன்றத்தில் தீர் மானத்தை நிறைவேற்றியது. அது மட்டுமல்லாமல் கேரளத்தில் போராட்டங்களையும் நடத்துவது ஏற்புடையது அல்ல.

எனவே, நாங்கள் இந்த நேரத்தில் வற்புறுத்த விரும்புவது எல்லாம், இன்றைக்கு உச்ச நீதிமன்றம் அமைந்துள்ள ஐந்து பேர் கொண்ட அந்தக் குழுவின் விசாரணையின் அமைப்பில் பல நிபுணர் குழுக்களை எல்லாம் ஆய்வுக்கு அமைத்து, அந்த அணையின் பலம் உள்பட ஆய்வு செய்து வருகிறது. ஏற் கெனவே அந்த அணை பலமாக இருக்கிறது என்ற தீர்ப்பு வந்திருக்கிற சூழ்நிலையில், மீண்டும் எள்ளளவும் சந்தேக மற்ற முறையில் அந்த அணை யின் பாதுகாப்பை உறுதிப் படுத்துவதற்காக பல ஆய்வுகளை மேற்கொண்டிருக் கிறார்கள். அந்த அதிகாரம் பெற்ற நிபுணர்குழு, வருகிற பிப்ரவரி மாதம் தன்னுடைய இறுதி அறிக்கையை சமர்ப்பிக்க இருப்பதாக தெரிகிறது. அதன்மீது உச்ச நீதிமன்றம் உடனடியாக விரைந்து தீர்ப்பை வழங்கி, இந்த பிரச்சனையில் ஒரு நிரந்தர தீர்வு காண வேண்டும்.

இந்தச் சூழ்நிலையில், கேரளாவில் ஒரு தேவையற்ற உண்மைக்கு புறம்பாக, முல்லைப்பெரியாறு அணை பாதுகாப்பற்றது, அது உடையப் போகிறது என்கிற முறையில் அச்சத்தைக் கிளப்பி மக்கள் மத்தியில் பீதியை ஏற்படுத்தி யிருக்கிறார்கள். மேலும், கிராபிக்ஸில் தயாரிக்கப் பட்டு மக்களை குழப்பு கிறார்கள். இதற்கிடையில், டேம்999 என்ற திரைப்படம் மேலும் இந்தப் பிரச்சனையில் எரிகிற தீயில் எண்ணெய்யை ஊற்றுவது போன்று அமைக்கப்பட்டு, மக்கள் மத்தியில் கொந்தளிப்பை உருவாக்கி இருக்கிறார்கள். எனவே, இப்படிப்பட்ட சூழ்நிலையில், இதையெல்லாம் பயன்படுத்தி ஒரு அமைதியற்ற நிலைமை அங்கேயும் உருவாக்கப்பட்டிருக்கிறது. இங்கேயும் உருவாக்கப்பட்டிருக்கிறது. ஆகவே, முதல்வர் கூறியுள்ளதை போன்று அந்த அணை இன்றைக்கு பாதுகாக்கப்பட வேண்டும் என்ற அடிப்படையில் மத்திய தொழில் பாதுகாப்பு குழு பராமரிப்பில் அணையை ஒப்படைக்க வேண்டும் என்று நாங்களும் வற்புறுத்து கிறேம்.

ஆனால், அப்படி மத்திய தொழில் பாதுகாப்புக்குழு அனுப்ப வேண்டும் என்று சொன்னால் கேரளாவும் ஏற்றுக்கொண்டால்தான் அதை அனுப்பமுடியும் என்று பிரதமர் தெரிவித்ததாக வந்திருக்கிற செய்தி எந்த அளவிற்கு உண்மையோ, இல்லையோ நமக்குத்தெரியாது. ஆனால், அது உண்மையாக இருக்கும் என்று சொன்னால் அது ஏற்புடையது அல்ல. கேரளாவும் ஏற்றுக் கொண்டால்தான் அங்கே தொழில் பாதுகாப்புக்குழு அமைக்க முடியும் என்று சொன்னால், கேரளா ஏற்றுக்கொண்டால் பிரச்சனையே இருக்காது. எனவே, அந்த அணைபாது காப்பிற்கு மத்திய அரசின் தொழில் பாதுகாப்புப் படையை அனுப்பவேண்டும் . இது நாள் வரைக்கும் இந்த பிரச்சனையில் தமிழக முதல்வர் ஒரு ஆத்திரமூட்டலுக்கு இரையாகாமல், நிதானமான முறையில் அணுகிவருவதை வரவேற்கிறேம். இது நிச்சயமாக அரசியல் பிரச்சனை அல்ல. இதை அரசியல் பிரச்சனையாக்கி ஆதாயம் தேடுகிற முறையில் சிலர் ஈடுபடு வதை நான் கவலையோடு இங்கு சுட்டிக் காட்ட விரும் புகிறேன்.

எல்லை மாவட்டமாக இருக்கிற தேனியில் ஒரு பதற்றமான சூழ்நிலை நிலவுகிறது. கேரளத்திலேயும் பதற்றமான சூழ்நிலை நிலவுகிறது. நீண்ட நெடுங்காலமாக சகோதர பாசத்தோடு வாழ்ந்து கொண்டிருக்கிற கேரளா, தமிழக மக்கள் மத்தியில் ஒரு பதற்றத்தை உருவாக்கி, மோதலை உருவாக்கி ஆதாயம் தேடுவதற்கான எந்தவிதமான முயற்சிக்கும் யாரும் இட மளித்துவிடக்கூடாது. இன்னும் சொல்லப்போனால், ஒரு சுமுகமான சூழ்நிலை, அமைதியான சூழ்நிலை ஏற்படுகிற பொழுதுதான் இப்படிப்பட்ட எல்லை, நதிநீர் தாவா பிரச்சனைகள், இரண்டு மாநிலப் பிரச்சனைகளில் நல்ல தீர்வை எட்டமுடியும்.

எனவே, இந்தச் சூழ் நிலையில் இன்றைக்கு நாங்கள் விரும்புவது எல்லாம் மத்திய அரசு அதில் அலட்சியமாக இருக்காமல் அவசரமாக தலையிட வேண்டும். உண்மையில் உச்ச நீதிமன்ற விசாரணையில் அணையின் பாதுகாப்பு உள்ளிட்ட பிரச்சனைகள் இருக்கிறபோது, அவை சம்பந்தமாக மத்திய அரசு பேசி எந்த நியாயமான தீர்வும் எட்டமுடியாது. ஆனால், அந்தப் பிரச்சனைகளைத் தவிர்த்து, உச்சநீதி மன்றத் தீர்ப்பு வரும் வரையில் நாம் காத்திருப்போம். அதே நேரத்தில் இரண்டு மாநிலங்களிடையேயும் ஏற்பட்டிருக்கிற பதற்றத்தால் அசம்பாவி தங்கள் ஏற்படாமல் இருக்க வேண்டியது அவசியமாகும்.

சட்டம்-ஒழுங்கைப் பாதுகாக்க வேண்டிய இரண்டு மாநிலத்திலும் உள்ள தமிழர்கள், மலையாள மக்களின் உயிருக்கும் உடைமைக்கும் பாதுகாப்பு கொடுக்க வேண்டிய மிகப் பெரிய பொறுப்பும், கடமையும் அனைவருக்கும் உள்ளது. எனவே, மத்திய அரசு இரண்டு மாநிலத்திலேயும் உள்ள மலையாளிகள், தமிழ் மக்களுக்கும் ஆபத்து இல்லாமல் பாதுகாப்பை உறுதி செய்ய வேண்டும். தற்போது நிலவும் பதற்றத்தை போக்கி சட்டம் ஒழுங்கைப் பாது காக்க இரண்டு மாநில அரசுகளையும் அழைத்து மத்திய அரசு பேசவேண்டும்.

அத்தகைய பேச்சுவார்த்தையில் தமிழக அரசு கலந்து கொண்டு இரண்டு மாநிலங்களிலும் சட்டம் ஒழுங்கை பாதுகாக்கும் கடமையை நிறைவேற்ற வேண்டும். இந்த முல்லைப்பெரியாறு அணைப் பிரச்சணையில் எந்தச் சூழ் நிலையிலும் தமிழகத்தின் தண்ணீர் உரிமையை விட்டுக் கொடுக்க மாட்டோம். இரண்டு மாநில மக்களுடைய பாதுகாப்பு, ஒற்றுமையைப் பாதுகாப்போம் என்ற வகையில் பிரச்சனையை அணுகுவது அனைவருக்கும் பொருத்தமானவை என்று மார்க்சிஸ்ட் கம்யூனிஸ்ட் கட்சி கேட்டுக்கொள்கிறது.

............................................................................................................

முல்லை பெரியாறு பிரச்சனை குறித்து தமிழ்நாடு சட்டப்பேரவையில் முதலமைச்சர் ஜெயலலிதா கொண்டு வந்த தீர்மானத்தை ஆதரித்து உரையாற்றிய மார்க்சிஸ்ட் கம்யூனிஸ்ட் கட்சியின் உறுப்பினர் கே.பாலகிருஷ்ணன் பேசியது

நன்றி; தீக்கதிர் 16 .12 .11

முதலாளித்துவம் காரணமாக புதைகுழியை நோக்கிப் பொருளாதாரம்

2011-12-12T19:27:00.000+05:30

First Published : 12 Dec 2011 10:47:43 AM IST

திருப்பூர், டிச.11: முதலாளித்துவத்தால் பொருளாதாரம் மட்டுமின்றி நாட்டு மக்களின் அன்பு, கருணை, கலாசாரம் என அனைத்தும் புதைகுழியை நோக்கிச் சென்று கொண்டுள்ளது. இந் நிலைக்கு எதிராகப் போராட மக்கள் ஒன்றிணைய வேண்டுமென, இந்திய ஜனநாயக வாலிபர் சங்க மத்தியக் குழு உறுப்பினர் எஸ்.ஜி. ரமேஷ் பாபு பேசினார்.

தமிழ்நாடு முற்போக்கு எழுத்தாளர் கலைஞர்கள் சங்கம் சார்பில், பாரதி விழா திருப்பூரில் ஞாயிற்றுக்கிழமை நடைபெற்றது. அதில், புதை குழியில் பொருளாதாரம் என்ற தலைப்பில் எஸ்.ஜி. ரமேஷ் பாபு பேசியது: பொருளாதாரம் என்பது மிகப்பெரும் பிரச்னை. நாட்டில் இப்போது ஏற்பட்டுள்ள நெருக்கடிகளுக்கு, பெருமுதலாளிகள் தங்களது ஆடம்பர வாழ்க்கைக்காக வங்கிகளில் பெற்ற பல்லாயிரம் கோடி கடனை திருப்பிச் செலுத்தாமல் உள்ளதே காரணம். தங்கள் நாட்டின் பொருளாதார நெருக்கடிக்கு காரணமான பெருமுதலாளிகளுக்கு எதிராக அமெரிக்க மக்கள் வீதியில் இறங்கிப் போராடிக் கொண்டுள்ளனர். அடிப்படையில், உலக ஏகாதிபத்திய முதலாளித்துவத்துக்கு எதிரான போராட்டமாகும் இது.

இப் போராட்டம் இந்தியாவிலும் நடத்தப்பட வேண்டும். இப்போது நிலவும் தொழில் நெருக்கடிகளுக்கும், விவசாயப் பாதிப்புகளுக்கும் வளர்ச்சி பெற்றுள்ள விஞ்ஞானம் மூலம் தீர்வு காண முடியும். ஆனால், அத் தீர்வை நோக்கிப் போகாதது தான் முதலாளித்துவம். நாட்டில் நிலவும் ஊழலுக்கு எதிராக அண்ணா ஹசாரே உள்ளிட்டோர் உண்ணாவிரதம் இருக்கின்றனர். ஊழலின் ஆணி வேரை அறுக்காதவரை ஊழலை ஒழிக்க முடியாது.

மிகப் பெரிய வறுமையில் நாடு இருக்கும்போதும், விவசாயிகள் தற்கொலை செய்தும், இளைஞர்கள் வேலைவாய்ப்பின்றி தவித்தும், வேலைக்காக கிராமங்களை விட்டு பெண்கள் வெளியேறிக் கொண்டுள்ளபோதும் கோடி கோடியாய் பணம் கொள்ளையடிக்கப்பட்டுக் கொண்டுள்ளது. கிராமங்கள் அழிக்கப்பட்டு பன்னாட்டு நிறுவனங்கள் பெருகும்போதும் நாட்டில் வேலைவாய்ப்பு உருவாவதில்லை. இதனால், வேலை கிடைக்காமல் வீதிக்குத் தள்ளப்படும் இளைஞர்கள், கிடைக்கிற கூலிக்கு அலைமோதுகின்றனர். அங்கு, உழைப்புச் சுரண்டலை திணிப்பது முதலாளித்துவத்தின் நோக்கம். இதற்கு லாப வெறியும், மூலதன ஆசையுமே காரணம். இந்நிலைமைக்கு எதிராக அமெரிக்காவில் துவங்கியுள்ள போராட்டம், உத்வேகம் அளிக்கும் போராட்டமாகும். அதை எதிர்த்துப் போராடாவிட்டால் நாட்டின் பொருளாதாரம் மட்டுமின்றி அன்பு, கருணை, கலாசாரம் என அனைத்தும் புதை குழிக்குள் தள்ளப்படும் என்றார். முன்னாள் எம்எல்ஏ என்.நன்மாறன், கவிஞர் நந்தலாலா, மதுக்கூர் ராமலிங்கம் உள்ளிட்டோர் பங்கேற்றனர்.
நன்றி - தினமணி, 12.12.2011

உடையும்? உடையாது! கவிதை என்பதறிக...?

2011-12-09T23:47:00.001+05:30

உடையும்? உடையாது!
உடையும்! உடையாது?
உடையும்? உடையாது!
கட்டு.. கட்டாதே.
கட்டு.. கட்டாதே.
கட்டு. கட்டாதே..

இரு பக்கமும் விவாதங்கள்
உடைந்தால் அங்கும் சேதம்
உடைந்தால்தானே..?
இங்கு வாதம்.

கட்டினால் கிடைக்காது
கட்டாவிடால் பிழைக்காது
ஆதலினால் கட்டுவோம்!
எனவே கட்டாதே!

உங்களுக்குள் ஆயிரம் அரசியல்
உங்களுக்குள் ஆயிரம் ஆலோசனைகள்..
எங்களுக்கோ வாழ்க்கை குறித்த கவலை
எங்கள் கண்களில் நீர் திவலை.

பேசுவதை கடந்துவிட்டோம்
என நாங்களும்
பேசினால் என்ன தவறு
என நீங்களும் ....

என்றாகிலும்
கட்டப்போவதில்லை நீங்களும்
எதுவாகினும்
விடப்போவதில்லை நாங்களும்..

யார் அறிவார் உண்மையில்
பிரச்சனையின் மையம் எதுவென?
அறிந்தவர் கூறார்
அன்பில் உள்ளது உண்மையென!

உங்களின் தேவை
நீண்ட நாள் அரசியில்!
எங்களின் தேவை
ஒரு நாள் அரிசியில்?

ஒருவேலை..
உங்கள் தேர்தலுக்கு முன்பும்
இல்லையெனில்..
எங்கள் தேவைகளுக்கு பின்பும்
எப்படி முகம் பார்ப்போம்.

எல்லையோரம் கொய்யா விற்று
அப்பிழைப்பில் லாபம் பெற்று
எங்கள் பிழைப்பு நடப்பதினை
யாராரிவார்? என்றறிவார்?

கோச்சடையன்: சூப்பர் ஸ்டார் படம் குறித்த அபூர்வ தகவல்கள் (படங்களுடன்)

2011-12-08T00:21:00.000+05:30

கோச்சடையன் என்ற பெயர்தான் சரியான தமிழ்! இதை கோ சடையன் என்றும், கோ கோ சடையன் என்று ஸ்டைலாக அழைப்பது தவறு என தமிழ் ஆர்வளர்கள் கண்டனம் தெரிவித்துள்ளனர்.

இப்போது பார்ப்போம்...

கோ என்றால் மன்னன், மாடு எனவாறு பல அர்த்தங்கள் உண்டு என்பதை தமிழ் ஆர்வளர்கள் அறிவார்கள்.

கோ கோ என்றால்? யாரறிவார்?

கோ கோ என்றால் ஒரு இந்தியவிளையாட்டாகும். களத்தில் உள்ள 9 பேர்களையும் தொட்டு புறம் போக்குவதே எதிரணி ஆட்டக்காரரின் நோக்கமாகும். சடுகுடு விளையாட்டைப் போன்றது எனினும் இது அதனிலும் வேறுபட்டது. களத்தில் ஓர் அணியின் வீரர்கள் ஓர் வரிசையில், அடுத்தடுத்தவர்கள் எதிர்திசையை நோக்கியவாறு அமர்ந்திருப்பர். எதிரணி இரண்டு அல்லது மூன்று வீரர்களை களத்தில் இறக்குவர். அமர்ந்திருக்கும் அணியின் நோக்கம் எதிரணியின் போட்டியாளரை துரத்தி தொட்டு வெளியேற்றுவது. ஆனால் அவர்கள் ஒரே திசையில்தான் ஓட வேண்டும்;

அமர்ந்திருப்பவர்களுக்கிடையே குறுக்கே புக முடியாது. மாற்றாக ஓடும் எதிரணியினர் அவ்வாறு குறுக்கே செல்லலாம். துரத்துபவர்கள் வரிசையின் கடைசி வரை ஓடி அதன் பின்னரே மற்ற திசையில் ஓட முடியும். துரத்தும் பணியை தனக்கு முதுகு காட்டி அமர்ந்து கொண்டிருக்கும் நபரிடம் மாற்றி விடலாம். அப்போது கோ என ஒலி எழுப்புவர். இது துரத்துபவர் மாறுவதைக் குறிக்கும். எந்த அணி குறைந்த நேரத்தில் எதிரணியின் அனைத்து வீரர்களையும் வெளியேற்றுகிறார்களோ அவர்களே வெற்றி பெற்றவர்கள்.

சரி நாம் கோச்சடையன் படத்திற்கு வருவோம்..

ஆங்கிலத்தில் சிந்த்திதுத் தமிழில் எழுதவோ அல்லது பேசவோ செய்கின்ற காலக் கட்டத்தில் வாழ்கின்ற காரணத்தால் ஒரு தவறு நேர்ந்துவிட்டது. ரணதீரன் என்ற பெயரிலேயே விக்கிபீடியாவில் எழுதப்பட்டிருந்ததால் ஆங்கில விக்கிபீடியாவை அடிப்படையாகக் கொண்டு கோச்சடையான் என்ற பெயர் பரவிவிட்டது. ஏன்டா அம்பி ரணதீரன் என்பது ரந்தீர், ரன்டீன், ரணம்தினம் என்றெல்லாம் ஆகாமல் எப்படி கோச்சடையன் ஆனது என குழ்ம்பவேண்டாம் சூப்பரு ஸ்ஸ்டாரு நடிப்பதால்..

ரணதீரன் கோச்சடையன் என்று சேர்த்து அழைப்பதே சரி. திரைத்துறையினர் அவர்கள் ராசிக்கு ஒற்றெழுத்தை விட்டு விடுவார்கள். தேவை இல்லாத இடத்தில் சேர்த்துக் கொள்வார்கள். எப்படியோ ஏழாவது அறிவுக்குச் சமமாகவோ அல்லது அதைவிட ஒருபடி கீழாகவோ அல்லது ஐந்து அறிவை பயன்படுத்தியோ ஒரு படம் தந்தாகவேண்டும். சினிமாகாரர் நினைத்தால் சாதாரணப்பெயரும் முக்கியத்துவம் பெறும். அருணாசலம், பாபா, படையப்பா, நாயகன், கஜினி, சிவாஜி, அட்ராசக்கை, அவளின்டே ராவு கதா, ஷகிலா போன்ற வரிசையில் கோச்சடையன்.

அது சரிங்க கதை சரியா தப்பான்னு கேட்க்க மாட்டோம் வரலாறு முக்கியம் (வரலாறு முக்கியம் அமைச்சரே..) அதைச்சொல்லுங்கள். அப்போதுதான் தமிழர்கள் நரம்புகள் துடிக்கும், குடிக்கும், கடிக்கும், படிக்கும், முடிக்கும், வெடிக்கும்... அதலினால் வரலாறு முக்கியம்.

ரணதீரன் கி.பி. 670 முதல் 710 வரை பாண்டிய நாட்டினை ஆட்சி செய்த பாண்டிய மன்னனாவான். அரிகேசரியின் மகனான இவன் தனது தந்தை கி.பி. 670 ஆம் ஆண்டளவில் இறந்தபின்னர் அரியணை ஏறினான். கடல் போன்ற சேனை உடையவன் எனப்படுகிறான். ரணதீரன் கோச்சடையன் என அழைக்கப்பட்டான். செங்கோல் தென்னன், வானவன், செம்யன், மதுரகருநாடகன், கொங்கர்கோமான், மன்னர் மன்னன் போன்ற பல பட்டப் பெயர்களைக் கொண்டிருந்தான். (வைரமுத்து வகையற்றாகள் வயிறு எரிய வேண்டாம் உங்களுக்கு இவ்வாறான பட்டங்கள் 2015ல் கிடைக்கும்)

இதற்குச் சான்றாக வேள்விக்குடிச் செப்பேடு இருப்பது குறிப்பிடத்தக்கது. படையெடுத்துச் சென்ற இவன் முதலில் சேரநாட்டை வென்றான். பின்னர் சோழநாடு, கொங்கு நாடு வென்று அனைவரையும் கப்பம் கட்டுமாறு ஆணையிட்ட இவன் மருதூரில் நடைபெற்ற போரில் பொதிய மலைத் தலைவன் ஆய்வேளையும், மங்கலபுரத்தில் மாரதரையும் வெற்றி கொண்டவனாவான்.

சாளுக்கிய மன்னனான விக்கிரமாதித்தனுடன் போர் புரிந்து வெற்றி பெற்றுப் பட்டம் பெற்றான் ரணதீரன். இவ்வாறு வேள்விக்குடிச் செப்பேடும் கேந்தூர்க் கல்வெட்டும், கூறுவது குறிப்பிடத்தக்கது. ரணதீரன் ஆட்சிக் காலத்தில் மதுரைக்கு வந்து அங்கு பாண்டியன் மகளை மணந்து, சோழ மன்னன் ஒருவனையும் சந்தித்தார். திருவாலவாய் இறைவனையும், திருப்பரங்குன்றப் பெருமானையும் பின் வணங்கினார் எனப் பெரிய புராணம் மற்றும் சுந்தரர் தேவாரமும் கூறுவதும் குறிப்பிடத்தக்கது. (பெரிய-கழறி-91-2) (சுந்தரர் தேவாரம் திருப்பரங்குன்றப் பதிகம்-பாட்டு-11).

இடைக்காலப் பாண்டியன் ரணதீரன் கி.பி. 710 ஆம் ஆண்டில் மரணமடைந்தான்.

வேள்விக்குடிச் செப்பேடும் கேந்தூர்க் கல்வெட்டும் "சூப்பர் ஸ்டார்" ரஜினிகாத்ந் என்கிற ரண்தீரன் கோச்சடையன் பேசிய பஞ்ச் டயலாகை குறித்து வைத்துள்ளது.

(ஏன்யா பேதி தர்மனை நம்பும் இந்த ஊர் நம்ம கோச்சடையனை நம்பாது?# டவுட்டு)

(இது ரஜினிகாந்த் படம் எதுவும் நடக்கலாம்)

வசனங்கள் பின்வருமாறு....

"தம்பி என் பேருதான் கோச்சடையன்.. நான் அடிச்சா நீ கோ கோ மடையன்"

"தம்பி என் நாடு பாண்டி.. நான் போவேன் உன்னை தாண்டி"

"கண்ணு.. எங்கிட்ட இருக்கு சேனை.. உங்கிட்ட இருக்குறது பானை"

"தம்பி.. அனுஷ்காவும் அரியனையும் ஒன்னுதான். ரெண்டு மேலையும் ஆசை வரும், ஆனா தூரத்திலிருந்தான் பாக்க முடியும் .. ஹிஹாஹா ஹா ஹா"

(போங்கடா நீங்களும் உங்க பஞ்ச் டயலாக்கும்) டீக் ஹை.. (சரியா)

(இவ்வாறான சம்பந்தமில்லாத கதைகளையும், வார்த்தைகளையு கேட்டும், பேசியும், பார்த்துப் பார்த்து பழகிய மூத்த தமிழ்குடி மக்கள் கோச்சடையனையும் வாழ்வைப்பார்கள் என்ற நம்பிக்கையில் படம் எடுக்கப்படுகிறது)

அம்பேத்கர் நினைவு தின நிகழ்ச்சிகள் தேவையா?

2011-12-06T00:42:00.000+05:30

உலகில் தோன்றிய மாமனிதர்கள் தங்களுடைய இருப்புக்கு பின்னால் தங்கள் அடையாளங்களினூடாக வாழ்ந்துக்கொண்டே இருக்கிறார்கள். அவர்களை தங்கள் குழுக்களுக்கான அடையாளமாய் மாற்றிக்கொள்ள பலர் தொடர் முயற்சியர்சிகளை மேற்கொண்டாலும் அவர்களது மேதமை அதையும் தாண்டி சமூகம் முழுமைக்குமான உந்துசக்தியாக திகழ்கிறது.

அத்தகைய ஆளுமைகளில் அம்பேத்கர் ஒரு மகத்தான இடத்தை பிடித்தவராவார். அவர் சமூகத்தில் பல தளங்களில் தன்னுடைய பங்களிப்பை செய்துள்ளார். அரசியல் அமைப்பு சட்டத்தை உருவாக்கிய சட்ட மேதை. கொலம்பியா பல்கலைக்கழகத்தில் தினமும் 18 மணி நேரம் பயின்று 1916ல் எம்.ஏ பட்டம் பெற்றவர். நியூயார்க் நகரில் 2000 புத்த்கங்களை வாங்கியவர். லண்டன் மியூசியத்தில் காலையில் நுழைந்து இரவு காவலர் வந்து கூறுகிறவரை படித்து டாக்டர் பட்டம் பெற்றவர். இப்படியாக அவரது பரிமாணங்களை சொல்லிக்கொண்டே போகலம் ஆனால் அவர் இந்திய நாட்டில் ஒடுக்கப்பட்ட மக்களாக தள்ளிவைக்கப்பட்ட பெருந்திரள் சமூகத்திற்காக தன் வாழ்நாள் முழுவதையும் அர்பணித்த மாமேதையாவார்.

அந்த மக்கத்தான மனிதனின் கல்விச் சிந்தனைகள் கல்வியை நேசிக்கும் அனைவரும் உள்வாங்க வேண்டிய கருத்து பெட்டகங்களாகும். 1891 ஆம் ஆண்டு ஏப்ரல் மாதம் 14 ஆம் தேதி பிறந்து 1956 ஆம் ஆண்டு டிசம்பர் 6 ஆம் தேதி மறைந்த அம்பேத்கர் தன்னுடைய வாழ்நாள் அனுபவத்தினூடாக ஒடுக்கப்பட்ட மக்களின் கல்வியின் அவசியத்தை கண்டுணர்ந்தார். ஆரம்ப கல்வியில் அவர் வயதையத்த குழந்தைகள் கையில் புத்த்கங்களையும், உணவு பைகளையும் சுமந்து வந்த போது அவர் கூடுதலக சாக்கு பையையும் சுமந்து வந்தார். இன்னும் பிற அவலங்கள் அவர் வாழ்க்கையில் கடுமையான உறுதியை கொண்டு வந்தது. விடாப்பிடியுடன் கற்றலின் உச்சிக்கு சென்றார்.

தான் மட்டும் கல்வி பெற்றால் போதாது ஒடுக்கப்பட்ட மக்கள் அனைவருக்கும் அது கிடைத்திட தனது சொந்த முயற்சியால் அவர்களுக்கான கல்வி நிலையங்களை துவக்கினார். 1924 ஆம் ஆண்டு மார்ச் 9 ஆம் தேதி மும்பை தாமோதர் ஹாலில் நடந்த கூட்டத்தில் "பஹிஷ்க்ரித் ஹித்காரினி சபா" என்ற அமைப்பை உருவாகினார். விடுதிகள், நூலகங்கள், படிப்பு வட்டங்கள் ஆகியவைகளை தனது நோக்கமாக இந்த அமைப்பு அறிவித்தது. அந்த அமைப்பின் சார்பில் ஷோலாப்பூருக்கு அருகில் இலவச விடுதி ஒன்று கட்டப்பட்டது. பைகுல்லா என்ற இடத்தில் நூலகம் ஒன்றையும், மாணவர்களுக்காக "வித்யா விலாஸ்" என்ற மாதப்பத்திரிக்கையும் உருவாக்கப்பட்டது.

இதனை தொடர்ந்து 1928 ஆம் ஆண்டு ஜூன் 14 ஆம் தேதி அம்பேத்கர் "ஒடுக்கப்பட்டோர் கல்வி கழகம்" என்ற அமைப்பை துவங்கினார். இதன் சார்பில் ஐந்து விடுதிகள் நடத்தப்பட்டதாக தெரிகிறது. 1945 ஆம் ஆண்டு "பீப்பிள்ஸ் எஜுகேஷ்ன் சொஸைட்டி" என்ற அமைப்பை உருவாக்கினார். தானே முன் நின்று பதினைந்து லட்சம் செலவில் (அரசின் உதவி 6 லட்சம்) ஒரு கல்லூரியை உருவாக்கினார். இந்த அமைப்பு இப்போது ஆல்போல் தழைத்துள்ளது. இப்போது ஒன்பது உயர்நிலைப் பள்ளிகளும், பொறியியல் கல்லூரி. சட்டக் கல்லூரி உட்பட பதினான்கு கல்லூரிகளையும், மூன்று விடுதிகளும் ஒரு தொழிற்பயிற்ச்சிக் கல்லூரியும் நடத்தப்படுகிறது.

சைமன் கமிஷன் இந்தியா வந்த போது, 1813 முதல் பிரிடிஷ் அரசாங்கம் இந்தியாவில் கடைபிடித்த கல்வி கொள்கையை அவர் ஆராய்ந்து கொடுத்த மனு மிகவும் புகழ்பெற்ற மனுவாகும். இந்திய கல்வியை பற்றி ஆராய அமைக்கப்பட்ட ஹன்டர் கமிஷன் புள்ளி விபரங்களை அவர் மிகவும் சாதுர்யமாக பயன்படுத்தி அந்த அறிக்கையை தயாரித்து இருந்தார். அதே போல அவர் 1920 களில் பம்பாய் மாகாண் சட்ட மேலவை விவாதங்களில் கலந்துக்கொண்டு பேசிய பேச்சுக்கள் அவரது கல்வி மீதான அக்கறையை காட்டும்.

வெறும் பட்டப் படிப்பு அல்லது சட்டத்துறைப் படிப்பு படித்து முடிப்பது தாழ்த்தப்பட்ட சாதியினருக்கு அதிக பயன் அளிக்காது. அது சாதி இந்துக்களுக்கே பயன்படவில்லை. ஆக விஞ்ஞானத்திலும் தொழில் நுட்பத்திலும் கற்றபதுதான் பயன்தரும். ஆனால் இதை கற்பதற்கான கதவுகள் அவர்களுக்கு அடைக்கப்பட்டிருக்கும். இது அவர்களது சக்திக்கு அப்பாற்பட்டது. எனவே அரசு உதவி இல்லாமல் இது சாத்தியமில்லை என அவர் வாதாடினார்.

கல்வி அரசின் கையில் இருக்கவேண்டும் என அவர் விடாபிடியாக இருந்த காரணம் அப்போதுதான் ஒடுக்கப்பட்ட மக்களுக்கு கொஞ்சமேனும் கல்வி கிடைக்கும் என உறுதியா நம்பினார். அது ஒருவகையில் உண்மையும் கூட. ஆனால் இந்திய சாதி அமைப்பை கலைக்க அல்லது சீர்குலைக்க விரும்பாத ஆங்கிலேயர்கள் ஒடுக்கப்பட்ட மக்கள் கல்வியில் போதிய ஆர்வம் செலுத்தவில்லை.

இதற்கு சிறந்த உதாரணத்தை அவர் சைமன் கமிஷனுக்கு கொடுத்த் அறிக்கையிலிருந்து பார்க்கலாம்..

"இப்போது நாம் நமது கவனத்தை ஓர் உண்மையின்பால் செலுத்த வேண்டும்; இதுவரை நாம் பெரிதும் அலட்சியப்படுத்தி வந்த உண்மை அது; இதனை நாம் ஒப்புக் கொள்ளதான் வேண்டும்; அந்த அசைக்க, மறுக்க முடியாத உண்மை இதுதான்; வாழ்க்கையின் ஒவ்வொரு கட்டத்திற்கும் பெரிது உகந்ததான, பயனுள்ள, நடைமுறைக்கு ஏற்ற கல்வி அறிவை மிகப்பெரும் திரளான மக்களுக்குக் கிடைக்கச் செய்வது மிக மிக அவசியம்; எத்தகைய கல்வியையும் தங்களது முயற்சியினால் கிடைக்கப் பெற இயலாத துர்பாக்கியசாலிகளாக அவர்கள் இருந்து வருகிறார்கள்" என 1854 ஆம் ஆண்டு ஜூலை 19 ஆம் தேதி இந்திய மக்களுக்கு கல்வியை கொடுக்க பிரிடிஷ் அரசு வெளியிட்ட அறிக்கையில் கூறி இருப்பது உண்மையா என அவர் கேட்டார். அப்படி இந்த கவலை உண்மையெனில் இது யாருகான கவலை? சாதி இந்துக்களுக்கும் பிறருக்குமா? அப்படியெனில் தலித்துக்கள் உங்களுக்கு சுமையா? என மறைமுகமாக கேட்டார்.

இவைகளை ஆதாரங்களுடன் அடுக்கினார்...

1881- 82 கல்வியாண்டை அய்வு செய்து அவர் கணக்கிட்டார். அப்போது தொடக்க கல்வி பயின்றவரகள் மொத்தம் 3,15,635 பேர். கிறித்தவர்கள், பிராமணர்கள், இதர இந்துக்கள், முகமதியரக்ள், பார்சிகள், ஆதிவாசிகளும் மலைசாதியினரும், கீழ்சாதி இந்துக்கள், யூதர்களும் ஏனையோரும் என பட்டியல் இட்டதில் தலித்துக்கள் 0.87 சதவிதமே படித்தனர். அதாவது இந்த மொத்த எண்ணிக்கையில் 2,862 பேர் மட்டுமே. (பிராமணர்கள் 20.17 சதம்.)

அப்போது நடுநிலைப் பளிகளில் கல்வி பயின்றவரக்ள் மொத்தம் 11,254 பேர். கிறித்தவர்கள், பிராமணர்கள், இதர இந்துக்கள், முகமதியரக்ள், பார்சிகள், ஆதிவாசிகளும் மலைசாதியினரும், கீழ்சாதி இந்துக்கள், யூதர்களும் ஏனையோரும் என பட்டியல் இட்டதில் தலித்துக்கள் 0.14 சதவிதமே படித்தனர். அதாவது இந்த மொத்த எண்ணிக்கையில் 17 பேர் மட்டுமே. (பிரமணர்கள் 30.70 சதம்.)

அப்போது உயர்நிலைப் பள்ளியில் கல்வி பயின்றவரக்ள் மொத்தம் 4959 பேர். கிறித்தவர்கள், பிராமணர்கள், இதர இந்துக்கள், முகமதியரக்ள், பார்சிகள், ஆதிவாசிகளும் மலைசாதியினரும், கீழ்சாதி இந்துக்கள், யூதர்களும் ஏனையோரும் என பட்டியல் இட்டதில் தலித்துக்கள் 0.00 சதவிதமே படித்தனர். அதாவது இந்த மொத்த எண்ணிக்கையில் ஒருவர்கூட இல்லை. (பிரமணர்கள் 40.79 சதம்.)

அப்போது கல்லூரியில் பயின்றவரக்ள் மொத்தம் 480 பேர். கிறித்தவர்கள், பிராமணர்கள், இதர இந்துக்கள், முகமதியரக்ள், பார்சிகள், ஆதிவாசிகளும் மலைசாதியினரும், கீழ்சாதி இந்துக்கள், யூதர்களும் ஏனையோரும் என பட்டியல் இட்டதில் தலித்துக்கள், 0.00 சதவிதமே படித்தனர். அதாவது இந்த மொத்த எண்ணிக்கையில் எவரும் இல்லை. (பிரமணர்கள் 50.05 சதம்.)

ஆக பிரிடிஷ்காரர்கள் இவைகளை கவனிக்க வேண்டுமென கூறினார். அவரது கொள்கை ஒடுக்கப்பட மக்களுக்கு கல்வி கொடுப்பதும், அவர்களை வாழ்க்கையில் முன்னேற்றுவதும் என இருந்த காரணத்தினால் தனது வாழ்வியல் அனுபவ அடிப்படையில் சாதி இந்துக்களை சந்தேகக் கண்ணோடு பார்த்தார். சாதி இந்துக்கள் தாழ்த்தப்பட்ட சமூகத்தை எப்போதும் அடக்கியே வைத்திருப்பார்கள் என்ற உண்மையை கண்டுணர்ந்தார்.

இன்றும் அதுதான் நடக்கிறது. அறிவு ஜீவிகளாக தங்களை புறிந்துக் கொள்கிற ஐ.ஐ.டி "டுபாக்கூர்கள்" முதல் மதிப்பெண் பெறும் தலித் மாணவனை கோட்டா அடிப்படையில் தள்ளிவைத்து, அவர்கள் இடத்தை பரித்து பிழைத்துக்கொண்டிருக்கிறார்கள்.

இப்போது சொல்லுங்கள் அன்றைய கல்வியை, சமூக நிலைகளை ஆய்வு செய்த அம்பேத்கர் போல இன்றைய கல்வியையும், சமூகத்தையும் நாம் ஆய்வு செய்யவேண்டுமா இல்லையா? அவரது நினைவு தினமான டிசம்பர் 6 ஆம் தேதியை ஏன் ஒரு துவக்கமாக நாம் எடுத்துக்கொள்ளக்கூடாது?!

ஆகவே கனவான்களே! இனி அம்பேத்கர் நினைவு தின நிகழ்ச்சிகள் தேவையா? இல்லையா? நீங்களே முடிவு செய்யுங்கள்.

”மண்”மோகன் சிங் வகையறாக்களுக்கு மகாகவி பாரதியார் பாடிய சினிமா பாடல்..

2011-12-03T23:12:00.001+05:30

(தினமணியில் வந்த கருத்து படத்திற்கும் இந்த பாடலுக்கும் எவ்வித சம்மதமும் இல்லை.. இல்லை இல்லவே இல்லை என்பதையறிக ..).

நடிப்பு சுதேசிகள்

நெஞ்சில் உரமுமின்றி நேர்மைத் திறமு மின்றி,
வஞ்சனை சொல்வா ரடீ! - கிளியே!
வாய்ச் சொல்லில் வீரரடி.

கூட்டத்தில் கூடிநின்று கூவிப் பிதற்ற லன்றி,
நாட்டத்தில் கொள்ளா ரடீ! - கிளியே!
நாளில் மறப்பா ரடீ

சொந்த அரசும்புவிச் சுகங்களும் மாண்பு களும்
அந்தகர்க் குண்டாகு மோ? - கிளியே!
அகலிகளுக் கின்ப முண்டோ ?

யந்திர சாலை யென்பார் எங்கள் துணிகளென்பார்,
மந்திரத் தாலே யெங்கும் - கிளியே!
மாங்கனி வீழ்வ துண்டோ !

உப்பென்றும் சீனி என்றும் உள்நாட்டுச் சேலை என்றும்
செப்பித் திரிவா ரடீ! - கிளியே!
செய்வ தறியா ரடீ!

அச்சமும் பேடி மையும் அடிமைச் சிறு மதியும்
உச்சத்திற் கொண்டா ரடீஸ்ரீ - கிளியே
ஊமைச் சனங்க ளடீ!

ஊக்கமும் உள்வலியும் உண்மையிற் பற்று மில்லா
மாக்களுக் கோர் கணமும் - கிளியே
வாழத் தகுதி யுண்டோ ?

மானம் சிறிதென் றெண்ணி வாழ்வு பெரிதென் றெண்ணும்
ஈனர்க் குலகந் தனில் - கிளியே!
இருக்க நிலைமை யுண்டோ ?

சிந்தையிற் கள்விரும்பிச் சிவசிவ வென்பது போல்
வந்தே மாதர மென்பார்! - கிளியே!
மனத்தி லதனைக் கொள்ளார்

நாட்டில் அவமதிப்பும் நாணின்றி இழி செல்வத்
தேட்டில் விருப்புங் கொண்டே! - கிளியே!
சிறுமை யடைவா ரடீ!

சொந்த சகோ தரர்கள் துன்பத்திற் சாதல் கண்டும்
சிந்தை இரங்கா ரடீ! - கிளியே!
செம்மை மறந்தா ரடீ!

பஞ்சத்தும் நோய்க ளிலும் பாரதர் புழுக்கள் போல்
துஞ்சத்தும் கண்ணாற் கண்டும் - கிளியே!
சோம்பிக் கிடப்பா ரடீ!

தாயைக் கொல்லும் பஞ்சத்தைத் தடுக்க முயற்சி யுறார்
வாயைத் திறந்து சும்மா - கிளியே!
வந்தே மாதர மென்பார்!

"WHY THIS கொலவெறி டீ" பாடல் எழுத காரணம் என்ன? - புலனாய்வு (ஹும் ..ரொம்ப முக்கியம்)

2011-11-28T23:27:00.001+05:30

நடிகர் தனுஷ் எழுதி அவரது சொந்த குரலில் பாடிய இந்த பாடல் இப்போது மிகவும் பிரபலமாக பேசபடுகிறது அல்லது பேசவைக்கப்படுகிறது. இந்த பாடல் எப்படிபட்டது? ஏன் எழுதப்பட்டது? என்ற ஆராய்ச்சிகள் நடக்கத்துவங்கியுள்ளது. நல்ல வேலை கலைஞர் ஆட்சி இப்போது இல்லை, இருந்திருந்தால் இநத் ஆண்டின் சிறந்த பாடல் ஆசிரியராகவும் சிறந்த பின்னணி பாடகராகவும் தேர்ந்தெடுக்கப்பட்டிருப்பார் தனுஷ். ஏனெனில் அவர் சூப்பர் ஸ்டாரின் மருமகன் என்ற கூடுதல் தகுதி கொண்டவராயிற்றே..

இன்று இந்த பதிவு எழுதும் நேரம் வரை இணையத்தின் வழியாக இந்த பாடலை 55 லட்சம் பேர் பார்த்திருப்பதாக புள்ளிவிபர புலிகள் அறிவித்து உள்ளனர். இந்த இம்சைகள் ஒருபக்கம் இருக்க இந்த பாடல் பின் நவீநத்துவ பாடலாக இருக்கலாம் என பின் நவீநத்துவ வாதிகள் கட்டுரை எழுத கொலைவெறி எடுத்து அலையும் தகவலும் வெளியாவது பீதியை கிளப்புகிறது. நமது பிளாக்கர்களுக்கு (அதாங்க வலைப்பூ மன்னர்களுக்கு) அடிச்சு துவைச்சு காயப்போட ஒரு சூப்பர் மேட்டர் கிடைத்த சந்தோஷத்தில் இருப்பது மட்டும் ஒரு ஆறுதலான நிகழ்வு.

இது ஒருபுறம் இருக்க இந்த பாடலை அவர் எழுத கீழ்கண்ட காரணங்களும் இருக்கலாமா என "அரசியல் நோக்கர்கள்" கருதுகிறார்கள். இது குறித்த ஆராய்ச்சியில் ஈடுபட்டு வருகின்றனர். (யார்ரா இவனுவ அரசியல் நோக்கர்கள் என தாங்கள் குழம்புவது புரிகிறது! எல்லா பத்திரிக்கைகளும் தங்கள் சொந்த கருத்துக்களை இப்படிதானே எழுதுகிறார்கள். நாமும் எழுதுவோம்!?)

"WHY THIS கொலவெறி டீ"
உழைப்பாளி மக்கள் பைகளிலிருந்து அதிகார பூர்வமாக பகல் கொள்ளையடிக்க தமிழக அரசு அநியாயமாக உயர்த்தியுள்ள பேருந்து கட்டண உயர்வை மனதில் வைத்து இவர் எழுதினார் என ஒரு பகுதியினரும்.. இல்லை இல்லை அவர் பேருந்தில் பயணம் செய்பவர் அல்ல அதனால் அது குறித்து இல்லவே இல்லை என ஒரு பகுதியினரும் வாதிடுகின்றனர்.

ஏழைக் குழுந்தைகளின் உணவாக பசியாற்றிய பால் விலையை ஏற்றி அக்குழந்தைகளுக்கு இலவசமாக "பால்தெளி சடங்கை" நடத்தியுள்ள கொடுமையை கண்டு சகிக்காமல் "பொல்லாதவன்" தனுஷ் பொங்கி எழுந்து எழுதியிருக்கலாம் என பலரும் வாதிடுகின்றனர்.

அதுக்கூட இல்லை.. 400 யூனிட் வரை மின்சாரத்தை நுகர்ந்தவர்கள் உயர்வதற்கு முன்பாக ரூ.670ஐ கட்டணமாக செலுத்தினார்கள். இவர்கள் உயர்வுக்கு பின்னர் ரூ.1,300ஐ இரட்டிப்பான நிலையில் செலுத்த வேண்டி யுள்ளது. 600 யூனிட்டுக்கு மேல் மின்சாரத்தை நுகர்ந்தவர்கள் கட்டண உயர்வுக்கு முன்னால் ரூ.1,100ம். கட்டண உயர்வுக்கு பின்னர் அவர்களே ரூ.2,375ஐ மின் கட்டணமாக செலுத்த வேண்டிய அதிரடி உயர்வை அம்மா அரசு தமிழக மக்கள் மீது திணித்துள்ளதை கண்டித்துதான் இந்த பாடல் எழுதப்பட்டதோ எனவும் சந்தேகிக்கப்படுகிறது.

அல்லது.. பரமக்குடி துப்பாக்கிச்சூடு, அண்ணா நூலக இடமாற்றம், சமச்சீர் கல்விக்கு ஆப்பு, மக்கள் நல பணியாளர்கள் குடும்பங்களி நடுரோட்டில் நிற்க வைத்தது போன்ற சம்பவங்களை வைத்து அவர் எழுதி இருக்கலாம் என சொல்கிறார்கள். அதில் வரும் வாழ்க்கையே டார்க்கு, பிளாக்கு போன்ற வார்த்தைகள் சூட்சுமமாக இவைகளை உணர்த்துவதாக சொல்கிறார்கள். அதிமுக அரசின் கொள்கைகளை அம்பலப்படுத்திய தனுஷ் இன்னும் பல பாடல்களை எழுத வேண்டும் என்றும் "அரசியல் நோக்கர்கள்" கூறுகிறார்கள்.

ஆகவே நண்பர்களே.. இந்த பதிவின் நோக்கம் கீழ்காணும் ஒரே ஒரு "நல்ல" நோக்கத்திற்காக எழுதப்பட்டுள்ளது என்பதை பணிவன்புடன் தெரிவித்துக் கொள்கிறேன்.

அதிமுக நண்பர்கள் இதை "கவனித்து" படித்து அதன் "விளைவாக" இனிமேல் தனுஷ் பாடல் எழுதுவதை நிறுத்தலாம் என்ற ஆசையின் விளைவே இந்த பதிவு.

மாற்றம் ஒன்றே மாறாதது ... உண்மையா?????????

2011-11-27T00:58:00.001+05:30

எல்லாம் தெரிந்தே நடந்தது

நடக்குமென அறியாமல்..

நடக்குமென தெரிந்திருந்தும்

நடக்காது என்ற நம்பிக்கை இருந்தது.

மாற்றம் மட்டுமே மாறாது

என்றெல்லாம் கதைத்தோம்

மாற்றம் கானும்...

இவரிடமும்

மாற்றம் வரும் என நம்பினோம்.

வந்தது குறைவு என்கிறார்கள்

உடன் வராதவர்கள்..

வருவது இன்னும் துவங்கவில்லை

என்கிறார்கள் உடன் வந்தவர்கள்..

வந்ததே தாங்கவில்லை

வருவதை எப்படி தாங்க..

வருந்துகிறார்கள்

பொதுவாய் நின்ற பலர்..

அதலினால் உலக்கத்தீரே

அல்லல் பட்டு அழுது - கண்ணீர்

ஆறாய் பெருகி வந்தும்

ஆவதொன்றுமில்லை ஏனெனில்

எல்லாம் தெரிந்தே நடந்தது

நடக்குமென அறியாமல்..

நடக்குமென தெரிந்திருந்தும்

நடக்காது என்ற நம்பிக்கை இருந்தது.

(பின் குறிப்பு படத்திற்கும் மேற்கண்ட வரிகளுக்கும் கொஞ்சம்கூட சம்பந்தம் இல்லை..இல்லை.. இல்லவே இல்லை)

புரட்சியாளர் ஜீவா: பாட்டாளி வர்க்கம் மறக்கலாமா?

2011-11-22T20:45:00.001+05:30

தீக்கதிரில் தொடராய் வந்த போது பலரால் கவனிக்கபட்ட - தோழர் சு.பொ.அகத்தியலிங்கம் எழுதிய ஜீவாவின் கவிதைப் பயணம் குறித்த ஒரு அறிமுகம் இப்போது நூலாய் வெளி வந்துளது. தொடராய் படித்ததை விட ஒரு புத்தகமாய் படிக் கின்ற போது கவிஞர் ஜீவாவின் ஆளுமை குறித்த நுலாசிரிய ரின் மதிப்பீடு ஆச்சரியம் அளிக்கிறது. இலக்கியத்தின் பயன் பாடு குறித்த புரிதலில், மார்க்சிய பார்வை எனும் நேர்கோட் டில் சரியாய் பயணிக்கிற அரசியல் இருந்தால் மட்டுமே வரு கிற அவதனிப்பு இது. ஜீவாவின் லட்சிய கனவு எது என கேள்வி எழுப்பி அதற்கு இப்படி பதிலளிக்கிறார், தேச விடுதலையில் காலூன்றி, சுயமரி யாதையில் கிளை விரித்து, பொதுவுடைமையில் பூத்துக்குலுங்கும் கனவு அது என் கிறார். இந்த கனவை நிறைவேற்ற தனது பேச்சாற்றலை, எழுத்தாற்றலை சாதனமாக, வாகனமாக பயன்படுத்திய கவிஞர் ஜீவா சுரண்டலை பற்றி ஒப்பாரி வைக்காமல் சுரண் டல் எதிர்ப்பு போருக்கு பேராயுதமாய் தனது கவிதைகளை பயன்படுத்தியதாகக் கூறுகிறார்.

தோழர் ஜீவாவை பற்றி தமிழகம் அறிந்த அளவு கவிஞர் ஜீவாவை தமிழகம் அறிய வில்லை என்ற ஆதங்கத்தில் விளைந்ததே இந்த புத்தகம் என நூலாசிரியர் குறிப்பிடு கிறார். அந்த கூற்றுக்கு உண்மையாக இப்புத்தகத்தில் கவிஞர் ஜீவாவின் கவிதாசாரத் தின் ஆளுமையை, அரசியலை, பெண்விடுதலை கருத்துக்களை, பொதுஉடைமை சிந்தனைகளை, மௌடீக எதிர்ப்பு பிரச்சாரத்தை, சாதிய ஒடுக்கு முறைக்கு எதிரான கோபத்தை கவிஞரின் கவிதைகளின் மூலம் நிறுவிச்செல்கிறார். 1906 ஆம் ஆண்டு சொரிமுத்துவாய் பிறந்து 1963 ஆம் ஆண்டு ஜீவானந்தமாய் மறைந்தார்.

ஜீவானந்தம் மாபெரும் கவிஞனாய், பாட்டாளிகளின் தோழனாய் 40 ஆண்டுகள் பொதுவாழ்வில் ஒரு பொதுவுடைமைவாதியாய், தன்னலமற்ற அரசியல்வாதியாய் இயங்கிய ஒரு மகத்தான ஆளுமை. அவர் கண்ட கனவு தமிழகம் எது? புதிய தமிழகத்தில் சாதியில் லாத, வருணாசிரமம் பேசும் வம்பர்கள் இல்லாத, சேரி அக்ரகாரம் என பிரிவினை யில்லாத, இழந்தோனும் எத்தனும் என்ற பேதம் இல்லாத, பொருளை சூறையாடும் கோவில்கள் இல்லாத, பீடைமதக் கூத்தடிக்கும் பித்தர் கூட்டம் இல்லாத தமிழகம் தான் அவரது கனவு. இப்படி பல வடிவங்களில் பல பொருட்கள் குறித்த அவரது கனவுகள் பாடல்களாய், கவிதைகளாய் விரிந்துச் செல்கிறது.

யானை போல கொழுத்த மேனியும், இடர் செய்யும் நஞ்சு நெஞ்சும், பூனை போல திருட்டு எண்ணமும், பொய்புலை நிறைந்த வாழ்வும், ஏனையோர் குடிகெடுத்தலும், யத்தனமான பொழுது போக்கும் கொண்ட, பானைபோல் வயிறு கொண்ட பணத்திமிர் வீழ்க! வீழ்க! என்று பாட்டாளிகளுக்கு பனத்திமிரின் அடையாளத்தை சுட்டிக்காட் டும் அதே நேரம், புலமைசெறி ஆதிக்க வகுப்பா ரெல்லாம் பொதுவுடைமை புரட்சியி னால் நடுங்கி வீழ்வார் என அவர்கள் வீழும் காலத்தையும் அடையாளம் காட்டுகிரார். புரட்சிக்கு அணிவகுக்கச் சொல்லும் அவர் கவிதைகள் உணர்வு ததும்பி நிற்பவை.

இப்புத்தகத்தின் இறுதி பகுதியாக இன்றைய சூழலுக்கும் கச்சிதமாய் பொருந்த கூடிய 29 பாடல்கள் தேர்ந்தெடுக்கப்பட்டு இணைக்கப்பட்டுள்ளது சிறப்புக்குரியது. ஜீவா வின் பாடல்களும் கவிதைகளுமாய் 122 படைப்புகள் கிடைத்துள்ளன. இவற்றில் 25 பாடலகள் பெண் விடுதலையையும். 48 பாடல்கள் தொழிலாளி வர்க்க எழுச்சி, சோஷ லிசம் குறித்தும். 7 பாடல்கள் கட்சி, தியாகம் குறித்தும். 5 பாடல்கள் புரட்சி குறித்தும். 6 பாடல்கள் பாசிசம், யுத்தம் குறித்தும். 11 பாடல்கள் சுயமரியாதை, பகுத்தறிவு குறித்தும். 15 பாடல்கள் தேசியம் குறித்தும். 2 பாடல்கள் தமிழகம் குறித்தும் மற்றும் 3 பாடல்கள் சேர்த்து 122 பாடல்களை 10 வகையாக பிரித்து இந்த நூலில் அனுகி 15 தலைப்புகளில் எழுதி இருப்பது படிக்க மிகவும் எளிதாகவும் சுவையாகவும் உள்ளது.

இந்த நூலின் இறுதி பகுதியில் வியர்வை குலத்தின் பக்கம் உறுதியாக ஊசலாட்டம் இல்லாமல் நின்று, அவர்கள்படும் துயரத்தின் மூலகாரணம் சுரண்டலும், ஏகாதிய பத்தியமும் என்பதையும் அடையாளம் காட்டியதால் அவரை ஆளும் வர்க்கம் கண்டு கொள்ளமல்விட்டது. வர்க்க நலன் காக்கும் அறிவுஜீவி கூட்டமும் மறைத்தன. கவித்துவம் இல்லை என தூற்றினர். இயையெல்லாம் கவிஞரின் உழைக்கும் வர்க்கம் சார்ந்த நிலைபாட்டால் அவர் மீது விழுந்த சுமைகள். ஆனால் பாட்டாளி வர்க்கம் தனது சொந்த கவிஞனை மறக்கலாமா? காலத்தை வென்று இன்றைய சூழ்நிலையில் பயன் படுத்தப்படும் பாடல்களை இசைக்க தடையாக இருப்பது எது? கம்யூனிஸ்ட் கட்சிக்குள் ஏற்பட்ட பிளவு இந்த கவிஞன் மீதும் தூசு தும்பு படிய காரணமாய் இருக்குமோ? என்பன போன்ற கேள்விகளை நூலாசிரியர் எழுப்புகிறார். விவாதிக் கப்பட வேண்டிய கேள்விகளே இவை. விவாதங்களை துவக்கிய இந்த நூலை வாங்கி படிப்பதிலிருந்து விவாதங்களை துவக்குவோம்.

கோடிக்கால் பூதமடா...

(ஜீவாவின் கவிதைப் பயணம்)

ஆசிரியர்: சு.பொ.அகத்தியலிங்கம்

வெளியீடு: நாம் தமிழர் பதிப்பகம்,

10/14, தோப்பு வெங்கடாசலம் தெரு,

திருவல்லிக்கேணி, சென்னை - 600 005

பக். 104, விலை ரூ. 50/-

(தீக்கதீர் நாளிதழில் இந்த புத்த்கத்திற்கு நான் எழுதிய நூல் அறிமுகம்)

பயங்கரவாதிகளை விட ஆபத்தானவர்கள் நக்ஸல்கள் - மம்தா பானர்ஜி கண்டுபிடிப்பு

2011-11-17T21:12:00.001+05:30

வினை வித்தைத்து வினை அறுத்த கதை

புருலியா மாவட்டத்தில் நக்ஸல்களால் சுட்டுக் கொல்லப்பட்ட திரிணமூல் காங்கிரஸ் கட்சித் தொண்டர் ஒருவரின் உறவினர்களுக்கு ஆறுதல்.

மேற்கு வங்க மாநிலம் புருலியா மாவட்டம் பெலராம்பூர் பகுதியில் திரிணமூல் காங்கிரஸ் கட்சித் தொண்டர்கள் 2 பேரை நக்ஸல்கள் 2 நாள்களுக்கு முன்பு சுட்டுக் கொன்றனர். சுட்டுக் கொல்லப்பட்ட திரிணமூல் காங்கிரஸ் தொண்டர்களின் குடும்பத்தினரை சந்தித்த பின் மம்தா "நக்ஸல்களுக்கு எதிரான வேட்டையை 4 மாதங்களுக்கு அரசு நிறுத்தி வைத்தால், நாங்களும் தாக்குதல் நடத்த மாட்டோம் என்று நக்ஸல்கள் அறிவித்திருந்தனர். ஆனால் இந்த அறிவிப்பு வந்த ஒரே நாளிலேயே அவர்கள் தாக்குதல் நடத்தி திரிணமூல் காங்கிரஸச் சேர்ந்த 2 பேரைக் கொன்றுள்ளனர்" என்றார்.

"பயங்கரவாதிகளை விட நக்ஸல்கள் ஆபத்தானவர்கள்.இந்த கொடுமையான தாக்குதலை எங்கள் அரசு வேடிக்கை பார்த்துக் கொண்டிருக்காது. சட்டம் ஒழுங்கைக் காப்பாற்ற வேண்டிய நிலையில் நாம் இருக்கிறோம். அவர்கள் தொடர்ந்து கொலைகளில் ஈடுபட்டுக் கொண்டிருக்கும்போது நாம் வாயில் விரலை வைத்துக் கொண்டு வேடிக்கை பார்க்க முடியாது".

"நக்ஸல்கள் திருந்தி வாழ நினைத்தால் அவர்கள் ஆயுதங்களைப் போட்டுவிட்டு சரண் அடையவேண்டும். அப்போது அவர்களுக்குத் தேவையானவற்றை அரசு செய்து கொடுக்கும். பொதுமக்களுக்கு பாதுகாப்பு அளிக்க வேண்டியது மாநில அரசின் பொறுப்பு. நக்ஸல்களுக்கு பண உதவியையும், தங்க இடவசதியையும் சிலர் அளித்து வருவதாக அரசுக்குத் தெரியவந்துள்ளது. நக்ஸல்களுக்கு புகலிடம் தருபவர்களை அரசு கண்காணித்து வருகிறது. இதுபோன்ற நபர்கள் குறித்து பொதுமக்கள் விழிப்பாக இருக்கவேண்டும். எல்லாரும் கெட்டவர்கள் என்று நான் கூறவில்லை. ஆனாலும் பொதுமக்கள் விழிப்புடன் இருப்பது நல்லது. குறிப்பாக ஹ¨க்ளி மாவட்டத்திலுள்ள உத்தர்பரா பகுதியில் கண்காணிப்பை பலப்படுத்துவது அவசியம்".

இதெல்லாம் அம்மா மம்தா கக்கிய முத்துக்கள்.

"மேற்கு மிதுனபுரி, புருலியா மாவட்டங்களில் நக்ஸல் தேடுதல் வேட்டை தீவிரப்படுத்தப்பட்டுள்ளது. அப்பகுதியில் போலீஸார் புதன்கிழமை நடத்திய தேடுதல் வேட்டையில் ஏராளமான ஆயுதங்கள் கிடைத்துள்ளன. இன்சாஸ் ரைபிள்கள் 2, ஏகே 47 ரக துப்பாக்கிகளில் பயன்படுத்தக்கூடிய தோட்டக்காள், 60 கிலோ வெடிபொருள்கள், கண்ணி வெடிகள், ஜெலட்டின் குச்சிகள், வயர்கள் ஆகியவை புர்னபாணி பகுதியில் கிடைத்துள்ளன" இது போலீஸ் கண்காணிப்பாளர் பிரவீண் திரிபாதி சொன்னது.

# அதுசரி இந்த நக்சல்களுடன் கைகோர்த்து மார்க்ஸிஸ்ட் கட்சி ஊழியர்கள் நூற்றுக்கணக்கானோரை படுகொலை செய்த போது அவர்கள் தீவிரவதிகளாக, பயங்கரவாதிகளாக என மம்தாவின் கண்ணுக்கு தெரியாதது ஏன்?

# வெடிகுண்டுகளுடன் வந்த அந்த பயங்கரவாதிகளுக்கு திரினாமூல் கட்சி தலைவர்கள் தங்களது இல்லங்களில் தஞ்சம் அளித்தது, உணவும் அளித்தது ஏன்?

# மேற்கு மிதுனபுரி மாவட்டத்தில் மார்க்சிஸ்ட் கட்சி அலுவலகங்களை நக்சல்கள் கொளுத்தி விளையாடிய போது அம்மையார் அப்பாவியாக இருந்தது ஏன்?

# தான் ஆட்சிக்கு வருவதற்காக நக்ஸல்கள் படுகொலை செய்தால் அவர்கள் தியாகிகள், புரட்சியாளர்கள். தங்கள் கட்சியினரை படுகொலை செய்தால் அவர்கள் பயங்கரவாதிகள் அப்படிதானே மம்தாஜி?

# நக்ஸல்கள் சுயரூபம் தெரிந்துதான் அவர்களை மார்க்சிஸ்ட் கட்சிக்கு எதிராக கூலிப்படையாக பயன்படுத்தினீர்கள் இல்லையா மம்தாஜி?

# இரண்டு பக்கம் கூருள்ள கத்தியை பயன்படுத்தினால் இதுதான் நடக்கும் என்பதை அறியாதவார நீங்கள்?

# சி.ஐ.ஏ பணத்தை பயண்படுத்தி, நக்சல்களை கூலிப்பட்டாளமாய் ஏவி ஆட்சியை பிடித்தீர்கள். சரி. வினை விதைத்தால் அதை அறுவடை செய்துதானே ஆக வேண்டும். இது அறுவடை காலம் அம்மையே?

இது துவக்கம்தான்.
பாவம் உங்களை நம்பியவர்கள்.
வேண்டுமானால் பாருங்கள்
இதற்காகவும்
அங்கு மார்க்சிஸ்டுகள்தான்
போராட போகிறார்கள்.
அதாவது அப்பாவிகளின் உயிரை பாதுகாக்க ..
ஏனெனில் மனித உயிரின்
மகத்துவம் அவர்களுக்கு தெரியும்.

களவின் தேசியகீதம் .... (அரவான் திரைப்படத்தின் ஒரு பாடல்)

2011-11-09T00:05:00.004+05:30

அரவான் என்கிற பிருமாண்டமான திரைப்படம் வசந்தபாலன் இயக்கத்தில் மிக விரைவில் வெளிவர இருக்கிறது. அந்த படத்தின் பாடல் வெளியிட்டுவிழா சமிபத்தில் நடந்தது. நேற்றைய முன்தினம்தான் அமைதியான ஒரு வேளையில் அப்படத்தின் பாடல்களை கேட்டுக்கொண்டிருந்தேன். அதில் களவு குறித்த ஒரு பாடல் மிகவும் அற்புதமாக அமைந்திருந்தது. அற்புதமாக அமைந்தது மட்டுமல்ல வாசிப்பின் உச்சத்தில் உருவாகும் பாடலாகவும் அது இருந்தது.

இப்படம் முற்போக்கு எழுத்தாளர்கள் கலைஞர்கள் சங்கத்தின் மாநில பொது செயலாளர் சு.வெங்கடேசன் எழுதிய 1048 பக்கங்களை கொண்ட 590 விலையுள்ள தமிழினி பதிப்பகத்தில் வெளிவந்த காவல் கோட்டம் என்ற நாவலின் சிலப்பக்கங்க்களை கதையாகக் கொண்டது.

துசிப்படிந்து துருவேறிய போர்வாளை தனக்காவே சாமி அறைக்குளிருந்து கண்களில் பொங்கும் பெருமிதத்துடன் வெளியில் எடுத்துக்காட்டிய தாதனுர் மக்கள் வாழ்க்கையை, மாலிக்கபூர் மதுரையை நோக்கி படை எடுத்த காலத்தில் துவங்கி 300 ஆண்டுகளை கடந்த மதுரையின் வரலாற்றை 10 ஆண்டுகள் ஆராய்ச்சி செய்து எழுதிய அந்த எழுத்தாளனின் வரலாறு புனைவு இது.

புனைவு உலக இலக்கியங்களின் வரிசையை நோக்கி நடைபோடும் இந்த நாவலை முழுமையாக படிக்காமல் இவ்வுளவு சிறப்பாக ஒரு பாடலை எழுத முடியாது. களவில் விழுந்து களவில் எழுந்து களவோடு வாழ்ந்த கள்ளர்களின் களவை கொண்டாடும் இந்த பாடல் அப்புத்தகத்தின் பல்ல்வேறு பக்கங்களில் சிதறி விழும் மாணிக்க பரல்களை கோர்த்த மாலை போன்றது.

மிகசசிறப்புடைய காவல் கோட்டம் நாவலின் அறிமுகமாக.. (அல்லது) அரவான் படத்தின் அறிமுகமாக இந்த பாடலை எழுதிய ந.முத்துகுமாருக்கு வாழ்த்துக்கள். பாடலை படியுங்கள் அப்படியே கேளுங்கள் .. முடிந்தால் காவல் கோட்டம் நாவலை வாங்கி படியுங்கள்.

அரவானை பார்க்க ஆவல் உண்டாகும் பாடல் இது.

பூசாரி பட்டி களவு
கோடாங்கி பட்டி களவு
கொலைகாரன் பட்டி களவு
கோடாலி பட்டி களவு
பேய்க்காரன் பட்டி களவு
காநாடு காத்தான் களவு
நாட்டமை பட்டி...........

என் சாமி பேரு கருப்பு
இம்புட்டு பேரு நெருப்பு
கன்னக்கோல் எங்க துருப்பு
களவுக்கு நாங்க பொறுப்பு

கவுதாரி போல வதந்தி
வவ்வால போல தப்பிச்சி
இங்கிட்டு எல்லாம் மறைஞ்சி
காத்தடிச்சு கெளம்புடா

சாராயத்த ஊத்தி தாரேன்
ரத்த துளி நானும் தாரேன்
போற வழி காட்டு வழி
பாதை எல்லாம் கூட வாடி
ஜக்கம்மா ஜக்கம்மா

மலையா தாண்டி
போகும் போதும்
மறுவ தாண்டி
போகும் போதும்
மனசுக்குள்ள
ரொம்ப தாடி

களவு களவு களவு
களவு களவு களவு
களவு களவு களவு
இன்பமிங்கே களவு

இம்புட்டு களவாணி பயலுகள பிடிங்களேன்
ஈன எடுவட்ட பயலுகள புடிங்க புடிங்க புடிங்க

போட்ட களவுக்கும் பீட்டா களவுக்கும்
உடும்ப பிடிச்சாச்சு
ஆட்டுக் களவுக்கும்
மாட்டுக் களவுக்கும்
சலங்கைய அவுத்தாச்சு

கடவுளும் நம்ம போல களவுக்கு வந்தவன்
கன்னதாசாச்சு
களவுல மாட்டிகிட்டு கழுத்த இழந்தவன்
கம்புக்கு பேராச்சு
கொண்டி கம்போடு தயாளு நம்மோடு
கடத்து ராசா களவுக்கு வா

டே எடு எடு எடு முந்திக்கோ
புடி புடி புடி கொண்டி கம்பு
தொடு தொடு கண்ணா வாசல் தோடு
பேட்டை கிளி கெளம்பு
இது களவுக்கு மந்திரமே

என் சாமி பேரு கருப்பு
இம்புட்டு பேரு நெருப்பு
கன்னக்கோல் எங்க துருப்பு
களவுக்கு நாங்க பொறுப்பு
கவுதாரி போல வதந்தி
வவ்வால போல தப்பிச்சி
இங்கிட்டு எல்லாம் மறைஞ்சி
காத்தடிச்சு கெளம்புடா

நவம்பர் புரட்சியும் வால் ஸ்டிரீட் போராட்டமும்

2011-11-07T06:17:00.000+05:30

செப்டம்பர் மாதம்தான் அது நடந்தது. உலகம் அதிர்ந்து பார்த்த, யாரும் நெருங்க முடியாது என யூகிக்கப்பட்ட அமெரிக்காவின் ராணுவ தலைமையகம் உள்ளிட்ட இரட்டைகோபுர தாக்குதல். அது நடந்து 10 ஆண்டுகள் வேகமாய் ஓடிவிட்டது. இதோ 2011 மீண்டும் அதே செப்டம்பரில் அமெரிக்காவின் தலைவலி துவங்கியுள்ளது. அமெரிக்க ராணுவ தலைமையகம் யாருக்காக படுகொலைகளை உகலம் முழுவதும் செய்து வருகிறதோ அந்த முதலாளிகளின் தலைமையகமான வால் ஸ்டிரீட்டை கைப்பற்றுவேம் என்று பேர்க்குரல் எழுப்புகிறார்கள் அமெரிக்க மக்கள்.

செப்டம்பரில் சிலநூறு போராளிகள் துவங்கியப் போராட்டம் இரண்டு மாதங்களில் பல்லாயிரக் கணக்கான மக்களை வீதியில் இறக்கியுள்ளது. இரட்டைக் கோபுர தாக்குதலுக்கூட அதிராதா அமெரிக்க "வால் ஸ்டிரீட் நம் வாழ்க்கையைக் கைப்பற்றியதால், நாம் வால் ஸ்டிரீட்டை கைப்பற்றுவோம்" என மக்கள் போராடுவதை பார்த்து பதறி துடிக்கிறது. எங்களுக்கு வேலை இல்லை. குடியிருக்க வாடகை வீடு இல்லை. தண்ணீர் வரி கட்ட முடியாததால், குடிநீரும் ரேஷன்தான். நாங்கள் நடுத்தெருவுக்கு வந்துவிட்டோம். எங்கள் உடல் உழைப்பை, அதன் மூலம் கிடைத்த பணம், வசதிகளை எல்லாம் வர்த்தக, தொழில், நிதி நிறுவன பணமுதலைகள் ஆக்ரமித்துக்கொண்டு, எங்களை அடிமையாக்கி விட்டன. மக்களுக்கு நல்லது செய்யத்தான் அரசு. ஆனால், பட்ஜெட்டில் வரி போடுவது, மானியத்தை ரத்து செய்வதெல்லாம் அதன் பின்னால் உள்ள இந்த பண முதலைகள் நிர்ணயிக்கின்றனர். ஓட்டு போட்டு அரசை தேர்ந்தெடுப்பது நாங்கள் ஆனால், ஆட்சியில் அமர்ந்திருப்பவர்களை கையில் போட்டு ஆதிக்கம் செலுத்தி நாட்டை நடத்துவது இந்த பண முதலைகளா? எங்களுக்கு சமத்துவம் வேண்டும்; அமெரிக்காவில் உள்ள எல்லா வளங்களை, பணத்தை, வசதியை ஒரு சதவீத பண முதலைகள் அனுபவிக்க, 99 சதவீதம் அப்பாவி மக்கள் ஒதுக்கப்படுவதா? நாகரிக அடிமை வாழ்க்கையை அனுபவிப்பதா? விடமாட்டோம் இனி.எங்கள் வாழ்க்கையை நீங்கள் முடக்கினீர்கள் இதோ உங்களை நாங்கள் முடக்க வருகிறோம் என அணிதிரண்டுள்ளனர்.

அமெரிக்காவில் 10 கோடி மக்கள் வறுமையில் தவிக்கிறார்கள். 5 கேடிப்பேருக்கு மருத்துவக் காப்பீடு இல்லை. 2.5 கேடிப் பேருக்கு வேலை இல்லை. இருப்பினும் பணக்காரர்களுக்கு வரிவிலக்கு தாராளமாக வழங்கப்படுகிறது. அமெரிக்காவின் குடியரசுக்கட்சியும் ஜனநாயகக் கட்சியும் பெயர்கள்தான் வேற்றுமையுடையவை அவை இரண்டும் முதலாளிகளின் கைக்கூலி கட்சிகள்தான். அவர்களின் நிதியால்தான் இவர்கள் மாறிமாறி ஆட்சியை பிடிக்கின்றனர். ஆகவேதான் வால் ஸ்டிரீட் முற்றுகையை வர்க்கப்பேர் என்று புரிந்துக்கொண்டு ஆட்சியாளர்கள் அலறுகின்றனர். முதலாளித்துவப் பெருளாதாரத்தை வீழ்த்துவதற்கு நடக்கும் உலகு தழுவிய கம்யூனிஸ்டு சதி என்று அச்சுறுத்துகின்றனர். பாக்ஸ் நியூஸ் என்ற தெலைக்காட்சி வால் ஸ்டிரீட்டை எது தாக்குகிறதே அதுதான் உலகின் முதன்மை அபாயம் என அறிவிக்கிறது.

வர்க்க போர் என்ற சொல்லாடல் ஏன் உலக முதலாளிகளை, அல்லது ஏகாதிபத்திய சக்திகளை ஏன்அச்சுறுத்துகிறது?? அதுதான் நவம்பர் புரட்சியின் வெற்றி.

நவம்பர் 7- உழைக்கும் வர்க்கத்தின் பெருமையை, வலிமையை இந்த பூவுலகம் உணர்ந்த நாள். அன்றுதான் ரஷ்ய தேசத்தில் பாட்டாளி வர்க்கத்தின் தலைமையில் ஒரு புதிய அரசு முறை அமைந்தது. ஆஹா என்றெழுந்தது பார் யுகப்புரட்சி என்று மகாகவி பாரதி பாடிய புரட்சி. இந்த உலகை தங்கள் உழைப்பால் உருவாக்கிய தொழிலாளர்கள் மனித தன்மையில்லாமல் சுரண்டப்பட்டனர். பாட்டாளிகளின் உழைப்பை முதலாளிகளும் நிலப்பிரபுக்களும் ஒட்டச்சுரண்டினர். மாமேதை லெனின் தலைமையில் தொழிலாளி வர்க்கப் புரட்சி ஜாரின் சர்வாதிகார ஆட்சிக்கு முடிவு கட்டியது.

இந்தப்புரட்சியைத் தொடர்ந்து சோவியத் யூனியன் என்ற அதுவரை உலகம் கண்டிராத புதிய அரசுமுறை அமைந்தது. உழைக்கும் மக்களின் உதிரத்தை குடித்து கொள்ளையடித்து சேர்க்கப்பட்ட சொத்துக்கள் அனைத்தும் பொதுவுடைமை ஆக்கப்பட்டன. லட்சக்கணக்கான ஏக்கர் நிலங்கள் நிலமற்ற கூலி ஏழை விவசாயிகளுக்கு பிரித்து கொடுக்கப்பட்டன. தொழிற்சாலைகள் அனைத்தையும் நிர்வகிக்கும் பொறுப்பு தொழிலாளிகளிடமே விடப்பட்டது.அதுவரை இருந்த வாழ்க்கை முறை முற்றிலும் மாறியது. மக்கள் ஆட்சியாளர்களை சந்திக்கும் முறை மாறி அரசு மக்களை சந்தித்தது. மக்கள் வாழ்க்கை முன்னுக்கு நிறுத்தப்பட்டு அவர்களுக்கான வாழ்க்கை உத்திரவாதம் செய்யப்பட்டது. அதனால்தான் முதலாளித்துவ நாடுகளில் கூட தவிர்க்க இயலாமல் சில சலுகைகளை தொழிலாளர்களுக்கு முதலாளிகள் வழங்க வேண்டிய நிர்ப்பந்தம் ஏற்பட்டது. சேமநல அரசு என்ற சொல்லாடல் இதன் பின்தான் வந்தது.

சோவியத் யூனியனிலும் கிழக்கு ஐரோப்பிய நாடுகளிலும் சோசலிச அமைப்பு முறைக்கு பின்னடைவு ஏற்பட்டபோது, இனி சோசலிசத்திற்கு எதிர்காலம் இல்லை என்றனர். ஆனால் இன்றைக்கு அமெரிக்காவிலேயே தொழிலாளர்கள் போராடுகிறார்கள். இதன் கதிர்வீச்சு ஐரோப்பிய கண்டத்தையும் கடந்து உலகம் முழுவதும் பரவி வருகிறது. ஏற்கனவே பிரிட்டன், பிரான்சு, கிரீஸ், ஸ்பெயின், பேர்த்துகல், இத்தாலி என்று கடந்த 3 ஆண்டுகளாக தாவிப்பரவும் போராட்டம் இஸ்லாமிய நாடுகளிலும் பற்றியுள்ளது.

பின்லேடனுடன் ஆயுதம் சுமந்த எகிப்து இளைஞர்கள் ஆயுதங்களை தூர எரிந்து உழைப்பதற்கு வேலை கொடு! பசித்தவனுக்கு உணவு கொடு என போராட்டகளத்தில் குதித்தனர். இருப்பவருக்கும் இல்லாதவருக்குமான போராட்டம் உலக அரங்கில் உக்கிரமாக நடந்து வருகிறது. இந்தியாவில் தாராளமயமாக்கல் கொள்கை செயல்படுத்தப்பட்டபிறகு தொழிலாளர்களைச் சுரண்டுவது அதிகரித்துள்ளது. பன்னாட்டு நிறுவனங்கள் நம்நாட்டுச் செல்வங்களை கொள்ளையடிப்பதோடு தொழிலாளர்களின் உரிமைகளையும் ஒடுக்க முயல்கின்றன.

இப்போது நம்முன் ஒரே கேள்விதான் முன் நிற்கிறது. அமெரிக்க ஏகாதிபத்தியத்தின் கொள்கைகளை இந்திய அரசாங்கம் கடைபிடிக்கிறது. மக்களை கொள்ளையடிக்கிறது. அமெரிக்க மக்கள் சுரண்டலுக்கு எதிராக அணிதிரண்டு நிற்கின்றனர். போராடுகின்றனர். இந்திய அரசு அமெரிக்க அரசை பார்க்கிற போது, இந்திய மக்கள் அமெரிக்க மக்களை பார்க்க வேண்டாமா? அவர்கள் போராடுகின்றனர். நாம் என்ன செய்யப்போகிறோம்?

அமெரிக்கா - அல்கொய்தா : என்னுடைய இரண்டாவது புத்தகம்

2011-11-04T19:46:00.000+05:30

உறுத்தும் உண்மைகள்

-க. உதயகுமார்

அமெரிக்காதான் தீவிரவாதம் மற்றும் உலக குற்றங்களின் தலைவனாக திகழ்கிறது என்ற பயங்கரவாதி பின்லேடன் கூறிய பேட்டி எவ்வளவு சரியானது என்பதை இந்த நூல் மிகச் சரியாகவே தோலுரித்துக் காட்டுகிறது.

உலகின் பல நாடுகளிலும் தனக்கு ஆதரவாக பல்வேறு பயங்கரவாத குழுக்களை உருவாக்குவதிலும், அவர் களுக்கு உதவுவதிலும் கை தேர்ந்த அமெரிக்கா. அல் கொய்தா என்ற பயங்கரவாத அமைப்பையும் உருவாக்கியது.

சோவியத் யூனியனுக்கு எதிரான பனிப்போரில் அன்று ஆப்கானிதானின் ஜனாதிபதியாகத் திகழ்ந்த டாக்டர் நஜிபுல்லாவை படுகொலை செய்து தூக்கில் தொங்கவிட இந்த அமைப்பு அமெரிக்காவிற்கு தேவைப்பட்டது. அதற்காகவே பேணி வளர்க்கப்பட்டது.என்றென்றும் இந்த தாலிபான்கள் தனக்கு துணையாக இருப்பார்கள் என அமெரிக்கா தப்பு கணக்கு போட்டது.

80 பக்கங்களைக்கொண்ட இந்த நூலில் மிக ஆழமான பல விஷயங்கள் இடம் பெற்றுள்ளன. பாகிதானில் பின்லேடன் கொல்லப்பட்ட விதம்; ஒசாமாவின் சிறு வாழ்க்கை வரலாறு; அல்கொய்தா என்ற உலகளாவிய பயங்கரவாத அமைப்பு உருவான விதம்; என ஒரு புறமும் மறுபுறம் கொலம்ப அமெரிக்காவின் பஹாமா தீவு கண்டுபிடிப்பில் துவங்கி கோடிக்கணக்கான செவ்விந்தியர்கள் கொல்லப்பட்டும்; அவர்களை அடிமையாக்கியும் அவர்கள் உழைப்பில் அமெரிக்கா உருவாக்கப்பட்ட விதம் வரை மிக தத்ரூபமாக சித்தரிக்கப்பட்டுள்ளது.

அதுமட்டுமல்ல; கடந்த நூற்றாண்டில் அமெரிக்கா பல்வேறு நாடுகளில் நடத்திய அரசியல் படுகொலைகள்; ஆட்சி கவிழ்ப்பு முயற்சிகள், ராணுவ தலையீடுகள் என மொசாம்பிக் என ஜாம்பியா, ஈரான், கியூபா, வியட்நாம் காங்கோ, சிலி, நாடுகளில் அமெரிக்கா நடத்திய அட்டூழியங்களும் படுகொலைகளையும் திரைக் காட்சியாக சித்தரிக்கிறது இந்நூல்.

இந்த விவரங்கள் இளைய தலைமுறை வாசகர்களுக்கு அமெரிக்காவின் பயங்கரவாதத்தை தோலுரித்துக் காட்டிட பயன்படும். அமெரிக்கா ஒரு பசு அல்ல; பசுதோல் போர்த்திய புலி என்பதை அம்பலப்படுத்த உதவிடும்.

ஒரு பயங்கரவாத நாட்டிற்கு (அமெரிக்கா) எதிராக இன்னொரு பயங்கரவாத அமைப்பு நடத்தியுள்ள தாக்குதலை பட்டியலிட்டு காட்டுகிறார் நூலாசிரியர் பயங்கரவாதத்தை விதைக்கிற பயங்கரவாத அமைப்புகளைத் தொடர்ந்து ஆதரிக்கிற அமெரிக்கா திருந்தாதவரை அல்லது அவர்களை திருத்தாத வரை இத்தகைய நடவடிக்கைகளை தடுத்த நிறுத்த இயலாது என்ற வாசகம் முற்றிலும மிக சரியானது.

இளைய தலைமுறை எழுத்தாளரான எஸ்.ஜி. ரமேஷ்பாபு. இந்நூலை மிக தேர்ந்த நூலாசிரியர் வரிசையில் நின்று உருவாக்கியுள்ளார். இந்நூலின் விவரங்கள், அதனை கோர்வை படுத்தி கூறியுள்ள முறை மற்றும் எழுத்து நடை... அனைவரும் படிக்க தூண்டுவதாக இருக்கிறது. நூலாசிரியரின் இந்த முயற்சிக்கு உறுதுணையாக இருந்து இந்நூலைக்கொண்டு வந்த பாரதி புத்தகாலயம் பாராட்டுக்குரியது.

அமெரிக்க அல்கொய்தா

இருபயங்கரவாத வரலாறு

எஸ்.ஜி. ரமேஷ்பாபு

வெளியீடு: பாரதிபுத்தகாலயம்,

7, இளங்கோ தெரு,

சென்னை - 600 018.

பக். 80, விலை ரூ.40/-

30.10.11 தீக்கதிர் நாளிதழில் வந்த நூல் அறிமுகம்

காந்தியிடம் என்ன இருக்கிறது?

2011-10-01T22:35:00.000+05:30

அந்த மனிதர் மீது ஆயிரம் விமர்சனங்கள் இருக்கிறது. ஆனால் அந்த மனிதர் எளிமையானவர். அவரின் எளிமை மீது பலர் கேள்வி எழுப்புகின்றனர். அதை நாம் புறம்தள்ள முடியாது. அவர் எளிமையாக இருக்க பலகோடி செலவானதாக விமர்சனங்கள் இருக்கிறது. அதுவும் தெரியும். தென்னாப்பிரிக்காவிலிருந்து அவர் மிகவும் தாமதாமாய்தான் இந்தியா வந்தார். அதுவரை காங்கிரஸ் செய்யாத பலவைகளை அவர் செய்தார். முக்கியமாக உழைப்பாளி மக்களை அவர் சுதந்திரப் போராட்டத்தில் இடுபட செய்தார்.

அவர் சனாதானவாதியா?

ஆம்.

அவர் மனுதர்மத்தை ஏற்றுக்கொண்டவர்தானே?

ஆம்

அவர் பிர்லா மாளிகையில் வாழ்தவர்தானே?

ஆம்

இருப்பினும் அவரிடம் கற்றுக்கொள்ள எதுவே இல்லையா?

இருக்கிறது..!

எளிய மக்களை அவர்கள் உணர்வின் அடிப்படையிலிருந்து போராட அழைத்தார்.. வாழ்வின் சகல மட்டங்களிலும் மக்கள் உணர்வுடன் கலந்திருக்கும் உப்பை அவர் தேர்ந்தெடுக்க அதுதான் காரணம். உப்பு சத்தியாகிரகத்தின் வடிவமும், கைராட்டை போராட்ட வடிவமும் அதுதான்.

ஏகாதிபத்திய துணிகளை எதிர்க்க உள்ளூரில் துணியை செய்யுங்கள் என்றார்.

காந்தியிடம் கற்றுக்கொள்ள நிறைய இருகிறது.

உள்ளூர் சமூகம் சார்ந்த போராட்டங்களை கையில் எடுத்து வெற்றியடைந்தவர் அவர். அந்த வடிவங்கள் நமக்கு தேவைப்படுகிறது.

அக்டோபர் 2

அவரை நினைப்போம். அவரை விமர்சனங்களை முன்வைத்து தூக்கி எரியாமல், அவரின் ஆளுமையின் மையத்தில் இருக்கிற மக்கள் திரட்சியை கவனத்தில் கொள்வோம்.

வாச்சாத்தி வழக்கு : வேட்டை நாய்களுக்கு தீர்ப்பு

2011-09-30T00:38:00.002+05:30

வாச்சாத்தி வழக்கில் தீர்ப்பு ; கோபம் அடங்கவில்லை சொந்தங்களே!

அது மறக்க முடியாத 1992ஆம் ஆண்டு. காவி வெறியர்கள் பாபர் மசூதி இடிக்கும் முன் நடந்த காக்கி வெறி காவல்துறை செய்த கொடூர கதை இது. வீரப்பனை பிடிக்க துப்பில்லாத அல்லது அவனிடம் எச்சில் எலும்புகளை பொறுக்கிய காவல்துறையின் கொடூர தாண்டவம் இது. வீரப்பனை பிடிக்க அமைக்கபட்ட அதிரடி படையின் அட்டகாசம் இது.

தர்மபுரி மாவட்டம், வாச்சாத்தி மலைவாழ் மக்கள் சந்தன மரங்களை கடத்துவதாக வந்த புகாரின் மீது வனத்துறையைச் சார்ந்த அதிகாரிகள், காவல்துறையினர், வருவாய்த்துறையினர் உள்ளிட்டு 269 பேர் கொண்ட கூட்டுக்குழு அதிரடி சோதனையில் ஈடுபட்டு அக்கிராமத்தைச் சேர்ந்த பெண்கள், குழந்தைகள் பலரை பாலியல் பலாத்காரம் செய்து வன்கொடுமைக்கு ஆளாக்கினர். அவர்களின் வீடுகள் நொறுக்கப்பட்டு, உடைமைகள் சூறையாடப்பட்டன. ஆண்கள் 15 பேர், குழந்தைகள் 28 பேர், பெண்கள் 90 பேர் என 133 பேரை கைது செய்து பொய்வழக்கு புனைந்தனர். பாலியல் வன்கொடுமைக்கு ஆளாக்கப்பட்ட வாச்சாத்தி கிராம மலைவாழ் மக்கள் கொடுத்த புகாரை காவல்துறை பதிவு செய்யவில்லை.

இதனைத் தொடர்ந்து மார்க்சிஸ்ட் கம்யூனிஸ்ட் கட்சி மற்றும் தமிழ்நாடு மலைவாழ் மக்கள் சங்கம் பாலியல் வன்கொடுமைக்கும், பல்வேறு பாதிப்புகளுக்கும் ஆளாகி நிராயுதபாணியாக நின்ற வாச்சாத்தி கிராம மலைவாழ் மக்களை நேரில் சந்தித்து விபரம் அறிந்து பாதிக்கப்பட்ட மக்களுக்கு ஆதரவாக கடுமையான போராட்டங்களை, மறியல்களை, உண்ணாநிலை அறப்போராட்டங்களை நடத்தியது. விவசாய சங்க தலைவர்கள் பி.சண்முகம், பி.டெல்லிபாபு (எம்.எல்.ஏ), கே.பாலகிருஷ்ணன் (எம்.எல்.ஏ) (இவர்கள் தற்போதுதான் எம்.எல்.ஏ அப்போதல்ல) ஆகியோர்தொடர்ந்து அம்மக்களுக்கு ஆதரவாக நின்றனர்.

மார்க்சிஸ்ட் கம்யூனிஸ்ட் கட்சி உள்நீதிவிசாரணை கோரி நீதிமன்றம் சென்றது. நீதிமன்ற உத்தரவை தொடர்ந்து அரூர் காவல்துறையில் வழக்குப் பதிவு செய்து விசாரணை மேற்கொள்ளப்பட்டது. 1993இல் சிபிஐ விசாரணை கோரி மார்க்சிஸ்ட் கம்யூனிஸ்ட் கட்சியின் அன்றைய மாநிலச் செயலாளர் மறைந்த தோழர் ஏ. நல்லசிவன் நீதிமன்றத்தில் தொடுத்த வழக்கில் 1995ஆம் ஆண்டு சிபிஐ விசாரணைக்கு உத்தரவிடப்பட்டு குற்றவாளிகள் 269 பேர் கைது செய்ப்பட்டனர்.

கடந்த 19 ஆண்டுகாலமாக தொடர்ந்து அம்மக்ககளுடன் நின்று விடாப்பிடியாக வழக்கை சந்தித்தது சி.பி.எம். கடுமையான மிரட்டல்கள் கோடிக்கணக்கில் பணம் தருகிறோம் என ஆசை வார்த்தைகள் என சகலவித கபட நாடகங்களையும் குற்றவாளிகள் மெற்கொண்டனர் ஆனால் அந்த போராளிகள் அவற்றை தூக்கி எரிந்தனர். 19 ஆண்டுகாலம் நடைபெற்ற இவ்வழக்கில் இன்று தருமபுரி மாவட்ட அமர்வு நீதிமன்றம் 29.09.11 அன்று தீர்ப்பளித்துள்ளது.

இந்த தீர்ப்பில் குற்றம் சாட்டப்பட்ட 269 பேரில் இக்காலத்தில் இறந்தவர்கள் 54 பேர் போக மீதமுள்ள வனத்துறை அதிகாரிகள், காவல்துறையினர், வருவாய்த்துறையினர் உள்ளிட்டு 215 பேரும் குற்றவாளிகள் என தீர்ப்பளிக்கப்பட்டுள்ளது. இதில் மண்டல வனப்பாதுகாவலர் ஹரிகிருஷ்ணன் முதல் குற்றவாளி எனவும், 11 பேர் பாலியல் வன்முறையில் ஈடுபட்ட குற்றவாளிகளாகவும் அறிவிக்கப்பட்டுள்ளனர்.

வாச்சாத்தி பாலியல் கொடுமை வழக்கில், குற்றவாளிகள் என அறிவிக்கப்பட்டோருக்கான தண்டனை விவரத்தை நீதிபதி குமரகுரு அறிவித்துள்ளார்.

ஐஎப்எஸ் அதிகாரியான ஹரிகிருஷ்ணன் உள்ளிட்டோருக்குத் தண்டனை விவரம் வெளியாகியுள்ளது. ஹரிகிருஷ்ணனுக்கு 4 ஆண்டு சிறைத் தண்டனை கிடைத்துள்ளது. இதுவரை அறிவித்துள்ள தண்டனை விவரம்: 12 பேருக்கு தலா 17 ஆண்டு சிறைத் தண்டனை. 5 பேருக்கு தலா 7 ஆண்டு சிறை மற்றும் ரூ. 2000 அபராதம். 150 பேருக்கு தலா 2 ஆண்டு சிறைத் தண்டனை. 70 பேருக்கு தலா ஓராண்டு சிறை மற்றும் ரூ. 1000 அபராதம்

சாதாரண பிரிவுகளின் கீழ் குற்றவாளிகள் மீது வழக்குத் தொடரப்பட்டிருந்த காரணத்தால்தான் குறைந்த அளவிலான தண்டனை கிடைத்துள்ளதாக கூறப்படுகிறது. இல்லையெனில் இன்னும் கடுமையாக தீர்ப்பு வந்திருக்கும். 269 பேர் மீதும் வன்கொடுமைச் சட்டத்தின் கீழ் குற்றம் சாட்டப்பட்டிருந்தது. பலர் மீது பாலியல் பலாத்காரத்திற்காக 376வது பிரிவின் கீழும் வழக்கு தொடரப்பட்டிருந்தது. இதேபோல ஆதாரங்களை மறைத்தது தொடர்பாக ஐஎப்எஸ் அதிகாரிகள் மீது வழக்குப் பதிவு செய்யப்பட்டிருந்தது. மேலும், தாக்கிக் காயப்படுத்தியது, சட்டவிரோதமாக அடைத்து வைத்தது ஆகிய பிரிவுகளின் கீழும் வழக்குப் பதிவு செய்யப்பட்டிருந்தது.

கொடூரமான குற்றங்களை செய்துவிட்டு 19 ஆண்டுகள் தண்டனையிலிருந்து தப்பித்த இந்த கொடூரரக்ள் இப்போது தீர்ப்பின் முன்னால் நிற்கின்றனர். இவர்கள் மேல்முறையீட்டை செய்து இன்னூம் காலம் கடத்துவார்கள். காலம் இவர்கள் தீர்ப்பை எழுதும். அல்லலுற்று அழுத கண்ணீர் இவர்களை தண்டித்தே தீரும். இல்லையெனில் அம்மக்களுடன் இணைந்து செங்கொடி இயக்கம் தீர்ப்பை வாங்கித்தரும்.

"சசிகலாவின் சொந்தம்" என்ற நினைப்பில் என்னவெல்லாம் செய்வீர்கள் அதிகாரிகளே?

2011-09-21T22:33:00.000+05:30

கடந்த செப்டம்பர் 16 ஆம் தேதி சேலத்தில் இந்திய ஜனநாயக வாலிபர் சங்க தோழர்கள் மீது தாக்குதல் நடத்திய காவல்துறை ஆய்வாளர் சந்தோஷ்குமார் என்பவர் நடந்துக்கொண்ட விதம் தமிழக காவல்துறைக்கு மேலும் ஒரு கலங்கத்தை சேர்க்கும் என்பதில் எந்த சந்த்கமும் இல்லை. மிகவும் கேவலாம வார்த்தைகளையும் மனிதத்தன்மையற்ற தாகுதலையும் தொடுத்துள்ள ஒரு "சைக்கோ நோயாளி போல சந்தோஷ் குமார்" நடந்துக் கொண்டதாக சம்பவத்தை நேரில் பார்த்தவர்கள் கூறுகின்றனர். அப்படி என்னதான் டி.ஒய்.எப்.ஐ தோழர்கள் தவறு செய்தார்கள்.

சேலத்தில் 150 கோடி ரூபாய் செலவில் கட்டப் பட்ட சூப்பர் ஸ்பெஷாலிட்டி மருத்துவமனையை மூடியதைக் கண்டித்தும், உடனடியாக அந்த மருத்துவமனையை மக்கள் பயன் பாட்டிற்கு கொண்டுவர வேண்டும் என்பதை வலியுறுத்தியும் இப்படிபட்ட நியாயமான கோரிக்கையை முன்வைத்து நடைபயணம் நடத்திய வாலிபர்களைதான் சேலம் காவல்துறை கண்மூடித்தனமாக தாக்கியுள்ளது.

மத்திய, மாநில அரசுகளின் நிதியிலிருந்து சேலம் கலெக்டர் அலுவலகம் அருகில் சூப்பர் ஸ்பெஷா லிட்டி மருத்துவமனை கடந்த ஆட்சி காலத்தில் கட்டப்பட்டது. மத்திய அரசின் நிதி ரூ.100 கோடியும், மாநில அரசின் நிதி ரூ. 39 கோடியே 31 லட்சம் உள்ளடக்கி இந்த மருத்துவமனை கட்டப்பட்டது. அவசர கோலத்தில் கடந்த ஆண்டு ஆகஸ்ட் 20 அன்று அன்றைய முதல்வர் கருணாநிதியால் இம்மருத்துவமணை திறந்து வைக்கப்பட்டது.

444 படுக்கைகளும், 17 சிறப்பு சிகிச்சை பிரிவுகளும் செயல்படும் வகையில் மருத்துவமனை கட்டப்பட்டது. திறப்புவிழா நடத்தி திறக்கப் பட்டிருந்தாலும் முழுமையான கட்டுமான பணிகள் முடியாத நிலையில் மருத்துவமனை செயல்பாட்டிற்கு வந்தது. மருத்துவமனைக்கான உபகரணங்கள் வாங்கப்பட்டு துறைமுகத்தில் இருப்பதாகவும், அதைப் பெற்று மருத்துவமனையில் பொருத்தி செயல்பாட்டிற்கு கொண்டுவராமல் சுகாதாரத்துறை இருப்பதாகவும் குற்றச்சாட்டு உள்ளது.

இந்நிலையில் ஆட்சி மாற்றம் ஏற்பட்டதையடுத்து இம்மருத்துவமனை அனைத்து வசதிகளும் பெற்று மக்கள் பயன் பெறுவர் என்று நினைத்த நிலையில், சிகிச்சை பெற்று வந்த நோயாளிகளை வேறு மருத் துவமனைக்கு மாற்றிவிட்டு, இம்மருத்துவமனையை மூடிவிட்டது புதிய அரசு.

கடந்த ஆட்சியில் கொண்டு வந்த சமச்சீர் கல்வியை முடிவுகட்ட முயன்று நீதிமன்றத்தால் சூடு போடப்பட்டு மீண்டும் அமலாக்கிய கதையை, புதிய சட்டமன்றம் துவங்கி சிறப்பு மருத்துவமனை வரை விரிவாக்கியதன் விளைவு இம்மருத்துவமனையும் மூடப்பட்டது.

இந்த மருத்துவமனையை அனைத்து வசதிகளேடு மீண்டும் உடனே திறக்க

வேண்டுமென வலியுறுத்தி வாலிபர் சங்கம் சார்பில் ஏற்கனவே ஜூலை 1ல் ஆர்ப்பாட்டம் நடைபெற்றது. இக்கோரிக்கைக்கு அரசு செவி சாய்க்காததால் சேலம் மாநகரத்தின் 7 முனைகளிலிருந்து மருத்துவமனையை நோக்கி நடை பயணத்திற்கு திட்டமிட்டிருந்தனர். காவல்துறையினரிடம் அனுமதியும் கேட்டிருந்தனர். இப் போராட்டத்திற்கு அனுமதி மறுக்கப்படுவதாக எந்த தகவலும் சொல்லாமல், போராட்ட தினத்தன்று திடீரென போராட்டம் நடந்த இடத் திற்கு வந்த ஆய்வாளர் சந்தோஷ்குமார், அனுமதி மறுக் கப்படுவதாக கூறிவிட்டு, அனைவரையும் கைது செய்வதாக கூறியுள்ளார்.

ஏன் அனுமதி மறுக்கப்பட்டதை முன்பே கூறவில்லை என்று கேட்டவுடன், தகாத வார்த்தைகளால் சங்கத்தின் மாநகரச் செயலாளர் பிரவீண் குமாரை திட்டி சட்டையைப் பிடித்து இழுத்தும், எந்தவித அறிவிப்புமின்றி கூடியிருந்தவர்கள் மீதும் பிரவீண் குமார் மீதும் தடியடி நடத்தி கைதுசெய்துள்ளார்கள்.

அத்தோடு நிற்கவில்லை காவல்துறையின் வெறித்தனம் ஆய்வாளர் சந்தோஷ்குமாரே மூன்றுரோடு மையத்தில் நடைபயணம் துவங்கும் இடத்திற்கு சென்று, வாலிபர் சங்கத்தின் மாநிலத் தலைவர் செ.முத்துக்கண்ணன், மாவட்டச் செயலாளர் சேகர் என அனைவர் மீதும் காட்டுமிராண்டித் தனமாக தாக்குதல் நடத்தியுள்ளார்.

இத்தாக்குதலில் மாநகர துணைச் செயலாளர் காளிதாஸ், மாநகரப் பொருளாளர் கதிர்வேல், புருஷேத்தமன், சதீஷ் ஆகியோர் மயக்கமடையும் அளவிற்கு தாக்கப்பட்டுள்ளனர். 60க்கும் மேற்பட்டோர் கடுமையான தடியடிக்கு ஆளாகியுள்ளனர். வாலிபர் இயக்கத்தின் மாநிலத் தலைவரின் கைப்பேசி உட்பட அனைவரது கைப்பேசியையும் கைபற்றி கிரிமினல் கைதிகளைப் போல் நடத்தியுள்ளனர்.

தான் சசிகலாவின் சொந்தக்காரன் எனவும், ஜெயலலிதாவே வந்தாலும் என்னை ஆட்டவோ அசைக்கவோ முடியாது என்று சொல்லியபடி கடுமையாக அந்த சந்தோஷ்குமார் என்கிற அதிகாரி தாக்கியுள்ளார். பாவம் அவருக்கு வாலிபர் இயக்கத்தின் வரலாறும் தெரியாது, தமிழக மக்களின் கோபமும் தெரியாது என நமக்கு புரிகிறது. தமிழ்நாட்டில் எந்த மருத்தவமனையிலாவது நோயாளிகளுக்கு இரத்தம் வேண்டுமென்றால் மருத்துமனை அதிகாரிகள் உடன் அனுகுவது இந்திய ஜனநாயக வாலிபர் சங்கத்தைதான். மிகச்சிறந்த இரத்ததான அமைப்பு என இரண்டுமுறை தமிழக அரசின் விருதினை பெற்ற அமைப்பு இது.

சேலத்தின் காவல்துறை மிகவும் கீழ்தரமாக, கேவலாமக நடத்துக்கொண்ட கடுமையான தாக்குதலை தொடுத்த வாலிபர்கள் பலமுறை இரத்த தானம் செய்து பாராட்டுதல்களை பெற்றவர்கள். மாவட்டச்செயலாளர் சேகர், மாநகர செயலாளர் பிரவீன்குமார், மாநகர துணைச் செயலாளர் காளிதாஸ், மாநகரப் பொருளாளர் கதிர்வேல், புருஷேத்தமன், சதீஷ் ஆகியோர் எந்த நேரத்தில் யார் தொலைபேசியில் அழைத்து இரத்த தானம் வேண்டும் என்றாலும் ஏற்பாடு செய்வார்கள்.

குறிப்பாக இவ்வமைப்பின் மாநிலத் தலைவர் செ.முத்துக்கண்ணன் திருப்பூரை சேர்ந்தவர். மாணவ பருவம் முதல் பாதிக்கப்படும் மக்களுக்காக போராடி வருபவர். திருப்பூர் அரசு பொது மருத்துவமனை பல பத்தாண்டுகளாக தூய்மையில்லாமல் இருந்த நிலையை மாற்ற 2005 ஆம் ஆண்டு 1000 இளைஞர்களை திரட்டி அவர்களுக்கு தலைமையேற்று 20 லட்சம் வசூல் செய்து மிகச்சிறப்பாக உழைப்புதானம் செய்து அந்த மருத்துவமனையை புண்ரமைத்த வாலிபர் இயக்கத்தின் தலைவர். இதற்காக திருப்பூரை சேர்ந்த பல அமைப்புகள் பாராட்டியுள்ளனர்.

உழைப்புதானம், இரத்த தானம், கண்தானம், இரவு பாடசாலைகள், உடற்பயிற்ச்சி கூடங்கள், தெரு விளக்கு பிரச்சனை முதல் தேசப்பிரச்சனை வரை கையில் எடுத்து போராடும் ஒரு இளைஞர் அமைப்பு பல ஆயிரம் மக்கள் பயன்படுத்து ஒரு மருத்துவமனை மூடிக்கிடப்பதை பார்த்து சும்மா இருப்பது இயலாத காரியம். உலகமய கொள்கையின் விளைவாக ஒட்டுமொத்த சுகாதாரத்தையும் தனியாரிடம் விடுவதற்கு ஆட்சியாளர்கள் துடிக்கும் போது, கிடைத்த அரசின் மருத்துவமனையை பாதுகாப்பது மக்களை நேசிக்கும் ஒரு அமைப்பின் கடமை. அதைதான் சேலத்தில் அந்த இளைஞர்கள் செய்தார்கள். அதற்குதான் இப்படி கொடுமையாக தக்கப்பட்டார்கள்.

அடித்த ஆய்வாளருக்கு தெரியவில்லை. தங்கள்துறை ஆளும் கட்சியின் ஏவல்துறை என. ஆட்சிகள் மாறும் போது ஆட்சியாளர்களுக்கு ஆதரவாக வாலாட்டுவதுதான் நேர்மை என நினைக்கிறார் போலும். ஆடிய வால்கள் பலமுறை ஒட்ட நறுக்கிய பழக்கம் மக்கள் இயக்கத்திற்கு இருக்கிறது. தான் சசிகலாவின் சொந்தகாரன் என்று அவர் கூறியது காற்றில் சுற்றித்திரிந்துக்கொண்டே இருக்கும்.

பிறர் நிலங்களை அபகரித்த போது கைகட்டி ஏவல் செய்து, ஆட்சி மாறியதும் ஏவல் செய்த எஜமானர்களை கைது செய்யும் காவல்துறை, செய்த தவறுக்காக விரைவில் தன்னையும் கைது செய்யும். அப்போது இந்த ஆய்வாளர் வருத்தப்பட்டு ஆவது ஒன்றுமில்லை என்பதை மட்டும் சொல்லி வைப்போம்.

இந்தியாவின் தேசியக்கவி முத்துராமலிங்கத் தேவர்!?

2011-09-12T20:32:00.001+05:30

கடந்த மாதம் வந்த சுதந்திர தின வாழ்த் துக்களால் நிறைந்து கிடந்த எனது கைப்பேசி 2011 ஆகஸ்ட் 15 அன்று 11 மணியளவில் அலறி யது. அழைத்தவர் திருச்செங்கோடு வழக்கறிஞர் சேகரன்: தோழர் தயவு செய்து பொதிகை தொலைக்காட்சி பாருங்க. என்ன பிரச்சனை ஏன் இவ்வுளவு பதட்டம்?

பதட்டம் இல்லை தோழர் நிகழ்ச்சியை பாருங்க, என்றார்.

பொதுவாக முக்கிய தினங்களில் தொலை காட்சி பார்க்கும் மன உறுதி எனக்கு வாய்ப்பதில்லை. சுதந்திரம் குறித்து அபத்தமான கருத்துக்களையும் நிகழ்ச்சிகளையும் நமது தனியார் தொலைக்காட்சி அலைவரிசைகள் காட்டுவதைப் பார்க்க சகிக்காது. தோழர் சொன்னதால் அதுவும் பொதிகை என்பதால் பார்த்தேன்.

நிகழ்ச்சியில் பொதிகைத் தொலைக்காட்சி சார்பில் தொகுப்பாளர்கள் கையில் சத்திய சோதனை புத்தகத்துடன் (யாருக்கு சோதனை என்பது இறுதியில்தான் தெரிந்தது) கல்லூரி முன்பு, வேலைவாய்ப்பு அலுவலம், சினிமா தியேட்டர் போன்ற இடங்களில் இளைஞர் களிடம் சுதந்திர தினம் குறித்து பேட்டி எடுத்த னர். நான் பொதிகை அலைவரிசையை வைத்த போது தொகுப்பாளர் முகம் வெளிறிப் போயிருந்தது...

இந்தியா எப்போது சுதந்திரம் அடைந்தது?

1945.'

காந்தியின் முழுப் பெயர் என்ன?

மகாத்மா காந்தி

பகத்சிங்குடன் தூக்கிலேறிய இருவரின் பெயர் என்ன?

...........

இந்தியாவின் தேசிய கீதம் எது?

நீராரும் கடலுடுத்த...

காந்தியின் சுயசரிதையின் பெயர் என்ன?

................

இந்தியாவின் தேசிய கவிஞர் யார்?

முத்துராமலிங்கத் தேவர்!

நேதாஜி சுபாஷ்சந்திர போஸ் அமைத்த ராணுவத்தின் பெயர் என்ன?

போர்ப் படை ..... விமானப் படை... தெரி யலை சார்..

இந்த கொடுமைகள் இத்தோடு முடிந்து விடவில்லை. இவை போக இன்னும் சில சோதனைகள் காத்திருந்தன அந்த நிகழ்ச்சித் தொகுப்பாளருக்கு.

பாரதியாரின் முழுப்பெயர் என்ன?

.............

இந்தியாவின் முதல் ஜனாதிபதி யார்?

...............

நம் நாட்டின் முதல் பிரதமர் யார்?

.............

இப்படியான பதில்களால் வெறுத்துப் போன நிகழ்ச்சித் தொகுப்பாளர் வெறுத்துப் போனவராக அந்தக் கல்லூரி மாணவர்களி டம் சற்றே கடுப்பான குரலில், என்னப்பா இப்படி பதில் சொல்றீங்க, என எரிந்து விழுந்தார்.

சார் நாங்க புவியியல் ஸ்டூடன்ட்ஸ்... எங்களிடம் ஏன் வரலாறு கேள்வி கேட்கி றீங்க, என மிகவும் அடக்கமாக பதில் கூறி னார்.

நேயர்களே இந்த நிகழ்ச்சிக்காக நாங்கள் கொண்டு வந்த காந்தியின் சுயசரிதையான சத்திய சோதனை புத்தகத்தை யாருக்கும் கொடுக்க முடியாமல் மிகவும் வருத்தத்துடன் திரும்பவும் எடுத்துச் செல்கிறோம். இந்த நிலைக்கு யார் பொறுப்பு என அனைவரும் யோசிப்போம், என்று நிகழ்ச்சியை முடித்தார். இந்த நிகழ்ச்சி முடிந்ததும் பல நண்பர்களிடமிருந்து எனக்கு தொலைபேசி அழைப்பு வந்தது. பாத்தீங்களா பொதிகை தொலைக்காட்சி? இதுதான் உண்மை... ...இன்றைய இளைஞர்கள் இப்படித்தான்... என்ற ரீதியில் பல உரையாடல்கள். ஏதோ இந்த நிலைக்கு அவர்கள் மட்டுமே காரணம் என்பது போல குற்ற்சாட்டுகள்.

உண்மையில் நமது இளைஞர்கள் இவ்வளவு மோசமான வரலாற்று அறிவுடையவர்களா என்ற குழப்பம் என்னுள் வந்தது. இல்லை. உலக வராலாற்றில் பல வருடங்களுக்கு முன்பு பூமியில் புதைக்கப்பட்ட சில எலும்பு களுக்காக லட்சக்கணக்கான இளைஞர்கள் வரவேற்புக்கொடுத்தது இரண்டு முறைதான் நடந்தது. ஒன்று கியூபாவின் இளைஞர்களாலும் மற்றொன்று இந்திய இளைஞர்களாலும் நிகழ்த்திக்காட்டப்பட்டது.

உண்மையா?

ஆம்! ஒன்று 1967 அக் 9 ல் பொலிவியா நாட்டின் ஒரு காட்டுக்குள் அமெரிக்காவால் சுட்டுக் கொல்லப்பட்ட சே குவேரா எலும்புகள். அவை எங்களுக்கு வேண்டும் எனக் கேட்டு தொடர்ந்து போராடிய ஃபிடல் காஸ்ட்ரோ குரலுக்கு செவிசாய்த்து, 1997 அக் டோபர் 18ம் தேதி கியூபா தலைநகர் ஹவானாவுக்கு சே குவேரா எலும்புகள் கொண்டு வரப் பட்டபோது லட்சக்கணக்காண இளைஞர்கள் உணர்ச்சிமயமாக சே..... நீ எங்களுடன் மீண்டும் வாழ வருகிறாய், எனக்கூறி அந்த மாவீரனின் எலும்புகளை வரவேற்றனர்.

அதற்கு முன்... 1919 ஆம் ஆண்டு அடிமைப்பட்ட இந்தியாவின் விடுதலை முழக்கத்தோடு ஜாலியன் வாலாபாக் மைதானத்தில் குழுமியிருந்தனர் மக்கள். நிராயுத பாணியான அவர்களை கொடூரமாய் சுட்டுக் கொன்றான் ஜெனரல்டயர். அவனைக் கொலை செய்ய 20 ஆண்டுகள் நெஞ்சில் கோபத்தை அடைகாத்து அதை செய்து முடித்தான் உத்தம் சிங். அவனுக்கு 1940 ஆம் ஆண்டு ஜூலை 15ஆம் தேதி தண்டனை உறுதி செய்யப்பட்டது. ஜூலை 31ஆம் தேதி உத்தம் சிங் தூக்கிலிடப்பட்டார், பின்னர் அவரது உடல் அடக்கம் செய்யப்பட்டது. விடுதலை பெற்றதுமே அவரது எலும்புகளைக் கேட்டது இந்தியா. ஆனால் 1975ஆம் ஆண்டுதான் இங்கிலாந்து அரசு உத்தம் சிங் புதைக்கப்பட்ட இடத்தை மீண்டும் தோண்டி, அவரது எலும்புக் கூட்டின் மிச்ச மீதிகளை பொறுக்கிக் கட்டி இந்தியாவிற்கு அனுப்பியது. உத்தம்சிங்கின் எலும்புக்கூடுகள் ராஜமரியாதையோடும் லட்சம் இளைஞர்களது ஆர்ப்பரிப் போடும் இந்தியாவில் வரவேற்கப்பட்டு, உத்தம்சிங்கின் சொந்த ஊரில் எரியூட்டப்பட்டு, சாம்பல் கங்கை ஆற்றில் கரைக்கப்பட்டது.

இத்தகைய வராலாற்று உணர்வு கொண்ட இந்திய இளைஞன் திசைமாறிட காரணம் அவன் மட்டும்தானா? மேல் படிப்புக்கு வரலாறு பாடத்தை எடுத்தால் அது மிகவும் அருவருப்பான செயலாய் பார்க்கப்படுவது ஒரு முக்கியக் காரணம் இல்லையா? உலகமய போட்டியில் பண அறுவடைக்கான கல்வியே முன் நிற்க்கும் போது வரலாறு, புவியியல், சமூகவியல், போன்றவைகள் புறந்தள்ளப் படுவது தெரியாமல் நடப்பதல்ல. திட்டமிட்ட வேலை என்பதை மறந்துவிடக் கூடாது.

பலநூறு ஆண்டுகள் லட்சக்கணக்கான மக்கள் உயிரை விலையாகக் கொடுத்து பெற்ற விடுதலை வரலாற்றை, அந்த வடுக்களை, வலிகளை, தியாகங்களை எந்த சமூகம் உண ராமல் இருக்கிறதோ அந்த சமூகம் மீண்டும் அடிமையாகும்

எழுந்துவா என் மகளே.. இணைந்து போராடுவோம்!

2011-08-29T00:01:00.001+05:30

செங்கொடி என்ற பெயர் கொண்ட

தாயே..
தங்கையே ..
என் செல்ல மகளே!
ஏன் செய்தாயடி...

உனது பிஞ்சு மொழியால்
குரல் உயர்த்தி இருக்கலாம்.
உனது கோபத்தால்
இன்னும் அதிர்ந்திருக்கலாம்..

மரணம்தான் உனது
குரலா
அல்லது
தீர்வா.?
தற்கொலைகள் இதுவரை
தீர்வானதில்லையடி
என் சோதரி..

மக்களை திரட்டி
நடத்திய
போராட்டம்தான்
இதுவரை வென்றிருக்கிறது..

எழுந்துவா என்
தங்கையே..
மகளே..
இணைந்து
போராடுவோம்!

காலத்தின் தேவையாய் எழுந்துள்ள காஃபிர்களின் கதைகள் - நூல் அறிமுகம்

2011-08-06T23:40:00.001+05:30

இஸ்மாயில் என்ற பெயருடன் நாதூராம் கோட்சேவால் காந்தியைக் கொலை செய்ய முடிந்ததிற்கான காரணம் இன்னும் தொடர்ந்து கொண்டுதான் இருக்கிறது. எங்காவது குண்டு வெடித்தால் மிக எளிதாக நமக்கான பொதுபுத்தி இஸ்லாமிய பயங்கரவாதிகளுடன் தொடர்பு கொள்ள முடிவதற்கான காரணமாய்!! அது பிற மதவெறியர்கள் வைத்த குண்டாய் இருந்தாலும் கூட.. இந்த ஒப்பிடல் ஏதோ சட்டென நமக்குத் தோன்றியதில்லை. இதன் பின்னால் மிகவும் திட்டமிட்ட ஒரு அடையாள அரசியல் பதுங்கி நிற்கிறது. இஸ்லாமிய மக்கள் பிறருடன் ஒன்றுகலந்து வாழும் கலாச்சாரம் இதனால் எல்லாம் இன்னும் உதிர்ந்துவிடவில்லை. ஆனால் இந்த ஒற்றுமை உதிர வேண்டும் என்ற வன்மம் தொடர்கிறது.

இந்த வன்மத்திற்கு எதிராக இஸ்லாமிய மக்களின் வாழ்க்கையைப் பதிவுகள் மூலமாகவும், கதையாடல்கள் மூலமாகவும் உரத்துச் சொல்ல வேண்டியது காலத்தின் தேவையாய் எழுந்து நிற்கிறது. எனவே நம்மோடு இணைந்து வாழ்கிற 20 சதமான இஸ்லாமிய சமூக சொந்தங்கள் குறித்து நமது எழுத்தாளர்கள் எழுதுவதில் காட்டும் சிக்கனத்தில் மாற்றம் தேவைப்படுகிறது. இத்தேவையை உணர்த்துவதாக காஃபிர்களின் கதைகள் தொகுப்பு வந்துள்ளது. 18 எழுத்தாளர்கள்; அவர்களில் எவரும் இஸ்லாமியர்கள் அல்லர். ஆனால் அவர்கள் இஸ்லாம் சமுதாய வாழ்வை அவதானித்து அதை சிறுகதைகளாக வடித்துள்ளனர். இக்கதைகளைத் தொகுத்து மிகவும் முக்கியமான ஆவணமாக எழுத்தாளர் கீரனூர் ஜாகிர்ராஜா வழங்கியுள்ளார். அவரது படைப்புகளைப் போலவே இந்த தொகுப்பும் மௌனமாக ஆனால் ஆழமான கேள்விகளை எழுப்பி நிற்கிறது.

டிசம்பர் ஆறாம் தேதி வந்தால் இந்திய தேசமே “அட்டென்ஷன்'' நிலைக்கு வந்து நிலைகுத்தி நிற்பது ஏன்? என்ற வினா உங்களுக்கு எப்போதாவது எழுந்திருக்கும் என்றால் இந்தத் தொகுப்பின் தேவையும் உங்களுக்குப் புரியும்!

தமிழின் முதல் சிறுகதையென அடையாளம் காணப்பட்ட வ.வே.சு அய்யரின் குளத்தங்கரை அரசமரம் துவங்கி இன்று வரை லட்சக்கணக்கான சிறுகதைகள் இஸ்லாமியர் அல்லாத எழுத்தாளர்களால் எழுதப்பட்டுள்ளது. ஆனால் அவைகளில் எத்தனை கதைகள் இஸ்லாமிய சமூகம் குறித்த பதிவுகளைக் கொண்டிருக்கிறது என்ற கேள்வியை இந்தத் தொகுப்பு நிச்சயம் எழுப்பும். இத்தொகுப்புக்குள் வராத கதைகள் இன்னும் இருக்கலாம். அவைகளையும் தொகுக்க வேண்டியது இன்றைய சமூகச் சூழலின் அவசியமாகப் படுகிறது.

பெருமிதங்களை நிரப்பி, உணர்ச்சிகளைத் தூண்டி சவால்களை முன்நிறுத்தி, எதிரிகள் என சுட்டப்பட்டு அவர்களின் சுயமரியாதையைக் கேள்விக்குறியாக்கி, அறை கூவல்களைக் கொண்டாடும் மனநிலைமைக்கு கொண்டு வந்து ஒரு இனத்தை சந்தேகக் கண்கொண்டு பார்க்க வைத்துள்ள இந்துத்துவ வாதிகளின் முன்னால் இத்தகைய நூற்றுக்கணக்கான காஃபிர்களின் கதைகளை தேவைகளைத் தேடி முன்வைக்க வேண்டியது காலத்தின் அவசியம். இந்தத் தொகுப்பில் மதச்சார்பின்மையை வலியுறுத்தும் கதைகள் அணிவகுக்கவில்லை. தேச ஒற்றுமையை வலியுறுத்த வேண்டுமெனில் கோயில், மசூதி, சர்ச் படங்களை போட்டால் ஒற்றுமை பொங்கிவரும் என்ற நினைப்பும் பொதுவாக இருக்கிறது. முற்போக்கு இயக்க ஊர்வலங்களில்கூட ஒரு பூனூல் அணிந்த பார்ப்பனர், குல்லா அணிந்த இஸ்லாமியர், கோட்டு போட்ட ஃபாதர் கைகோர்த்து வருவது போல மதச்சார்பின்மை வலியுறுத்தப்படுகிறது. (அது சரி இந்து என்றால் பிராமணர்கள் மட்டும்தானா?) மற்ற மதங்களுக்கு இடம் எங்கே?

ஆனால் இந்தத் தொகுப்பு அமைதியாய் பேசும் அரசியல் மிகவும் முக்கியமானது. சுப்ரமணிய பாரதி, சுந்தர ராமசாமி, கு.ப.ராஜகோபாலன், அசோகமித்ரன், பிரபஞ்சன், பொன்னீலன், வண்ண நிலவன், எஸ்.பொன்னுத்துரை, சுகுமாரன், நாஞ்சில் நாடன், தஞ்சை ப்ரகாஷ், எஸ். ராமகிருஷ்ணன், விட்டல் ராவ், ரமேஷ் பிரேதன், சோ. தர்மன், ஆ. மாதவன், வேல ராமமூர்த்தி, சா.சுப்பாராவ் எனப் பல தலை முறை எழுத்தாளர்களின் எழுத்தினுள் இஸ்லாமியப் படிமம் பதிந்துள்ள விதம் என்ற உளவியலைக் கண்டறிய உதவும் கதைகளின் தொகுப்பு.

இத் தொகுப்பில் உள்ள ஒவ்வொரு கதை குறித்தும் அறிமுகம் செய்வது நன்றெனினும் பக்கங்கள் அதற்கு இடம் தராது. இஸ்லாமியர்கள் அல்லாதோரின் எழுத்துக்கள் என்கிற ஓர்மையைத் தாண்டி இக்கதை களுக்குள் இன்னும் நிறைய ஒற்றுமைகள் இழைந்து நிற்கின்றன. குறிப்பாக 19 ஆம் நூற்றாண்டின் விதையாய் இந்திய இருப்பில் இஸ்லாமியர் வாழ்வின் நிலைகொள்ளாத் தவிப்பை பெரும்பாலான கதைகள் பேசுகின்றன. எந்த ஒரு கதையிலும் இஸ்லாமிய சமூகத்திற்காகப் ''பெருந்தன்மையுடன்'' பரிந்து பேசும் தொனி தட்டையான மதிப்பீட்டில் வராதது கவனம் கொள்ளத்தக்கது.

ஹஸர் தினார், அக்பர் எனும் அப்பா என்ற இரு கதைகளைத் தவிர்த்து மற்ற கதைகள் எல்லாம் சராசரி மனிதர் களின் தினசரி வாழ்க்கை குறித்துப் பேசுகின்றன. ஒரு வகையில் அக்பர் என்ற மாமனிதனும், கோபங்களை உடைக்கச் சுற்றியலைந்த மாலிக் காபூரும் சராசரி வாழ்க்கையுடைய மனிதரூபமாய் பார்க்கப்பட வேண்டியவர்களே. மனிதர்களே மகாபுருஷர்களாக மாறுகின்றனர். ஹஸர் தினார் மறுவாசிப்புக்கு உட்படுத்த தூண்டுகிற கதையாக இருக்கிறது.

1920 களிலேயே இஸ்லாமிய சமூகத்தை கரிசனத்தோடும் விமர்சனத்தோடும் அணுகியுள்ள பாரதியும், மனக் கணக்குப் புலியான ஹசன் ராவுத்தரும், தன்வாழ்வில் நடந்த எந்த ஒரு சம்பவத்தையும் மறைக்க விரும்பாத பட்டாணியும், பெற்ற மகள் திருமணத்திற்கு பயன் பட்டிருக்க வேண்டிய பணமாகினும் அது வந்தவழி தவறு என்பதால் தன் மகனைக் காவல் நிலையத்தில் ஒப்படைத்த பாயம்மாவும், ஒரு இந்து திருமணத்தின் நம்பிக்கை சார்ந்த வலியைப் புரிந்து கொண்டு உதவும் மொகிதீன் ஷா என்கிற இன்ஸ்பெக்டரும், தன் தாடியும், சாயலும் ஒரு இஸ்லாமியரைப் போன்று இருப்பதால் அவஸ்தைக்குள்ளாகும் அதனால் தன்னுடைய இறுதி ஆயுதமாய் ஆண் உறுப்பை எடுத்துக் காட்டும் அவலம் நிறைந்த இளைஞனும், ஜன்னல் வழியே காதல் கொண்டவனுக்காக எல்லாம் துறந்த நூரி இறுதியில் அவனையே துறந்ததும், எல்லா சோகங்களையும் தனது வயலின் வழியே இசையாய் அனுப்பும் மெஹருன்னிசாவும் தொகுப்பைப் படித்து முடித்த பல நாட்கள் உங்களுடன் தொடர்ந்து வருவார்கள். கரீம் என்ற பெயர் இருப்பதாலேயே இத்தொகுப்பில் இடம் பெற்றுள்ள ''விழிப்பு'' கொஞ்சம் நெருடத்தான் செய்கிறது. இன்னும் இதில் கவனம் செலுத்தி இருக்கலாம்.

“நான் அடிக்கடி யோசிப்பது போல அமெரிக்காவில் ஒரு வெள்ளையனாகப் பிறந்திருந்தால், உலகின் மிகப் பெரிய குற்றவாளியாக என்னை உணர்ந்திருப்பேன். அந்தக் குற்ற உணர்வு என்னைக் கொஞ்சம் கொஞ்சமாகக் கொன்றிருக்கும். இந்தியாவில் ஒரு தலித்தாகப் பிறந்திருந்தால் என் மீது செலுத்தப்படும் அவமானத்தையும் ஒடுக்கு முறைகளையும் தாங்க முடியாமல் மனம் வெந்து தற்கொலை செய்துகொண்டிருந்திருப்பேன். இப்போது இப்படி யோசிக்கிறேன். நல்லவேளை நான் ஒரு முஸ்லீமாகப் பிறக்கவில்லை. பிறந்திருந்தால் பயந்து பயந்தே செத்திருப்பேன். என் நிழலே என்னைத் துரத்த ஒரு எலியைப்போல வளைக்குள் அடைந்திருப்பேன்'' என்று ரமேஷ் பிரேதன் பதிந்துள்ளது நாகரிக சமூகத்தை வெட்கப்பட வைப்பதாகும்.

இந்த புத்தகத்தைப் படிக்கும்போது வாசக மனநிலை எங்கு செல்லும் என்பதற்கு நானே சிறந்த உதாரணமாய் இருக்கின்றேன். என்னுடைய அனுபவத்தில் பிரியாணி என்ற உணவை முதலில் சுவைத்தது நான் பிறந்த பரங்கிப்பேட்டையில்தான். குமத் பள்ளியில் என்னுடைய அம்மா ஆசிரியையாக பணியாற்றிய காலம் அது. மியாங்கடை ரொட்டியும், தில்ஷாத் அக்கா நெய் சாதமும் இஸ்லாமியர்கள் நிறைந்த தெருவில் வாஞ்சையுடன் எங்களை அரவணைத்த முக்காடு அத்தைமார்களும் முப்பத்தைந்து வருடகாலங்களுக்குப் பின் என்னுடைய நினைவலைகளில் எழுந்து வந்தார்கள். சுவாசத்தைப்போல மிகவும் இயல்பாகப் பழகியவர்களை தூரம் வந்தவுடன் மறந்தது மட்டுமல்ல, என்னுடைய எழுத்தில் இதுவரை அவர்களை எங்கும் பதியவில்லை என்ற குற்ற உணர்வும் எழுந்தது. இந்த குற்றவுணர்வு எழுவது நல்லதுதான். இது பற்றிப்படர வேண்டும்.

மிகச்சிறிய மனித வாழ்வின் தூரத்தினை கடக்கும் வழியில் நம்மோடு பயணிக்கும் சகபயணிகளை ஆராயும் நோக்கோடு உற்றுப் பார்ப்பதும், முகம்திருப்பி யோசிப்பதும் பயணத்தை நரகமாக்கும். அதற்கான சூழல் உருவாகியுள்ள இந்தியா போன்றொரு கொந்தளிப்பான தேசத்தில் இதைப்போல் இன்னும் நூறு தொகுப்புகள் வரவேண்டும் என்று கீரனூர் ஜாகிர் ராஜா குறிப்பிடுவதை அப்படியே வழிமொழியலாம்

கடல்வளமும், நிலவளமும் கார்பரேட் கைகளில்?

2011-08-02T21:27:00.000+05:30

கடந்த திமுக அட்சியின் போது கடலூர் மாவட்டம் துவங்கி நாகை மாவட்ட எல்லைவரை உள்ள கடற்கரை பகுதிகளை மொத்தமாக இந்திய பெரு முதலாளிகளிடமும், பன்னாட்டு நிறுவனங்களிடமும் விற்பனை செய்த அவலம் நடந்தது. இந்த பகுதிகளில் பல்வேறு நிறுவனங்களை தங்களது கடுமான பணிகளை துவங்கி உள்ளனர். விவசாய நிலங்களும், கடற்கரையும் இந்த நிறுவனங்களால் ஆக்ரமிக்கபட்டன. குறிப்பாக கடலூரில் இந்த ஆக்ரமிப்பு அதிகம் நடத்தது. கிட்டதட்ட 7000 ஏக்கர் மேல் நிலங்கள் பல நிறுவனங்களால் வாங்கப்பட்டது. அடிமாட்டு விலைக்கு வாங்கப்பட்ட இந்த நிலங்கள் ஏதோ எதற்கும் பயன்படாத நிலங்கள் அல்ல. சவுக்கை, முந்திரி, மணிலா, நெல் என பல வகை சாகுபடிகள் நடந்த இடங்களாகும்

மற்றொரு பார்வையில் இது விவசாயிகளுக்கும் நிறுவனங்களுக்குமான வியாபாரம் மட்டுமல்ல. இந்த நிலங்களை நம்பி வாழ்ந்த பல்லாயிரக்கணக்கான விவசாய கூலித்தொழிலாளிகள், மீனவர்கள் வாழ்வாதாரம் சம்பந்தப்பட்டதும் ஆகும். ஆனால் இதுபற்றியெல்லாம் கவலைப்படாமல் நிலங்கள் வாங்கப்பட்டுள்ளன. கடலூரில் இரவு 12 மணிவரை பத்திர பதிவு அலுவலகங்கள் இயங்கிய அவலம் நடந்தது. தங்கள் தாய்மடியான நிலத்தை கொடுக்க மறுத்த விவசாயிகள் காவல்துறை மிரட்டலுடன் அடக்கப்பட்டனர், அவர்களுக்கும் அடங்காதவர்கள் மாவட்ட ஆட்சித்தலைவர் மூலம் மிரட்டப்பட்டனர். இன்று கடலூர் மாவட்ட கடற்கரையோரம் நாளைய வாழ்க்கையை தொலைத்து பல்லாயிரக்கணக்கான மக்கள் என்று விரட்டப்படுவோம் என தெரியாமல் அலைந்து வருகின்றனர்.

வரும் நிறுவனங்கள்

1270 ஏக்கர் பரப்பளவில் கடலூர் பவர் கார்பரேஷன் லிமிட்டெட் என்கிற அனல் மின்நிலையம் தியாகவெளி, நொச்சிகாடு, நடுதிட்டு, சித்திரப்பேட்டை ஆகிய கிராமங்களை உள்ளடக்கி வருகிறது. 1380 ஏக்கர் பரப்பளவில் எஸ்.ஆர்.எம் அனல் மின்நிலையம் பூவாலை, பால்வாத்துன்னான், வேலங்கிப்பட்டு, அலமேலுமங்காபுரம், மணிக்கொள்ளை ஆகிய கிராமங்களை உள்ளடக்கி வருகிறது. 1210 ஏக்கர் பரப்பளவில் நாகார்ஜுனா எண்ணெய் சுத்திகரிப்பு ஆலை பெரியகுப்பம், பேட்டை நகர், அய்யம்பேட்டை ஆகிய கிராமங்களை உள்ளடக்கி வருகிறது. 730 ஏக்கர் பரப்பளவில் குட் எர்த் கப்பல் கட்டும் தொழிற்சாலை வேலங்கிராயன் பேட்டை, புதுக்குப்பம், கரிகுப்பம் ஆகிய கிராமங்களை உள்ளடக்கி வருகிறது. 400 ஏக்கர் பரப்பளவில் சைமா டெக்ஸ்டைல் பார்க் கோபாலபுரத்தருகில் வருகிறது. 1181 ஏக்கர் பரப்பளவில் ஐ.எல் & எப்.எல் அனல்மின் நிலையம் கொத்தட்டை, அரியகோஷ்டி, வில்லியநல்லூர், பரங்கிப்பேட்டை ஆகிய பஞ்சாயத்துகளில் பல கிராமங்களை உள்ளடக்கி வருகிறது.

ஏற்கனவே கடலூர் முதுநகர் துறைமுகத்தினை தொடர்ந்து சிப்காட் 1 இல் கிட்டதட்ட 600 ஏக்கரில் 25 மருந்து மற்றும் இரசாயன கம்பெனிகள் இயங்கி வருகின்றன. இதுவல்லாமல் கியூஸெக்ஸ், கிளாரியண்ட், பயோனியர், பாண்டியன் கெமிகல்ஸ், பாயர், ஆரோகிமா நிறுவனங்களும், சிப்காட் 2 இல் 200 ஏக்கர் பரப்பளவில் கெப்ம்ளாஸ்ட் கெமிக்கல் கம்பெனியும் இயங்கி வருகின்றன. இதுவல்லாமல் 100 ஏக்கர் பரபளவில் ஈ.ஐ.டி பாரி கம்பெனி நிலத்தை வளைத்துள்ளது.

ஆக மொத்தத்தில் இரசாயணம், மருந்துவகைகள், எண்ணெய் சுத்திகரிப்பு நிலையம், அனல் மின்நிலையம் ஆகியவைகள் கடலும் கடல் சார்ந்த விவசாய நிலங்களையும் கைகளில் வைத்துள்ளன. கடலூர் முதுநகரிலிருந்து பரங்கிப்பேட்டை வரை உள்ள 100 சதுர கிலோமீட்டர் இவர்களது ஆளுகைக்குள் வந்துள்ளது அல்லது வரப்போகிறது. அதாவது கிட்டதட்ட 75 கிராமங்கள் அடியோடு விரட்டப்படும் நிலை விரைவில் உருவாகும்.

வேலை வாய்ப்பு உருவாகிறது?

பல்லாயிரம் கோடி முதலீட்டில் இங்கு துவக்கபடும் கம்பெனிகளால் இம்மாவட்டத்தில் உள்ள இளைஞர்களுக்கு வேலைவாய்ப்பு பெருகும் என கடந்த ஆட்சி தம்பட்டம் அடித்தது. மாவட்ட முழுவதும் உள்ள இளைஞர்களுக்கு கூட வேண்டாம், அப்பகுதியில் நிலங்களை கொடுத்த, நிலங்களில் வேலை செய்து வாழ்ந்து வந்த உழைபாளிகளுக்காவது வேலை கிடைத்திருக்கிறதா? அல்லது மிக விரைவில் கடற்கரையிலிருந்து விரட்டப்பட உள்ள மீனவர்களுக்காவது வேலை வாய்ப்பு உருவாகி உள்ளதா? இந்த கேள்விகள் மிகவும் முக்கியமானது. இந்த பகாசூர தொழிற்சாலைகள் நிலங்களை கொள்ளை கொண்டது மட்டுமல்ல தங்களது நிறுவனங்களை உருவாக்க கொடூரமான உழைப்புச் சுரண்டலையும் செய்து வருகின்றனர். நிறுவனங்களின் கட்டுமான பணிகளில் வட மாநில இளைஞர்களே எங்கும் வியாபித்துள்ளனர். மிகவும் சொச்சமான பணிகளிலே தமிழக இளைஞர்கள் ஒட்டிக்கொண்டிருக்கின்றனர். வடமாநில இளைஞர்கள் வேண்டாம் என்பதல்ல இப்பகுதி இளைஞர்களின் கோரிக்கை. அவர்களை அடிமை போல நடத்துவதும். சமவேலைக்கு சமகூலி கொடுக்காமல் சுரண்டுவதும் தங்களை பாதிக்கிறது என்கிறார்கள்.

அதாவது தமிழக இளைஞர்களுக்கு ஒரு நாள் கூலி 300 எனில் வடமாநில இளைஞர்கள் ஒரு நாளைக்கு 100 ரூபாய்தான் பெருகின்றனர். குறைந்த கூலிக்கு வட மாநில இளைஞர்களை புரோக்கர்கள் பிடித்து வருவதால் இப்பகுதி இளைஞர்களுக்கு அதுக்கூலி வேலைக்கூட கிடைப்பதில்லை. ஆயிரக்கணக்கில் கடலூரின் கடற்கரையோர கிராமங்களில் வடமாநில இளைஞர்கள் தங்கி உள்ளனர். இந்த உழைப்புச் சுரண்டல் கடுமையான சமூக முரண்பாடுகளை கடலூர் மாவட்டத்தில் உருவாக்குகிறது. மொத்த கம்பெனிகளும் பல்லாயிரம் மக்களை விரட்டிவிட்டு, நிலங்களை எடுத்து வேலை கொடுப்பது மிகவும் சிலருக்கே. கேட்டால் திறமை உள்ளவர்களுக்கு மட்டுமே வேலை கொடுக்கமுடியும் என்ற வாதம் அறிவுஜீவிகளால் முன்வைக்கப்படுகிறது. அவர்களிடம் உள்ள மீன்பிடிக்கும் திறமையும், விவசாய சாகுபடி திறமையும் கட்டாயமாக பிடுங்கப்படுவது ஏன் கணக்கில் கொள்ளப்படுவது இல்லை. சராசரியாக ஒரு ஏக்கர் விவசாய நிலத்தில் பத்து பேருக்கு வேலை கிடைக்கும் என்றால் இப்பகுதியில் பிடுங்கபட்டுள்ள நிலங்களில் எவ்வுளவு மக்கள் பிழித்திருப்பார்கள் என்பதையும், 20 க்கும் மேற்பட்ட மீனவ கிராமங்களில் எவ்வுளவு பேர் வேலையிழக்கப் போகிறார்கள் என்பதையும், இப்படி வேலை இழப்பவர்கள் மாவட்டத்தின் நகர்புறங்களை நோக்கி புலம்பெயரும் போது ஏற்படும் சமூக மாற்றங்களும் மிகவும் சிக்கலை உருவாக்கும் தன்மை சார்ந்தவை.

விவசாயிகளுக்கு இழப்பீடு!

கடந்த ஐந்து ஆண்டுகளாக அப்பகுதியில் நிலங்கள் பல புரோக்கர்கள் மூலம் எதற்கு நிலம் வாங்கப்படுகிறது என்று சொல்லாமலே வாங்கப்பட்டது. அடிமாட்டு விலைக்கு வாங்கப்பட்ட நிலங்கள் கம்பெனிகள் வேலையை துவங்கிய உடன் விலையேறத் துவங்கியது. குறிப்பாக நாகார்ஜுனா எண்ணெய் சுத்திகரிப்பு நிறுவனம் ஒருபுறம் அரசாங்கத்தின் மூலம் விவசாயிகளிடமிருந்து நிலங்களை வாங்கியது. மற்றொரு பக்கம் நேரடியாக புரோக்கர்கள் மூலம் நிலங்களை வாங்கியது. இப்படி வாங்கியதுதான் அதிகம். இன்றைய சந்தை நிலவரத்தில் விலை நிர்ணயம் செய்ய வேண்டும் என்று விவசாயிகள் வழக்கு போட்டதும் அரசு வாங்கிக்கொடுத்த நிலங்களுக்கு விலையேற்றப்பட்டது. ஆனால் அவர்கள் நேரடியாக வாங்கிய நிலங்களின் விவசாயிகள் ஏமாற்றப்பட்டார்கள்.

ஆரம்பத்தில் மிகக்குறைந்த விலைக்கு விற்பனை செய்த விவசாயிகள் பல சங்கங்களை அமைத்து போராடத்துவங்கினர். இதில் பல கருத்துக்கள் உள்ள அமைப்புகள் உள்ளது. சில அமைப்புகளின் நோக்கம் கூடுதல் பணம். சில அமைப்புகள் விவசாயத்திற்கு என்று வாங்கப்பட்ட நிலங்களில் கம்பெனியை அனுமத்திக்க முடியாது என்று கூறுகின்றனர். கடந்த சில ஆண்டுகளாக விவசாயிகள் அவர்கள் சார்ந்த பிரச்சனையாக மட்டுமே இப்பிரச்சனை அணுகப்பட்டது. ஆனால் இந்த நிலங்களை நம்பி வாழ்ந்த நிலமற்ற தொழிலாளிகள், குத்தகை விவசாயிகள் அவர்களது குடும்பங்கள், கடலோரத்தில் வாழும் மீனவ மக்களின் வாழ்வாதாரம் போன்றவை பொது வெளியில் விவாதத்திற்கு வரவில்லை. அவை தற்போதுதான் பேசப்படுகிறது.

தமிழநாடு விவசாயிகள் சங்கம், விவசாய தொழிலாளர் சங்கம், இந்திய தொழிற் சங்க மையம், வாலிபர், மாதர், போன்ற அமைப்புகள் அங்கம் வகிக்கக்கூடிய "கடற்கரையோர மக்கள் வாழ்வுரிமை இயக்கம்" என்ற அமைப்பின் சார்பில் இப்பகுதி மக்களின் வாழ்வாதாரத்தினை பாதுகாக்க முயற்சிகள் மேற்கொளபடுகிறது.

தொழில்மயமும் சுற்றுசூழலும்..

தொழிற்சாலைகள் வருவதை யாரும் வரவேற்கவே செய்வார்கள். ஆனால் அது என்ன தொழிசாலை, எவ்வுளவு பேருக்கு வேலை கொடுக்கும், என்ன உற்பத்தி செய்யும், எத்துனை பேரின் வாழ்வை அழிக்கும், சுற்றுசூழலை எப்படி பாதிக்கும் போன்ற பக்க விளைவுகளை பார்க்காமல் தொழிற்சாலை வந்தால் வேலைவாய்ப்பு பெருகும் என்று கூறுவதால் எந்த பயனும் இல்லை. உலகமயம் மூலதனம் லாப வேட்டைக்காக எந்த கொடூர செயலுக்கும் தயாராக இருக்கும். ஒருப்பக்கம் அத்துகூலிகளாக தொழிலாளிகளின் உழைப்பைச் சுரண்டி மற்றொரு பக்கம் எந்திரங்களை புகுத்தி முடிந்த அளவு ஆட்களை குறைக்கும். இயற்கை வளங்களின் மீது எந்தவித அக்கரையும் இல்லாமல் சுரண்டுவார்கள்.

கடலூர் கடற்கரையோரம் இரசாயணம், மருந்து, எண்ணெய், நிலக்கரியை பயன்படுத்தும் அனல் மின்நிலையம், கப்பல்கட்டும் தொழிற்சாலை போன்றவை வரிசையாக வருவதால் இனி கடலூர் கடற்கரை மீன்பிடிக்க இயலாமல் போகும். மேற்கண்ட அத்துனை கம்பெனிகளின் கழிவுகளும் கடலில்தான் கலக்கும். அனல் மின்நிலையங்களின் கொதிநீர் கடலில் கலந்துக் கொண்டே இருக்கும். மற்றொரு பக்கம் மக்கள் நெருக்கமாக வாழும் 75 கிராமங்களுக்குள் அருகருகில் மூன்று அனல் மின்நிலையங்கள் வருவதால் அவைகளின் சாம்பம் மற்றும் மாசு கிராமங்களை போர்வை போல பரட்ந்து போர்த்தும். இராட்சச ஆழ்துளை குழாய்கள் மூலம் நிலத்தடி நீர் உரிஞ்சு எடுக்கப்படுவதால் கடல்நீர் விவசாய விளைநிலங்களை நோக்கி ஈர்க்கப்படும்.

ஆக மீன்வளம், நீர்வளம், நிலவளம், மனிதவளம் இவைகள் மொத்தமாக புறக்கணிக்கப்படும் தொழில்மயம் யாருக்காக? முலதனம் மேலும் மூலதனத்தை பெருக்க மக்களை சுரண்டுகிறது. வளர்ச்சி என்ற பெயரில் இதை ஆதரிப்பதா அல்லது உற்பத்தி சாதனங்களை இழந்த மக்களின் வாழ்வாதரத்தை பாதுகாக்க அவர்கள் பக்கம் நிற்பதா? நீங்கள் மூலதனத்தின் பக்கமா அல்லது உழைக்கும் மக்கள் பக்கமா? என்ற முரண்பாடு முற்றி வருகிறது.

செக்ஸ் தொழிலாளிகள்: பெருமைபடுகிறோம் நீதிமான்களே!

2011-07-21T22:35:00.000+05:30

நமது வரலாற்றின் வழி நெடுகிலும் பெண்கள் குறித்த பெருமிதம் நிறம்பி வழிகிறது. தாய்மண், தாய் நாடு, நீர் நிலைகளுக்கு பெண்கள் பெயர்கள் என நமது வாய்வீச்சும், எழுத்து பிரதாபங்களும் சொல்லில் அடங்காது. இருப்பினும் பத்தினி பெண்களும் பரத்தையர் வீதிகளும் நிறைந்த நாடாய்தான் நமது நாடு அறியப்படுகிறது. நமது இந்திய நாடு மிகப்பெரிய பாரம்பரியங்களை கொண்டதாக அறியப்பட்டாலும், அதன் வேர்கள் பழமையை உடுத்தியே அலைகிறது. சங்க இலக்கியம் துவங்கி நவீன இலக்கியம் வரை குடும்பம் என்ற அமைப்பிற்கு இணையாக பொதுமகளிர் தேவைகள் மற்றும் அவர்களது சேவைகள் குறித்து பேசப்படுகிற பண்பாடே நம்முடைய பண்பாடு. பரத்தையர், பொதுமகளிர், தேவரடியாள், விலைமகள், தாசி என்றெல்லாம் அழைகப்படும் பெண்கள் குறித்து நமது மனதிற்குள் இருக்கும் சித்திரம் பல்வேறாக இருக்கிறது.

பேருந்தில் செல்லும் சமயங்களில், பேருந்து நிலையத்தில் நிற்கும் சமயங்களில் இவ்வாரான பெண்கள் நமது கண்களில் தென்படுவார்கள். அப்படியான சமயங்களில் மனித சிந்தனையோட்டம் தாழபறப்பது தவிர்க்க முடியாதது. சொல்லில் அடங்காத வார்த்தைகளை வாய் நிறைய வைத்துத் திரியும் அந்த பாவப்பட்ட பெண்களின் பிரச்சனைகளை பேசுவதே பாவமாய் அறியப்படுகிற நாற்றம் எடுத்த சமூகம் நமது சமூகம்.

அரசியல் தலைவர்கள் இவர்கள் குறித்து பேசத்தயங்கும் சமூக சூழலில் நாம் வாழ்கிறோம். ஆனால் நமது உச்ச நீதிமன்றம் அவர்கள் வாழ்வு மரியாதை நிறைந்த வாழ்க்கையாக அமைய உதவிட வழிகாடுதல் நிலையை மேற்கொண்டுள்ளது. இந்த நிலைபாடு வாழ்த்துக்களுக்கு உறியது மட்டுமல்ல, மனித நேயத்தின் சிறந்த எடுத்துக்காட்டாகவும் இருக்கிறது.

கடந்த 2011 ஜூலை 19 ஆம் தேதி நமது நாட்டின் உச்ச நீதிமன்ற நீதிபதிகள் மார்கண்டேய கட்சு, கயன் சுதா மிஷ்ரா ஆகியோர் இரண்டு வாரத்திற்குள் இந்திய நாடு முழுவதும் செக்ஸ் தொழிலாளிகளின் கருத்துக்களை கேட்டறிந்து, அவர்களின் கணக்கீட்டை செய்து, அவர்களில் யார் மறுவாழ்வுக்கு திரும்புகிறார்கள் என்ற விபரங்களுடன் மனுவை தாக்கல் செய்ய வேண்டும் என மத்திய, மாநில, யூனியன் பிரதேச அரசுகளுக்கு உத்தரவு பிறப்பித்துள்ளனர். நல்லது அந்த நீதிமான்களை வாழ்த்துகிறோம்.

ஆனால் பிரச்சனை மறுவாழ்வு கொடுப்பது மட்டுமல்ல. மறுவாழ்வு கொடுத்தால் இந்த நரகத்தில் வீழ்ந்து கிடக்கும் அனைத்து பெண்களும் எழுந்து வரவே தயாராக இருப்பர்கள். இந்திய அரசியால் சாசன சட்டம் 21 ஆம் பகுதியில் கூறும் "மரியாதைக்குறிய வாழ்க்கையை" வாழ அவர்களும் தயாராகவே இருக்கிறார்கள். ஆனால் நமது சமூக அமைப்பு அவர்களை வாழ அனுமதிக்குமா என்பதுதான் பிரச்சனை.

பண்ணாட்டு நிறுவனங்களும், இந்திய முதளாலித்துவ சமூக அமைப்பும் பெண்களின் உடலை மைய்யமாய் வைத்தே தங்களது வர்த்தக விளம்பரங்களை வளர்த்தெடுக்கும் போது அவர்களுக்கு இத்தகைய சதை வியாபார சந்தை தேவைப்படுகிறது. இவர்களை ஒழிக்காதவரை இவைகளை ஒழிக்க முடியாது என்பதே நிதர்சனம்.

ஆக முதலில் ஒழிக்க வேண்டியது ??????????????????